Америка Юристлар Ассоциацияси Марказий Европа ва Евразия Ҳуқуқий ташаббуси Марказига
«Ўтюраклар Клуби» инсон ҳуқуқларини ҳимоя қилиш ташкилоти рахбари Мўътабар Тожибоеванинг фаолияти сабаб ғайриқонуний хибсга олишга алоқадор бўлган 41254013–сонли жиноят иши иш материалларига тикилган — Ўзбекистон хукумати жиноятларини фош қилгувчи далиллар!
Тошкент. Расулов кўчаси 47 уй
М У Р О Ж А А Т Н О М А
2005 йил 18–октябрь Марғилон шаҳри
Фарғона вилоят Марғилон шаҳар Зуҳро кўчаси 31–уй 31–хонада яшовчи Инсон ҳуқуқларини ҳимоя қилиш Ҳалқаро ташкилоти аъзоси Мўътабар Тожибоева Ибрагимовна Андижонбалиқ ОХЖдаги Н–7 кўлга ҳомийлик қилган бўлиб, кўлни Тоҳир Мамадаминовга шартнома асосида ижарага берган.
Лекин ижарачи Тохир Мамадаминов балиқ чиқмаганлигини айтиб, Мўътабар Тожибоевага балиқ етиштириш учун сарфлаган 600000 сўм пулини ва ижара пулини бермаган.
Кейин Мўътабар Тожибоева Н–7 кўлда етиштирилган балиқларни Тохир Мамадаминов яширин тарзда, ўғирлаб сотганлигини аниқлаган ва ўз пулига етиштирилган балиқларни талон–тарож қилганлигини исботловчи хужжатларни Андижонбалиқ ОХЖда текширув ўтказаётган ревизорга бермоқчи бўлган.
Тохир Мамадаминов эса Мўътабар Тожибоева сарфлаган пулларни ихтиёрий равишда қайтаришини айтиб, унга пулини олиб келиб берганида Фарғона вилоят прокуратураси ҳамда вилоят ИИБ ходимлари Мўътабар Тожибоевани 07.10.2005 йил куни соат 23–00да ўз уйида ушлашиб, уни товламачилик жиноятини содир этишда гумонлаб, Ўзбекистон Республикаси Жиноят Кодексининг 165–моддаси 2–қисми «б» банди билан гумонланувчи тариқасида жиноят ишига жалб қилинган.
Фарғона вилоят прокурорининг 1–ўринбосари Ориф Аҳмаджонов гумонланувчи Мўътабар Тожибоевани эҳтиёт чораси сифатида 10.10.2005 йил куни қамоққа олиши тўғрисида санкция берган.
Мўътабар Тожибоева товламачилик ва фирибгарлик жиноятини содир этганликда айбланиб, унга Фарғона вилоят прокуратураси терговчиси Бахтиёр Маматов томонидан 13.10.2005 йил куни Ўзбекистон Республикаси Жиноят Кодексининг 165–моддаси 2–қисми «б» банди ва 168–моддаси 2–қисми «б» банди билан айб эълон қилинган.
Мўътабар Тожибоева ўзига нисбатан тухмат бўлаётганлигини, юқоридаги айблар унга нотўғри қўйилаётганлигини билдирган.
Мўътабар Тожибоева унинг ҳуқуқларини тергов ва суд мобайнида ҳимоя қилишда вакил ажратишларингизни ва иштирок этишини илтимос қилганлиги сабабли сизлардан Мўътабар Тожибоеванинг ҳуқуқларини ҳимоя қилиш учун вакил юборишларингизни сўрайман.
Мўътабар Тожибоеванинг адвокати Мухаррам Тожибоева: имзо
Марғилон шаҳар Зарафшон кўчаси 286–уй
Fikr bildirish