Category Archives: ЖИНОЯТ ИШИ
Терговчини рад қилиш ҳақида жабрланувчи Мўътабар Тожибоевадан РАДДИЯ
Фарғона вилоят Ички ишлар Бошқармаси бошлиғи ўринбосари Тергов бошқармаси бошлиғи Алишер Мақсудовга
Олтиариқ тумани ИИБ ТБ томонидан тан жароҳат етказилганлиги ва босқинчилик жиноят бўйича қўзғатилган жиноят иши бўйича жабрланувчи, Марғилон шаҳар Зухро кўчаси 31 уй 31 хонадонда яшовчи Мустақил журналист «Ўтюраклар» Клуби раҳбари Мўътабар Тожибоевадан
Р А Д Д И Я
Мен жабрланувчи Мўътабар Тожибоева Ўзбекистон Республикаси ЖПКнинг 76-моддасига асосан ушбу жиноят ишини тергов ҳаракатларини Олтиариқ туманидаги маъмурий органлар томонидан олиб борилишига, айниқса Олтиариқ туман ИИБ бўлимида олиб борилишига кескин қаршиман.
Марғилонда норозилик намойиши
100 дан ортиқ аёл Марғилондаги Тўралар кўчасидан Навоий кўчасига чиқишдаги катта магистрал йўлга ўтириб олиб, автотранспорт харакатини 3 соатча тўхтатиб кўйишган эди.
Улар, шу тариқа, коммунал хизматлар (газ, электр, сув билан таъминлаш) ҳақини тўлатиш учун бу хизмат идоралари ходимларининг бир неча ойлаб маош ва нафақасини ололмаётган аҳолига турли йўллар билан, жумладан газ тармоқларини узиб қўйиш, атайлаб электрни ўчириб қўйиш йўллари билан зўравонлик ўтказаётганликларига қарши ўз норозиликларини билдирдилар.
Норозилик акциясини тўхтатиш учун Марғилон шаҳар хокимининг ўринбосари А.Хусанов келиб, яхши ваъдалар берди.
Расмий Тошкентнинг махсус хайъати Фарғона вилоятида бўлди
2003 йил 1 ноябрь
Фарғоналик норасмий манбанинг хабарига кўра, сўнгги ойларда Фарғона вилоятида сиёсий-ижтимоий вазият жиддий кескинлашди.
Бу вазият давлат рахбари номига юборилаётган мактуб-мурожаатларнинг кўпайиб кетгани, маош ва нафақаларининг вақтида тўланишини талаб қилганларнинг норозилик чиқишлари, фуқароларнинг ноҳақликларга қарши очлик эълон қилишларида ўз ифодасини топди.
Ушбу вазиятни ўрганиш ва хукумат учун кўнгилсиз воқеалар олдини олиш учун шу кунларда (24 октябрда) Ўзбекистон Президентининг давлат маслахатчиси Турсунбой Худойберганов бошчилигидаги фавқулодда хайъат вилоятда бўлди.
Бош прокуратура биноси олдидаги очлик акцияси
Бугун Ўзбекистон Республикаси Бош прокуратураси биноси олдида «Эрк» партияси котиби Ойгул Маматова, Фарғонадаги «Ўтюраклар» клуби раҳбари Мўътабар Тожибоева ва қашқадарёлик бир гуруҳ собиқ акциядорлар очлик эълон қилди
О.Маматова партиянинг ҳукумат томонидан тортиб олинган мол-мулки қайтарилишини, М.Тожибоева фарғоналик инсон ҳуқуқлари фаоли Мавжуда Отақулованинг қамоқдан озод этилишини талаб қилди.
Норозилик акцияси чоғида қон босими ошиб кетгани учун Ойгул Маматова шифохонага ётқизилди.
Мўътабар Тожибоева: Танамдан тарқалган олов ва тафт миллатимизни, ҳалқимизни юрагини карахт қилиб қўйган қўрқув музини эритиш учун ҳисса қўшади деб ишонаман
«Моҳият» газетаси бош муҳаррири, Олий мажлис депутати, шоири замон Ғулом Мирзаевга
Фарғона вилоятидаги «Ўтюраклар» Клуби рахбари,
мустақил журналист Мўътабар Тожибоевадан
О Ч И Қ Х А Т
15 октябрь 2003 йил
Мухтарам бош муҳаррир!
Мен ушбу очиқ хатимни «Маҳалла» газетаси бош муҳаррири Чори Латипов номига ёзишга ва у билан «Ҳалқ сўзи», «Народное слово», «Ҳуқуқ» ва «Маҳалла» газеталарида «Муносабат» рукни остида чоп этилган «ҚОНУНБУЗАР КИМ… МАҲАЛЛАМИ ЁКИ «ХЬЮМАН РАЙТС ВОТЧ» ВАКИЛИ?» деб номланган буюртма асосида ёзилган танқидий мақоласини муҳокама этмоқчи эдим.
«Ўтюраклар» Чори Латиповнинг истеъфосини талаб қилди
14 октябрь куни Фарғона шаҳридаги «Ўтюраклар» клуби раҳбари Мўътабар Тожибоева Тошкентда халқаро ва маҳаллий инсон ҳуқуқлари ташкилотлари, мамлакатдаги оммавий ахборот воситалари вакиллари ва пойтахт маҳаллалари раислари иштирокида матбуот анжумани ўтказди.
Тадбирда М.Тожибоева «Халқ сўзи», «Народное слово», «Маҳалла», «Қонун» газеталарида босилган «Қонунни ким бузяпти: маҳаллами ёки Ҳьюман райтс уотч?» мақоласи буюртма асосида ёзилгани, «Ҳьюман райтс уотч» ва Буюк Британиянинг Уруш ва тинчликни ёритиш институти вакиллари шаъни таҳқирланганини таъкидлади.
Эслатиб ўтамиз, ушбу мақолада «Ҳьюман райтс уотч»нинг маҳалладаги қонунбузарликлар ҳақидаги тадқиқоти танқид остига олинган эди.
Анжумандан сўнг М.Тожибоева ва инсон ҳуқуқлари ҳимоячиларидан 10 нафари Тошкентдаги матбуот уйини пикет қилиб, ушбу мақола муаллифи, «Маҳалла» газетаси бош муҳаррири Чори Латиповнинг истеъфосини сўради.
