Виртуал сайлов комиссиясининг сайтини тиклашга эришдик ва у ўз фаолиятини давом эттиришга киришди!
Азиз дўстлар!
Мухтарам Виртуал Президентлик сайловида иштирок этаётган номзодлар ва ушбу жараённи кузатиб бораётган сайловчилар!
Бугундан бошлаб Виртуал сайлов комиссиясининг хакерлик атакасига учраган сайти http://alteruz.info/ номи остида уз фаолиятини давом эттириши ҳақида маълум қиламиз.
Сайловчилар ўз номзодларига Виртуал сайлов комиссиясининг http://alteruz.info/ сайтига кириб ўз овозларини беришни давом эттиришлари мумкин.
Виртуал сайлов комиссиясининг saylov2015@gmail.com электрон адреси хам тикланди.
Умид қиламизки якин муддатда ВСКнинг радиоблоги ҳам тикланади.
Бизнинг фаолиятимизга чек қўйиш мақсадида хакерлик атакаси сабаб бир неча кун фалаж холига келган Виртуал сайлов комиссияси фаолиятини акс эттирувчи мосламалар, дастурларни қайта тиклашга яқиндан бизга кўмак берган Дмитрий Витальев ва у бошқараётган https://equalit.ie/ ташкилоти вакилларига ўз миннатдорчилигимизни билдирамиз.
Дмитрий Витальев ва у асос солган https://equalit.ie/ ташкилоти ҳақидаги маълумотларни кейинчалик ВСКнинг сайтида ўқишингиз мумкин.
Fikr bildirish