Category Archives: «Ҳуқуқ фаоллари»

Коррупция қурбони бўлиб, сохта айблар билан 17 йилга зиндонбанд қилинган жигаримга кўмак беринг!

Коррупция ботқоғиға ботган кимсалар жиноят қилсинлар эканда, нима учун уларнинг жиноий қилмишлари учун менинг укам, унинг оиласи ва норасида фарзандлари жабр тортсинлар?! Нега?! Уларнинг айби нимада ўзи?!

Ўзбекистон Республикаси Президенти Шавкат Мирзиёевга

Нусхаси

Ўзбекистон Республикаси Олий суди раиси Козимжон Камиловга

Ўзбекистон Республикаси бош прокурори Отабек Муродовга

Ўзбекистон Республикаси Давлат Хавфсизлик Хизмати раиси Ихтиёр Абдуллаевга

Бухоро шаҳри Оқ масжид кўчаси 8/6 5 хонадонда яшовчи фуқаро Асадова Жамила Жалиловнадан (+998902984709)

ШИКОЯТ АРИЗА

Шавкат Миромонович ягона таянчимиз, ишонган тоғимиз Сизсиз! Илтимос укам Жаҳонгир Шариповнинг тақдирига бефарқ қараманг!

Ўзбекистон Республикаси Президенти Шавкат Миромонович Мирзиёевга  

Нусхаси: Ўзбекистон Республикаси Олий суди раисига,

Ўзбекистон Республикаси Бош прокурори Муродов Отабек Бахритдиновичга,

Ўзбекистон Республикаси Давлат Хавфсизлик Хизмати раиси Ихтиёр Абдуллаевга 

Бухоро шаҳри Оқ масжид кўчаси 8 уйнинг 5 хонадонида яшовчи фуқаро Асадова Жамила Жалиловнадан (+998902984709)

ШИКОЯТ АРИЗА

Хурматли Шавкат Миромонович!

Сиз Президент лавозимини эгаллаган паллангиздан бошлаб халқнинг манфаати учун олиб бораётган ҳар бир ишингиз, ҳар бир босган қадамингиз мазлум халқнинг кўзи ўнгида. Сиз миллатимиз, халқимизнинг узоқ йиллардан буён тўпланиб қолган дарду аламларини, хасратларини тинглаб, дардлиларга малҳам, ғамгинларга шодлик улашмоқдасиз.

«Бухорода адолатни тиклаш» Жамоатчилик назорати гуруҳи вакилларидан мамлакат Президенти Шавкат Мирзиёевга мурожаат!

ТАРИХИЙ БУХОРОДА АДОЛАТНИ ТИКЛАШДА
БИЗ СИЗГА КЎМАКДОШМИЗ, ШАВКАТ МИРОМОНОВИЧ!

Муҳтарам Шавкат Миромонович!

Бухородаги куч ишлатар тизимларга ўрнашиб олган коррупционер мансабдорларнинг ака-ука Илҳом ва Раҳим Ибодовларга нисбатан қилган ҳунрезликлари, бу тадбиркорларнинг мол-мулкларини қўлга киритиш мақсадида уларни оила аъзоларига босимлар ўтказганлар. Илҳом ва Раҳимни қонунга зид равишда ҳибсга олиб, уларга нисбатан ваҳшиёна қийноқлар қўллашлари эвазига ҳибсга олинган кунидан 28 кун ўтиб, Илҳом Ибодовнинг қийноқлар натижасида пажмурда танасини оиласига қайтардилар.

«Бухорода адолатни тиклаш» жамоатчилик назорати гуруҳи ташкил этилди

18 июль – Адолат ва ҳақиқат учун толмас курашчи, умрининг чорак асрини қамоқда, зиндон изтиробларида ўтказган Нельсон Манделанинг 100 йиллик юбилейи нишонланаётган кунда Ўзбекистонда янги ташкилот “Бухорода адолатни тиклаш” жамоатчилик назорати гуруҳи ташкил этилди.

Озодлик: Ибодовни калтаклаб ўлдирган МХХчилар жазоланди. Бошқа зўравон погонлиларчи?

22 июнь куни маҳаллий тадбиркор Илҳом Ибодовнинг ўлимига алоқадорликда айбланган Давлат хавфсизлик хизмати (собиқ МХХ) Бухоро вилоят бошқармаси собиқ 9 ходими узоқ муддатларга озодликдан маҳрум этилди.

44 яшар Илҳом Ибодов ва унинг 48 яшар акаси Раҳим Ибодовлар 2015 йилнинг 16 августида Бухоро шаҳридаги “Ситора” автомобиль бозорида МХХ ходимлари томонидан ҳибсга олинганди.

Ака-укалар тадбиркорлик билан шуғулланиб келган савдо қоидаларини бузганлик ва ноқонуний валюта олди-сотдисини ташкил қилганликда айбланди.

