«Қонли Андижонга 10 йил» шиори остидаги бир ойлик кампания ўз ишини бошлади
Миллатимиз фожеаси бўлган — қонли Андижон воқеалари ҳақида сукут сақламаслик ҳар бир ўзбек миллатпарварининг шарафли бурчидир!
Шу муносабат билан “Муқобил Ўзбекистон” Мувофиқлаштириш Кенгаши “Қонли Андижонга 10 йил” шиори остидаги бир ойлик кампанияни бошлади.
Агар Сиз ҳақиқатни яшириб, тупроққа кўмсангиз, у сўзсиз униб чиқади ва кейин шундай кучга айланадики, бир кун бориб, ерни ёриб чиққач, ўз йўлида учраган жами нарсаларни супуриб ташлайди.
Эмиль Золя
Қадрли юртдошлар!
Маълумки, яқинда қонли Андижон воқеаларига 10 йил тўлади.
Минг афсуски, Ўзбекистон ҳукуматининг энг мудҳиш жиноятларидан бири — Андижон ҳунрезлигини нафақат ўзбек ҳукумати унутишни истайди, балким ушбу фожеа қурбонлари ҳам бугун сукут сақлашни афзал кўрмоқдалар.
Миллатимиз фожеаси бўлган — қонли Андижон воқеалари ҳақида сукут сақламаслик ҳар бир ўзбек миллатпарварининг шарафли бурчидир!
Шу муносабат билан “Муқобил Ўзбекистон” Мувофиқлаштириш Кенгаши “Қонли Андижонга 10 йил” шиори остидаги бир ойлик кампанияни бошлади.
Ушбу фожеага бефарқ бўлмаган барча ватандошларимизни, воқеа гувоҳлари ва жабрдийдаларини ҳамда мухолифат вакиллларини, фуқаролик жамияти фаолларини “Қонли Андижонга 10 йил” кампаниясида фаол иштирок этишга чақирамиз!
Ушбу кампания доирасида Андижон фожеасига дахлдор хотираларни, ҳужжатларни, бадиий асарлар, шеърлар, фото, ва видео материалларни Мувофиқлаштириш Кенгаши http://virtualuzbekistan.org/ сайтида чоп қилиб борамиз.
Бу лойиҳа асносида туркум радио эшиттиришлар ҳам ташкил этилади. Радио дастурларда иштирок этмоқчи бўлганларни суҳбатга таклиф этамиз.
«Муқобил Ўзбекистон» Мувофиқлаштириш Кенгаши
Fikr bildirish