Би-Би-Сининг Ўзбек хизматига берган интервьюсида “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева Ўзбекистон қамоқхоналаридаги ғайриинсоний қийноқлар ҳақида гапиради.
Жорий йилнинг 19 март куни Би-Би-Си радиосининг веб-сайтида Париждаги “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоеванинг журналист Гулсевар Замонга берган интервьюси чоп қилинди.
Бундан ўн йил аввал БМТнинг Қийноқ қўлланиш ҳолатлари бўйича махсус вакили Ўзбекистон сафаридан кейин бу мамлакатда қийноқлар систематик қўлланилиши ҳақида дунёга ошкор этар экан, аксарият вазият ўзгаришига умид қилганди, дейилади интервью аввалида.
Аммо, қамоқхоналарда қийноқ қўлланилиши ҳақида хабарлар ўн йил ўтса ҳам тингани йўқ.
Қийноқни танасида татиб кўрганлардан бири бу – Париждаги “Ўтюраклар клуби” раҳбари Мўътабар Тожибоева.
“Ўзбекистонда қийноқ қўлланиши масаласи кун тартибидан тушгани йўқ”, дейди у.
Қамоқхонада бошидан кечирганларини: «Биласизми бир куни нима бўлди, мен изоляторда тинимсиз адвокатимни талаб қиляпман… Мен ётган камерага 10 ёки 12 талаба йигитларни олиб киришди… Кейин манга айтишлари бўйича, улар юридик институтнинг талабалир экан. Яъни, бўлажак судьялар, бўлажак прокурорлар…
Улар мени онаси тенги аёлни хўрланиб, хорланаётганини ҳайвонот боғидаги ёввойи ҳайвонни томоша қилгандек томоша қилишди. Кейин биттаси биласизми, нима қилди? Чўнтагидан ручка олиб пешонамга: “Мен ватан хоиниман», деб ёзди…” дея хотирлайди ўзбекистонлик ҳуқуқ фаоли.
Қуйида муштарийларимиз эътиборига “Ўтюраклар клуби” раҳбари Мўътабар Тожибоеванинг Би-Би-Си радиоси Ўзбек хизматига Ўзбекистондаги қийноқлар ҳақида ҳикоя қилувчи интервьюсининг тўлиқ версиясини ҳақола қилмоқчимиз:
http://www.bbc.co.uk/uzbek/multimedia/2014/03/140319_video_m_tojiboeva.shtml
admin