Орадан бир ой ўтиб, Бухоро вилоят Миллий хавфсизлик бошқармаси тергов изоляторидан Илҳом Ибодовнинг ўлиги чиқди.

Яқинлари ўшанда Илҳом Ибодовнинг МХХ ходимлари томонидан уриб ўлдирилганини даъво қилган, аммо бу даъволар эътиборсиз қолиб келаётган эди.

Рўзибой Азимий: Мӯътабар Тожибоева адолатпеша, жасур ва миллатпарвар аёл

“Ӯтюраклар Клуби” инсон ҳуқуқларини ҳимоя қилиш ташкилотининг собиқ раҳбари Мӯътабар Тожибоева билан адашмасам бундан уч йилча олдин Fecobook ижтимоий тармоғи орқали танишгандим. Сӯнгра менда Мӯътабар Тожибоева ва у раҳбарлик қилаётган ташкилот фаолияти билан яқиндан танишиш истаги пайдо бӯлганди. Шу тариқа, ташкилот сайтида Мӯътабар опанинг қаламига мансуб муаллифлик асарлари ва китобларини ҳамда сайтда эълон қилинган мақолаларини диққат билан ӯқиб бордим.

Навоийлик оналар фарёди: Шавкат Миромонович бизнинг фарзандларимизни қутқаринг!

Жаноб Шавкат Миромонович!

Бизнинг адолатсиз қурбони бўлган фарзандларимизни ҳимоя қилишингизни сўраб, сизга учрашмоқчи бўлганимиз учун ҳаётимиз хавф остида қолмоқда! Бизларга шикоятбозлик қилаверсанглар қамоқдаги болаларингизга ёмон қиласизлар деб босим қилишяпти. Болаларимизга эса бизларни йўқ қилиш билан айтиб қўрқитишмоқда. 

Нахотки сизга, бизнинг Президентимизга ҳуқуқларимизни тиклашга кўмак беришингизни сўраб мурожаат қилишимиз шунчалик хатарли бўлса! Сизнинг қилаётган баёнотларингиз, чақириқларингиз бошқа, вилоятдаги мансабдорларнинг қилмишлари бошқа! Улар сизга хиёнат қилмоқдалар! Улар сиз айтгандек адолатли жамият қуришни эмас, аввалги пайтларгидек ўз хон, кўланкаси майдон бўлишни истамоқдалар! Вазиятни ижобий томонга ўзгармаслиги учун жон жахдлари билан қаршилик қилмоқдалар.

Бизнинг нолаларимизни эшитишингиз учун, фарзандларимизнинг майиб мажруҳларга айлантирган жиноятчи кимсаларни қонун олдида жавоб беришлари учун биз оналар қандай йўл тутайлик?!

Мирзиёев замонида озодликка чиқарилган ва ҳамон зиндонда қолаётган сиёсий ва диний маҳкумларнинг янгиланган рўйхати!

ДИКТАТОР ИСЛОМ КАРИМОВ ВАФОТИДАН СЎНГ ОЗОДЛИККА ЧИҚАРИЛГАН СИЁСИЙ МАҲКУМЛАР РЎЙХАТИ

1. Бобомурод Раззоқов – ҳуқуқ ҳимоячиси — 2013 йилнинг 10 июлидан қамоққа олинган, 2016 йилнинг 2 октбярь куни озодликка чиқарилган;

2. Самандар Қўқонов – муҳолифатчи — 1993 йилдан бошлаб қамоқда бўлган, 2016 йилнинг 24 ноябрь куни озодликка чиқарилган;

Мўътабар Тожибоева: Бухоролик қийноқ қурбони Ибодовлар ишида кескин бурилишлар содир бўлмоқда!

Бухоролик тадбиркорлар ака ука Илхом ва Раҳим Ибодовларга нисбатан Бухоро вилоятидаги кучишлатар тизимлари мансабдорлари томонидан қўлланилган ваҳшиёна қийноқлар натижасида Илҳом Ибодовнинг вафот этгани, уларнинг оила аъзоларини ҳуқуқлари тикланмагани боисидан турли давлат идораларига мурожаатлар қилиб, бу оила бошига кулфат ёғдирган кимсаларни жиноий қилмишларига яраша қонун олдида жавоб беришларини талаб қилишни бир зум бўлсада, тўхтатганимиз йўқ.

6 февраль куни ғайриқонуний ҳибсга олинган, қийноқлар қурбони бўлган, кўзи ўнгида укаси Илҳомни ўлдирилганини унута олмаётган, қамоқдан бир бармоғидан айрилиб қайтган Раҳим Ибодов номидан Мирзиёв номига шикоят хатини тайёрлаб берарканман, хали бу шикоят Шавкат Мирзиёевнинг эътиборига тушишини Ибодовлар иши буткул тескари тус олишини билмасдик.

Мўътабар Тожибоева: Ислом Каримов замонидаги шикоятларга Мирзиёев назоратида ечим топилмоқда!