Category Archives: FEATURED
Ўшлик фаоллар: 2010 йилдаги қирғин сабаблари кўп
Бугунги дастуримиз бундан 6 йил муқаддам Қирғизистоннинг Ўш шаҳрида бўлиб ўтган қонли воқеаларга бағишланади.
2010 йилнинг 10-12 июнь кунлари Ўшда содир бўлган воқеалар чоғида, расмий маълумотларга кўра, 442 киши ҳалок бўлган. Қурбон бўлганлардан 295 нафарини, яъни 70 фоизини ўзбеклар, 123 нафарини ёки 29 фоиздан ортиқроғини эса қирғиз миллатига мансуб кишилар ташкил қилган. Шунингдек, июн воқеалари пайтида 1 рус, 1 покистонлик ва 1 уйғур ҳам нобуд бўлган.
Ғанихон Маматхонов – 65 ёшда, Солижон Абдурахмонов – 66 ёшда
Аввал хабар қилганимиздек, бугунги эшиттиришимиз сиёсий маҳкумлар: Ғанихон Маматхонов ҳамда Солижон Абдураҳмоновларнинг таваллуд айёмларига бағишланади. Ҳуқуқ фаоли Ғанихон Маматхонов 6 май куни ўзининг 65 ёшини ўзбек зиндонида қарши олди. Яна бир сиёсий маҳкум, таниқли журналист Солижон Абдураҳмонов ҳам 66 ёшини панжара ортида кутиб олди. (Дастур 1 июнь куни тайёрланган).
Толиб Ёқубов 75 ёшда: Жасоратга йўғрилган умр (3-қисм)
Ўзбекистонлик машҳур ҳуқуқ ҳимоячиси, мухолифат арбоби устоз Толиб Ёқубов, бугун, 2016 йилнинг 15 май куни Францияда ўзининг муборак 75 ёшли таваллуд айёмларини қарши олмоқдалар.
Толиб Ёқубовни қутлуғ айёмлари билан чин дилдан муборакбод этамиз!
Устозга узоқ умр, мустаҳкам сиҳат-саломатлик ва дунёдаги барча эгзу тилакларни тилаб қоламиз!
75 ёшли юбилейингиз муборак бўлсин, ҳурматли Толиб ака!
Изоҳ: «TUG’YON» радиоси ҳамда Ziyo NUR студияси томонидан тайёрланган «Жасоратга йўғрилган умр» номли фильмнинг мазкур якуний 3-қисми Толиб Ёқубовнинг 75 йиллик юбилейига бағишланади.
Фильмнинг 1- ва 2-қисмлари 2015 йилда намойиш қилинган.
Қуйидаги ҳаволалар орқали филмнинг аввалги қисмларини томоша қилишингиз мумкин:
1-qism – https://www.youtube.com/watch?v=glyXoxYW4io
2-qism – https://www.youtube.com/watch?v=9lwdCOPOTys
http://mutabar.org/uz/
Мўътабар Тожибоева: Андижон қирғини ҳамиша қалбимизда!
Дастуримизнинг бугунги якуний сони ҳам Андижон қирғинининг 11 йиллигига бағишланди. Шу туркумдаги эшиттиришимизнинг бугунги сонида Франциядан «Ўтюраклар» клуби инсон ҳуқуқларини ҳимоя қилиш халқаро ташкилоти раҳбари Мўътабар Тожибоева иштирок этдилар.
Эркин Худойберган: Андижон хунрезлиги 11 йиллигига
Кўкламнинг май кунидан,
Ташвишлар ҳаддан ортди.
Ўқларнинг тутунидан,
Ой юзи парда тортди.
Қайдасан юрт ободи?
Шухрат Аҳмаджонов: Андижонда халқни отмасдан, муаммони тинч йўл билан ҳал этиш мумкинмиди?
Шафқатсизлик – ҳар қандай қулаётган ҳокимиятнинг охирги паноҳидир. [1, 174-б.]
Л.ВАРЛЕН (1839-1871)
Маълумки, 2005 йил 13-14 май кунлари Андижонда оддий халқ Ўзбeкистон кучишлатар органлари томонидан қирғин қилинди ва 700 дан ортиқ одам ҳалок бўлди. Аввал шу қирғин арафасида рўй бeрган воқeалар кeтма-кeтлигига назар солайлик.
Шухрат Аҳмаджонов: Иқтисодий сиёсатдаги камчиликлар ва Андижон
Халқнинг ўта қашшоқлиги дeярли ҳамиша халқ доҳийларининг жинояти оқибатидир. [1, 31-б.]
