“Ҳурматли, Юсуф Расул! Бизнинг Муътабар Тожибаевани Халқаро Нобель Тинчлик мукофотига лауреатлигига кўрсатиш, уларга озодлик тилаб имзо тўплаш кампаниясини бошлаганлигимиз ҳақида, бизнинг мурожаатномамизни ўқиган бўлсангиз керак.
Шу боисдан биз яқин орада имзо тўплаш ташаббус гуруҳини кенгайтириш ниятидамиз.
Сиздан шу ташабус гуруҳига аъзо бўлишингизни сўраймиз ва имзо тўплашга ўз ҳиссангизни қўшасиз деган умиддамиз”.
Баҳодир Номозов ушбу кампаниядан мақсад нима эканлиги ҳақида ўз хатида батафсиз ёзганди.
Унинг айтишича имзо йиғиш кампанияси Мўътабар Тожибоевани қамоқдан озод этилишига ҳам ўз ҳиссасини қўшиши мумкин. Шу сабабли муражаатномага ватандошларимиз, мамлакатдан ташқарида яшаётган ўзга миллат вакиллари, оддий инсонлар ва айниқса, таниқли кишилар ўз имзоларини қўйсалар жуда катта савобли иш бўларди.
Албатта, Виждон асирларини озод этиш қўмитасининг бу ташаббусини барча миллатдошларимиз қўллаб қувватлайдилар деган умиддаман.
Айни пайтда Каримов режими зиндонида асирликда яшаётган ўтюрак аёл, мазлум инсонлар ҳимоячиси Мўътабар Тожибоева номзоди Нобель Тинчлик мукофотига тавсия этилди. Ким бу ташаббусга қўшилиш истагини билдирса каминага yusufr71@yahoo.se электрон почтаси ёки (46) 76 1040906 телефони орқали билдириши мумкин. Бунинг учун имзо қўювчилар исму фамилияси, отасининг исми, яшаш манзилини кўрсатиши шарт. Тўпланган имзолар Нобель мукофоти қўмитасига юборилади.
Туҳмат сабабли 8 йиллик қамоқ жазосига тортилган Мўътабар Тожибоеванинг озод этилишини ва уни Халқаро Нобель Тинчлик мукофотининг номзоди бўлишини истасангиз, ўз имзоингизни аяманг!
Юсуф Расул, “Янги Дунё”
Fikr bildirish