Yanvar 2011 ойлик архив

ББС: Mo‘‘tabar Tojiboyeva OIning O‘zbekiston rahbari bilan uchrashish rejalarini qoraladi

Ўзбекистонлик таниқли инсон ҳуқуқлари фаоли Мўътабар Тожибоева Оврўпо Иттифоқига аъзо давлатлар етакчиларига мурожаат билан чиқиб, уларнинг Ўзбекистон президенти Ислом Каримов билан Брусселда учрашиш режаларини кескин қоралади.

«Ўтюракалар Клуби» инсон ҳуқуқларини ҳимоя қилиш ташкилоти раҳбари Мўътабар Тожибоеванинг айтишича, Оврўпо Иттифоқи режалари «аслида Ўзбекистонда ҳукм сураётган диктатурани, давлат даражасидаги қатағонни кучайтиради».

Мўътабар Тожибоева: Сизларни олий инсоний қадриятларга садоқатли қолишга чақираман

Европа Комиссияси раиси Жозе Мануэль Боррозога;

Европа Иттифоқига аъзо давлатлар етакчиларига;

Европа Парламенти аъзоларига “Ўтюраклар”Клуби инсон ҳуқуқларини ҳимоя қилиш ташкилоти раҳбари

МУРОЖААТНОМА

Ҳурматли хонимлар ва жаноблар,

Ҳозирда тасдиқланиб улгурган маълумотларга кўра, 24 январ куни, Ўзбекистон Республикасининг президенти Ислом Каримов расмий ташриф билан Бельгияга келади.  Бизга маълум бўлишича, у Европа Комиссияси раиси жаноб Жозе Мануэль Боррозо, Бельгия Қироли Альберту-II Жанобий Олийлари ва бир қатор ЕИ мулозимлари билан юқори даражадаги учрашувлар ўтказади.