Жазо муддатининг 4/1 қисмини ўтаган ҳуқуқ фаоли бунга тўла ҳақли, қолаверса Амнистия ҳақидаги қарорда ҳам унинг озод қилинишига монелик қилувчи ҳолат йўқ эди.
Аммо шу йилнинг 2 мартида учинчи марта ғайриқонуний равишда жазо карцерига ташланлаган Бобомурод Раззоқов иши сиёсий аҳамиятга молик экани, у Бухорода илдиз отган коррупция, айниқса, Бухоро вилояти ИИБнинг терроризмга қарши-кураш бўлими расмийларининг қилмишларини фош этгани эвазига қамокқа ташлангани ҳақида аввал ҳам баён қилгандик. Маълум бўлишича, сўнгги муассасада ўйлаб топилган “тартиббузарлик” 6 ойда ечилганида ҳам Бобомурод Раззоқов 6 августда манзил колонияга чиқарилиши лозим эди.
Афтидан, ўзбек ҳукумати ҳуқуқ фаолини қамоқдан чиқармоқчи эмас. Халқаро ҳамжамият, ташкилотлар ва халқаро тузилмалар талабларига қарамай ғайриқонуний айбловлар билан қамоққа олинган ҳуқуқ ҳимоячиси тақдири номаълумлигича қолмоқда. Ҳолбуки, унинг соғлиғи ёмон, кексалиги, ошқозон-ичак тизимидаги хасталиклари азоб бермоқда.
Эслатиб ўтамиз, ҳуқуқ фаоли Бобомурод Раззоқов ўтган йилнинг 24 сентябрида жиноят ишлари бўйича Бухоро вилояти суди томонидан Ўзбекистон Республикаси Жиноят Кодексининг 135-моддаси (“Одам савдоси”) билан айбланган ва 4 йил муддатга озодликдан маҳрум қилинган. Ўтган йилнинг 19 ноябрь куни тайинланган жазони ўташ учун Тошкент вилоятининг Товоқсой зонасига этап қилинган.
Ўзбекистон инсон ҳуқуқлари “Эзгулик” жамияти
Fikr bildirish