Yanvar 2014 ойлик архив
Бизга ҳикоя йўлланг!
Ҳурматли муштарий!
Агар Сизга инсон ҳуқуқлари бузилиши билан боғлиқ ҳолатлар маълум бўлса, уларни jara12@hushmail.com электрон манзилига йўллаш орқали биз билан ўртоқлашишингиз мумкин.
“Жараён” таҳририяти
Ҳасан Чориев озодликка чиқарилди
14 январь куни Ўзбекистон Республикаси Ички ишлар вазирлигининг Жазони ижро этиш Бош бошқармаси тизимидаги 64/-3-сонли колонияда жазо муддатини ўтаётган Ҳасан Чориев озодликка чиқарилди.
Бу ҳақда “Жараён”га Ўзбекистон инсон ҳуқуқлари “Эзгулик” жамияти матбуот хизмати маълум қилди.
Ҳуқуқ фаоли Курамшинга юқоридан босим ўтказилмоқда
Қозоғистонлик ҳуқуқ ҳимоячиси Вадим Курамшиннинг хотини Екатеринага кўра, колония ташқарисидан кимдир унинг қамоқдаги эрига руҳий босим ўтказаяпти.
Екатерина Курамшинанинг оммавий ахборот воситаларига маълум қилишича, ўтган йилнинг 28 декабрь куни у ҳуқуқ фаолининг онаси Ольга Колтунова билан бирга Вадимни кўргани Петропавловскдаги колонияга борган.
Ҳуқуқ фаоли Васила Иноятованинг ўғлига қуролли шахслар ҳужум қилди
2014 йилнинг 8 январь куни Тошкентдаги Абдулла Қодирий истироҳат боғида Ўзбекистон инсон ҳуқуқлари “Эзгулик” жамияти раиси Васила Иноятованинг 16 яшар ўғли Жавоҳир Иноятовга уч нафар номаълум шахс ҳужум қилди.
“Жараён” мухбири билан воқеа тафсилотларини ўртоқлашган Васила Иноятовага кўра, пичоқ билан ҳамла қилган номаълум шахслар Жавоҳирга жиддий тан жароҳати етказган
Дилмурод Саййид: Ўтган умримдан хотиржамман
Шу кунда қамоқда бўлган ўзбекистонлик мустақил журналист Дилмурод Саййид амнистия бўйича озодликка чиқишдан мутлақо умидини узган.
Дилмурод Саййиднинг укаси Обид Саидовнинг айтишича, у сўнгги бор Қарши колониясидаги акасини ўтган йилнинг 14 декабрида зиёрат қилиб қайтган. Бир муддат “Сангород”да (Тошкентда жойлашган УЯ 64/18 қамоқхона касалхонаси – “Жараён”) сақланган мустақил журналист кейин Қаршидаги колонияга кўчирилганди.
Меҳнат муҳожирларига қарши зўравонлик учун ким айбдор?
Сўнгги пайтларда Россияда марказий осиёлик меҳнат муҳожирларига ҳужум қилиш ҳолатлари кўпайди. Зўравонликнинг авж олиши миллатчилик ва ксенофобиянинг кучайиши билан бевосита боғлиқ. Россияда уйғониш мафкураси ғалати бир алфозда миллатчилик ва ксенофобия мафкурасига айланиб кетди.
Бу ишлар қандай қандай содир бўлаяпти?
Мўътабар Тожибоева: Мен кимнидир олдида ўзимни оқлайдиган хатога йўл қўйганим йўқ
Жорий йилнинг декабрь ойи бошларида Ўзбекистон президентининг тўнғич қизи Гулнора Каримова Туркиянинг “Ҳуррият” газетасига интервью бериб, унда, жумладан, ҳозир Францияда яшаётган ўзбекистонлик ҳуқуқ ҳимоячиси Мўътабар Тожибоевани “жиноий уюшма шерикларидан бири”, дея айблаганди.
Бунинг ортидан Мўътабар Тожибоева «Ҳуррият» газетаси ва Гулнора Каримовадан расман кечирим сўрашни талаб қилган, акс ҳолда, газетани ўз шаъни ва қадр-қимматига доғ туширувчи ёлғон маълумотларни тарқатганлиги, президент қизини эса унга туҳмат қилганлиги учун судга беришини билдирганди.
Набижон Жўрабоев озодликка чиқди
2013 йилнинг 29 декабрь куни Ўзбекистон Ички ишлар вазирлиги Жазони ижро этиш бош бошқармасига қарашли 64/36-сонли муассасада (Навоий шаҳри) сақланаётган 75 ёшли Набижон (Тўрабой) Жўрабоев озодликка чиқарилди.
“Жараён” мухбири билан сўзлашган Жўрабоев ўзининг Ўзбекистон Республикаси Конституцияси қабул қилинганининг 22 йиллиги муносабати билан эълон қилинмиш амнистия туфайли озод қилинганини айтди.
