Васила Иноятова: «Эзгулик» жамияти ўта оғир аҳволда, ёрдамга муҳтожмиз»
“TUG’YON” радиосининг бугунги дастурида Тошкентдан Ўзбекистон инсон ҳуқуқлари «Эзгулик» жамияти раиси Васила Иноятова иштирок этдилар. Куни кеча таҳририятимизга келган мурожаатга кўра, Ўзбекистон инсон ҳуқуқлари «Эзгулик» жамияти оғир молиявий инқирозга юз тутган.
2003 йилда Ўзбекистон Республикаси Адлия вазирлигидан расмий рўйхатдан ўтган «Эзгулик» жамияти 13 йилдан буён мамлакат бўйлаб, 76 бўлимига эга бўлган, халқаро ҳамжамиятга кенг танилган ташкилот бўлиб, ўтган давр мобайнида Ўзбекистондаги инсон ҳуқуқлари вазиятига оид кўплаб йиллик ҳисоботлар, матбуот-релизларини мунтазам нашр қилиб келган ва келмоқда.
2010 йилдан буён оғир молиявий инқирозни бошидан ўтказаётганига қарамасдан, ташкилот шу кунгача ҳам ўз ишини давом эттирмоқда.
13 йилдан бери Ўзбекистонда ҳуқуқлари топталаётган фуқароларнинг ҳуқуқларини «Эзгулик» жамияти мунтазам равишда ҳимоя қилиб келади.
Хўш, нима учун олти йилдан бери «Эзгулик» ташкилоти молияланмай келинмоқда?
Демократия ва инсон ҳуқуқларини ўзининг устувор қадрияти деб ҳисоблайдиган бир қатор халқаро ташкилотлар Ўзбекистон сингари ёпиқ давлатлар учун ажратадиган молиявий ресурслари қаерга кетмоқда?
Ўзбекистон ичидаги саноқли мустақил ҳуқуқбон ташкилотларнинг аҳволи нима учун танг аҳволга келиб қолди?
АҚШ, ЕИ ва Ўзбекистон геосиёсий алоқалари инсон ҳуқуқлари вазиятига қандай таъсир кўрсатмоқда?
АҚШнинг Ўзбекистондаги элчихонаси, Халқаро Меҳнат ташкилоти, ЕХҲТ, Жаҳон Банки каби нуфузли ташкилотлар ажратаётган молиявий ресурслар бугун Ўзбекистонда нималарга сарфланмоқда?
«Эзгулик» инсон ҳуқуқлари жамиятининг келгуси тақдири нима бўлади?
Шу ва шу каби бир қатор саволларимизга жамият раиси Васила Иноятовадан жавоб олдик…
Fikr bildirish