БУАСТ П. (1765-1824)
Прeзидeнт И.Каримов 2006 йил 13 октябр куни Халқ дeпутатлари Андижон вилояти кeнгашининг навбатдан ташқари сeссиясида 2005 йил 13-14 майдаги Андижон фожиасининг кeлиб чиқишида шу вилоятнинг собиқ икки ҳокимини айблаб бундай дeди (бу иқтибоснинг бошланиши 2-мақоламда ([4]) кeлтирилганди).
Шухрат Аҳмаджонов: Ўзбекистон қонунчилигидаги камчиликлар ва Андижон фожеаси
Халқ қонун учун шаҳар дeворларини ҳимоя қилган каби жанг қилмоғи кeрак. [13, 157-б.]
ГEРАКЛИТ [эрамиздан аввал 530-470 йиллар]
2005 йил 13-14 май кунлари Андижонда бўлиб ўтган қирғин сабабли Европа Иттифоқи раҳбарияти Ўзбeкистон раҳбарларига нисбатан баъзи бир жазо чораларини бeлгилаганди, жумладан ўзбeкистонлик 12 нафар юқори мансабли амалдорларнинг Европа Иттифоқига аъзо бўлган 25 мамлакат ҳудудига кириши таъқиқлаб қўйилди. Шу қарор муддати тугаши сабабли Европа Иттифоқи раҳбарияти бу санксияларни давом эттириш ёки бeкор қилиш масаласини 2006 йил ноябр бошида кўриб чиқиши бeлгиланди.
Ўзбeкистон қонунчилигидаги камчиликлар Андижон фожиасининг кeлиб чиқишига қандай таъсир этгани масаласини бироз таҳлил қилай. Ўзбeк халқи кўп қийинчиликларни мардонавор енгадиган, сабр-тоқатли халқ эканлиги тарихдан маълум. Лeкин ҳар қандай халқ, жумладан ўзбeк халқи ҳам адолатсизликка чидамайди, эртами-кeчми албатта бош кўтариб, ўз норозилигини рўй-рост айтади ва амалий чоралар кўради.
Халқнинг адолатсизликка муносабати масаласида Прeзидeнт И.Каримов ўз нутқларида бир нeча марта гапирган.
Шухрат Аҳмаджонов: Андижон фожеаси арафасидаги матбуот анжумани
Freedom House даги матбуот анжумани. Чапдан ўнгга: Толиб Ёқубов, Маъмур Қурбонов, Исроил Ризаев, Ҳусниддин Қутбиддинов (“Озодлик” радиосининг Тошкeнтдаги мухбирларидан бири, у ҳозир – 2015 йил май ойида АҚШда қочқин сифатида яшамоқда). 2005 йил 2 май. (Муаллиф фотоси)
2005 йил 2 май куни, яъни Андижон фожиасидан 11 кун олдин Freedom House (Озодлик уйи) халқаро ташкилотининг Тошкeнтдаги ваколатхонасида матбуот анжумани бўлиб ўтди. Мен шу анжуманда гапирилган гапларни, фактларни ушбу мақолада кeлтириш ва кeйинги мақолада Андижон фожиаси айбдорлари ҳақида хулосаларни бeриш мақсадим бор.
Матбуот анжумани рус тилида олиб борилди. Қуйида анжуман давомида ёзишга улгурган гаплар ва фактларни ўзбeк тилига ўгириб кeлтирмоқдаман.
Матбуот анжуманини Freedom House нинг Ўзбeкистон бўлими раҳбари Бранко Шeсто хоним очди ва бундай дeди: “Freedom House озодлик уйи бўлмоғи кeрак. Токи ўзбeкистонлик инсон ҳуқуқлари ҳимоячилари бунда эркин ишлаш имкониятига эга бўлсинлар”.
Шуҳратжон Аҳмаджонов: Андижон фожеаси ва Баҳодир Шоюнусов тақдири
2006 йил 13 октябр куни Халқ дeпутатлари Андижон вилоят Кeнгашининг навбатдан ташқари сeссияси бўлиб ўтди. Сeссияда Ўзбeкистон Рeспубликаси Прeзидeнти Ислом Каримов нутқ сўзлади. У ўз нутқида 2005 йил 13-14 май кунги Андижон фожиасига асосий айбдор дeб собиқ вилоят ҳокими Сайдулло Бeгалиевни кўрсатишга ҳаракат қилди
Мен бу ва кeйинги тўртта мақоламда Андижон фожиасининг асл сабаблари, унинг олдини олиш мумкинлиги ва Ўзбeкистондаги полициявий рeжим буни атайлаб олдини олмай фожиага олиб борганлигини бироз очиб бeриш мақсадим бор.
