Мўътабар Тожибоеванинг фото ва ҳужжатлари Нью-Йорк фотокўргазмасида

04.11.2014 "Журналистлар", 2011 - 2015 йиллар, JARAYON.COM АРХИВИ, АРХИВ, Илҳом ва Раҳим Ибодов иши, Инсон ҳуқуқлари, Қамоқдан кейин, Қийноқ қурбонлари, МУКОФОТЛАР, МЎЪТАБАР ТОЖИБОЕВА, СИЁСИЙ ҚАТАҒОН, Ўзбекистон, ЯҚИНЛАРИМГА БОСИМЛАР No comments

Нью-Йоркда таниқли ўзбек ҳуқуқ фаоли Мўътабар Тожибоеванинг суратлари ва ҳужжатлари келтирилган фотоэкспозиция ўз ишини бошлади.

3 ноябрь куни Нью-Йорк шаҳрида «Тўсиқларни суриш» дея номланган фотоэкспозиция ўз ишини бошлади. Унда “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева фотопортретлари ва ҳужжатлари ҳам келтирилган.

Жорий йили фотокўргазма «Тўсиқларни суриш» / “Сенга қарайман, ўзимни кўраман” номи остида ўтказилмоқда, унда инсон ҳуқуқлари мавзусида фаолият юритувчи 10 нафар сураткашнинг ишлари қўйилган.

Ўзбек ҳуқуқ фаоли Мўътабар Тожибоеванинг фотопортретлари интернет-хавфсизлик бўйича маслаҳатлар берувчи жамғармалар билан ҳамкорлик қилиб келадиган швейцариялик сураткаш Мари Басташевски томонидан ишланган.

Шунингдек, Нью-Йоркдаги фотокўргазмада ҳуқуқ фаолининг 2002 йилдан буён ўзбек махсус хизматлари томонидан таъқиб қилинишини тасдиқловчи ҳужжатлар ҳам келтирилган.

Фотокўргазмага ташриф буюрувчилар ҳуқуқ фаоли Мўътабар Тожибоеванинг фотопортретлари ва ҳужжатлари билан 2015 йилнинг 8 майигача танишишлари мумкин бўлади.

Мазкур фотокўргазма илк маротаба 1998 йили ташкил қилинган. Ўтган 16 йил ичида унда ижтимоий адолат ва инсон ҳуқуқлари мавзусида ишлайдиган 200 нафар сураткашнинг ишлари намойиш қилинган.

“Жараён”

Тавсия этинг / Поделиться / Share: