Category Archives: АРХИВ
Бош прокуратура биноси олдидаги очлик акцияси
Бугун Ўзбекистон Республикаси Бош прокуратураси биноси олдида «Эрк» партияси котиби Ойгул Маматова, Фарғонадаги «Ўтюраклар» клуби раҳбари Мўътабар Тожибоева ва қашқадарёлик бир гуруҳ собиқ акциядорлар очлик эълон қилди
О.Маматова партиянинг ҳукумат томонидан тортиб олинган мол-мулки қайтарилишини, М.Тожибоева фарғоналик инсон ҳуқуқлари фаоли Мавжуда Отақулованинг қамоқдан озод этилишини талаб қилди.
Норозилик акцияси чоғида қон босими ошиб кетгани учун Ойгул Маматова шифохонага ётқизилди.
Мўътабар Тожибоева: Танамдан тарқалган олов ва тафт миллатимизни, ҳалқимизни юрагини карахт қилиб қўйган қўрқув музини эритиш учун ҳисса қўшади деб ишонаман
«Моҳият» газетаси бош муҳаррири, Олий мажлис депутати, шоири замон Ғулом Мирзаевга
Фарғона вилоятидаги «Ўтюраклар» Клуби рахбари,
мустақил журналист Мўътабар Тожибоевадан
О Ч И Қ Х А Т
15 октябрь 2003 йил
Мухтарам бош муҳаррир!
Мен ушбу очиқ хатимни «Маҳалла» газетаси бош муҳаррири Чори Латипов номига ёзишга ва у билан «Ҳалқ сўзи», «Народное слово», «Ҳуқуқ» ва «Маҳалла» газеталарида «Муносабат» рукни остида чоп этилган «ҚОНУНБУЗАР КИМ… МАҲАЛЛАМИ ЁКИ «ХЬЮМАН РАЙТС ВОТЧ» ВАКИЛИ?» деб номланган буюртма асосида ёзилган танқидий мақоласини муҳокама этмоқчи эдим.
«Ўтюраклар» Чори Латиповнинг истеъфосини талаб қилди
14 октябрь куни Фарғона шаҳридаги «Ўтюраклар» клуби раҳбари Мўътабар Тожибоева Тошкентда халқаро ва маҳаллий инсон ҳуқуқлари ташкилотлари, мамлакатдаги оммавий ахборот воситалари вакиллари ва пойтахт маҳаллалари раислари иштирокида матбуот анжумани ўтказди.
Тадбирда М.Тожибоева «Халқ сўзи», «Народное слово», «Маҳалла», «Қонун» газеталарида босилган «Қонунни ким бузяпти: маҳаллами ёки Ҳьюман райтс уотч?» мақоласи буюртма асосида ёзилгани, «Ҳьюман райтс уотч» ва Буюк Британиянинг Уруш ва тинчликни ёритиш институти вакиллари шаъни таҳқирланганини таъкидлади.
Эслатиб ўтамиз, ушбу мақолада «Ҳьюман райтс уотч»нинг маҳалладаги қонунбузарликлар ҳақидаги тадқиқоти танқид остига олинган эди.
Анжумандан сўнг М.Тожибоева ва инсон ҳуқуқлари ҳимоячиларидан 10 нафари Тошкентдаги матбуот уйини пикет қилиб, ушбу мақола муаллифи, «Маҳалла» газетаси бош муҳаррири Чори Латиповнинг истеъфосини сўради.
Инсон ҳуқуқлари ҳимоячиси Мавжуда Отақулова ҳибсга олинди
Хабарларга қараганда, у Ўзбекистон Жиноят кодексининг 229 (ўзбошимчалик, яъни ҳақиқий ёки фараз қилинган ҳуқуқларни ўзбошимчалик билан амалга ошириш…) ва 277 (безорилик, яъни жамиятда юриш-туриш қоидаларини қасддан менсимаслик…) моддалари билан айбланмоқда.
Мавжуда Отақулова инсон ҳуқуқлари ҳимоячиси ва фоҳишабозликка қарши фаол курашувчи сифатида вилоятда танилган шахсдир.
Инсон ҳуқуқлари ҳимоячилари «Халқ сўзи»даги мақолага эътироз билдирди
10 октябрь куни «Freedom house» ташкилотининг Тошкентдаги ваколатхонасида инсон ҳуқуқлари ҳимояси билан шуғулланувчи ташкилотлар вакиллари матбуот анжумани ўтказди.
Анжуманда яқинда «Халқ сўзи» ва «Народное слово» газеталарида чоп этилган «Қонунбузар ким: маҳалла қўмитасими ёки Ҳьюман райтс уотч» мақоласи юзасидан мулоҳазалар билдирилди.
Фарғона вилоят ИИБ бошлиғи вазифасини бажарувчи Амин Тошхўжаевни истеъфосини талаб қиламиз!
Т е л е г р а м м а
Ўзбекистон Республикаси Президенти Ислом Каримовга
Жаноб Ислом Абдуғаниевич!
Биз сиздан Мамлакат рахбари сифатида Фарғона вилояти Ички Ишлар Бошқармаси бошлиғи вазифасини бажарувчи Аминжон Тошхўжаевнинг жиноий кирдикорларига ҳаққоний бахо бериб, ушбу қонунбузар амалдорни зудлик билан хизмат вазифасидан четлатишингизни ва унга нисбатан жиноят иши қўзғатишингизни талаб қиламиз.
“Ўтюраклар” Клубида Фарғонанинг бош милиционерининг хизмат вазифасидан четлатиб, унга нисбатан жиноят иши қўзғатишни талаб қилишимизга барча асослар бор.
Фарғоналик тадбиркор норозилик пикети ўтказмоқда
Кеча «Фергана.Ру» ахборот сахифаси томонидан чоп этилган хабарга кўра, икки кундан буён Фарғонадаги солиқ бошқармаси биноси рўпарасида исми номаълум бўлган бир маҳаллий тадбиркор норозилик пикети ўтказмоқда.
Ўрта ёшлардаги бу киши қўлига кўтариб олган плакатда ўзининг очлик эълон қилганини ва амалдорларнинг истеъфосини талаб қилишини билдирган.
Унинг қўлидаги плакатда: «Очлик эълон қиламан, қонунбузар, қонунбилмас амалдорлар истеъфога чиқсин», – деган ёзувни кўриш мумкин.
Мўътабар Тожибоевага қарши суд жараёни бошланди
2003 йил 20 август куни Олтиариқ туман прокуратураси биноси олдида ўтказилаётган пикет пайтида маҳаллий маъмурият раҳбарлари томонидан ёлланган 50дан зиёд фоҳишалар Мўътабар Тожибоевага хужум қилганлар ва арқон билан ҳам бўққанлар
Маълумки, шу йилнинг 20 август куни Фарғона вилояти Олтиариқ туман прокуратураси биноси олдида ўтказилган пикет вақтида милиция томонидан ёлланган фохишалар маҳаллий ҳуқуқ ҳимоячиси Мўътабар Тожибоевани вахшийларча калтаклашган ва бунинг оқибатида у жиддий жароҳатлар билан касалхонага тушган эди.
Бир қатор норозиликлардан сўнг, 11 сентябр куни М. Тожибоеванинг аризасига биноан 2 та милиция ходими ва фохиша аёллар устидан жиноий иш кўзғатилган.
Ҳалқаро ташкилотлар ҳамда Ўзбекистондаги хорижий элчихоналар бу ишнинг судда кўриб чиқилишини кутиб турган бир вақтда, кутилмаганда 25 сентябр куни Фарғона вилоят судида бу махкама судьяси Саминжон Исмоилов раислигида «Ўтюраклар» Клуби рахбари Мўътабар Тожибоева устидан суд жараёни бошланди. Бу ҳақда «Озодлик» радиоси хабар берган.
