May 2013 ойлик архив
Ўз уйида меҳмонда
Бошқа мамлакатда доимий яшаш рухсатномасига эга бўлган ўзбекистонликлар яқинларининг уйида яшашга қўйилмаяпти.
60 ёшли Нодир Лазизовнинг “Жараён” мухбирига айтишича, расмийлар ўтган ой Олмаотадан Тошкентга келган қизи Саминага ота-онасининг уйида яшашга рухсат беришмаган. Бунга Ўзбекистон фуқароси Саминанинг айни пайтда Қозоғистонда доимий яшаш рухсатномасига (вид на жительство) эга экани сабаб бўлган.
Андижон қатлиоми Истанбулда хотирланди
2005 йилнинг 13 майида Андижонда содир бўлган хунрезликка 8 йил тўлди.
Туркиядаги фуқаролик жамияти фаоллари, ўзбек мухолифати вакиллари ҳамда дунёнинг турли мамлакатларида бошпана топган журналистлару ёзувчилар Истанбулдаги “Боғларбоши” марказида тўпланиб бу санани хотирладилар.
Андижонда намойишчиларнинг ўққа тутилиши эскирмайдиган жиноятдир
Ўзбекистоннинг Андижон шаҳрида содир бўлган фожеага саккиз йил тўлди.
2005 йилнинг 13 май куни Андижоннинг Бобур майдонида Ўзбекистон куч ишлатар тузилмалари томонидан тинч намойишчилар ўққа тутилганди. Ўшанда отиб ўлдирилган фуқароларнинг сони ҳалигача аниқлангани йўқ.
Моҳира Ортиқова: Омбудсман хоним нимани маъқул кўради?!
Ҳурматли муштарий!
Жорий йилнинг 12 апрель куни Халқаро Қизил Хоч қўмитасининг бош директори Ив Даккор Twitter микроблогидаги ўз саҳифаси орқали қўмита Ўзбекистондаги жазони ижро этиш муассасаларига боришни тўхтатгани ҳақида маълум қилганди.
Даккор бундай қарор қабул қилинишига Қизил Хоч ташкилотининг маҳбусларни бориб кўриш йўлидаги уринишларига турли-туман тўсиқлар қўйилаётганини сабаб ўлароқ келтирганди.
Ўлим билан тугаган қулликнинг охири кўринмаяпти, ҳуқуқ фаолига босим эса давом этмоқда
Урганч шаҳри аэропортига меҳнат муҳожирларининг жасадлари солинган рух тобутлар келишда давом этаётир. Йил бошидан буён 14 оила ўз боқувчидан ажралди. Хорижда Ўзбекистоннинг турли ҳудудларидан бўлган кишилар асоратга тушиб қолмоқдалар.
Қонунсизлик ва иш берувчилар кўпроқ даромад топишга ҳарислиги ўз ватанида кераксиз бўлиб қолган ўзбекистонлик ёш ва соғлом йигитларнинг умр гули эрта сўлишига сабаб бўлмоқда.
Гени ўзгартирилган сиёсий тузум
Яқинда Канадада яшаётган, кучга тўлган бир ватандош йигит билан скайпда гаплашдим. Суҳбат давомида озиқ-овқат ҳақида ҳам фикр алмашдик.
Канадада яшаётган ватандошнинг айтишича, у яшаётган вилоят гўшт экспорт қилар экан, гўшт шу қадар сероб эканки, унинг нархи Ўзбекистондаги нархдан ҳам арзон экан.
Алимент талаб қилган аёлни милиция калтаклади
Тошкент шаҳар Юнусобод туманида яшовчи Ленара Шабанова 3 май куни туман Ички ишлар бўлим ходимлари томонидан калтакланди. Бу борада “Жараён”га жабрланган аёлнинг ўзи гапириб берди.
Озода – Толиб Ёқубовлар: Орамиздан ажойиб инсон кетди
4 май куни тонгги 714 да қўл телефоним жиринглади. Қарасам, Бахтиёр аканинг номери. Ҳар сафар Бахтиёр ака менга қўнғироқ қилса, менинг кўнглим кўтарилар эди.
Шунинг учун мен Бахтиёр ака қўнғироқ қиляпти, деб ўйлаб, телефонни хурсанд бўлиб кўтардим. Лекин телефондан Бахтиёр аканинг овози эмас, ўғли Ҳусаннинг овози келди ва «Озода опа, мен Ҳусанман, дадамни ҳозир тонгда бериб қўйдик», деб айтди.
Мен бу гапни эшитиб, шок ҳолатга тушиб қолдим, чунки биз ажойиб инсон Бахтиёр Ҳамроевдан айрилиб қолганимизни тушуниб етдим.
Туркманистонда президентни “етарли даражада” яхши кўрмайдиган уч мусулмон қўлга олинди
Уч нафар ёш йигит Туркманистоннинг Тошовуз шаҳридаги тергов ҳибсхонасига шу йилнинг март ойида тушиб қолган. Аммо бу ҳақда фақат 7 майга келиб маълум бўлди.
Йигитлар ҳаддан ортиқ диндорлик ва президент Қурбонқули Бердимуҳаммедовга нисбатан муносиб ҳурмат-эҳтиром кўрсатмаганликда айбланмоқда.
Суэр Белхассен, FIDH президенти: Бахтиёр Ҳамроевни хотирлаб
Инсон ҳуқуқлари учун халқаро федерациясидаги ҳурматли дўстлар, ҳамкасблар!
Бугун Сизларга ҳазин сабаб билан ёзмоқдамиз – 4 май куни Ўзбекистонда яқин дўстимиз, жасоратли ва серғайрат ҳуқуқ фаоли, кўпчилигингизга умумий семинарларимиз ва сафарларимиз орқали яхши таниш бўлган Бахтиёр Ҳамроев оламдан ўтди.
Бу ажойиб ва жуда камтарин инсоннинг кўплаб маҳаллий ва халқаро инсон ҳуқуқларини ҳимоя қилувчи ташкилотлар каби FIDH олдида ҳам қилган хизматлари катта.
