Пайшанба ва жума, 6 ва 7 ноябрь кунлари Ўзбекистон ташқи ишлар вазири Абдулазиз Комилов Франция ташқи ишлар вазирли Лоран Фабиус ҳамда Франция парламентининг Сенати ва Миллий мажлиси аъзолари билан махфий равишда учрашиши керак.
АСАТ ва “Марказий Осиёда инсон ҳуқуқлари” ассоциацияси франциялик расмийларнинг систематик равишда қийноқ қўллаб келувчи режим вакили билан учрашишлари юзасидан ҳайрат ва чуқур хавотир билдиради.
На Лоран Фабиус ва на Франция парламентининг Сенат ива Миллий мажлиси кун тартиби ҳақида маълумот йўқ эди. АСАТ ва “Марказий Осиёда инсон ҳуқуқлари” ассоциацияси буни Ўзбекистон ташқи ишлар вазирлигининг расмий кун тартибидаги маълумот орқали аниқлашга муваффақ бўлдилар. Бу вазирлик Абдулазиз Комилов бошчилигидаги ўзбек делегацияси Франция ташқи ишлар вазири, Сенат ва Миллий мажлис аъзоси ҳамда француз бизнес-уюшмаси вакиллари билан учрашишлари кераклиги ҳақида маълум қилган. Ўзбекистон ташқи ишлар вазирлигидан ташқари бу маълумотни фақат “MEDEFInternational” ташкилоти ҳам очиқлади.
ACATнинг Осиё бўлими раҳбари Кристин Ларок фикрича, “Кўпчилик ғарблик раҳбарлар ўзбекистонлик юқори мартабали амалдорлар билан учрашишдан ўзларини олиб қочиб тўғри қиладилар. Франция ҳокимиятининг энг юқори мартабадаги вакиллари бугун бундай учрашувларни қаттиқ махфийлик шароитида ташкил қилишлари эса одамни ҳайратга ва таажжубга солади. Ушбу ташриф атрофидаги сукунат эса сиёсатчиларинг хижолат тортишларини ва Франция ҳукуматининг ўз жамияти олдида шаффоф сиёсат олиб бормаётганини англатади”.
“Марказий Осиёда инсон ҳуқуқлари” ассоциацияси раҳбари Надежда Атаева қуйидагиларни қайд этади: “Мамлакатни 25 йилдан буён бошқариб келаётган Ислом Каримов ҳокимиятига бундай муносабат қилиб бўлмайди, ўзбек ҳукумати дунёдаги энг ёмон ва репрессив режимлардан бири ҳисобланади. Ҳуқуқ-тартибот органлари ва озодликдан маҳрум қилиш жойларида қийноқлар систематик характерга эга. БМТнинг қийноқларга қарши қўмитаси бир йил аввал Ўзбекистонни қаттиқ танқид остига олган”.
Ўнлаб ҳуқуқ фаоллари, журналистлар ва тинч фаоллар сиёсий мотивлар билан қамоққа олинганлар. Минглаб инсонлар эса насроний ёки мусулмон сифатида ўз динларига амал қилганлари учунгина озодликдан маҳрум қилинганлар.
Париж, 2014 йилнинг 6 ноябри
admin
