07.02.2014 кунлик архив
Озода Ёқубова эрининг иши юзасидан Олий судга мурожаат қилмоқчи
Жаслиқ қамоқхонасида жазо муддатини ўтаётган ҳуқуқ фаоли Аъзам Фармоновнинг рафиқаси Озода Ёқубова турмуш ўртоғига оид жиноят ишини қайта кўриб чиқишни сўраб, Ўзбекистон Олий судига мурожаат қилиш ниятида.
Озода Ёқубова “Жараён”га икки ҳафта муқаддам турмуш ўртоғининг зиёратига борганини маълум қилди. Унинг айтишича, кейинги икки йил ичида Аъзам Фармоновнинг оёқ ва қўлларида безлар кўпайишни бошлаган, ҳозир бу безлар сони 20 дан ошиб кетган.
