Category Archives: Эргашев Раҳим ва банк
Ўзбекистон Республикаси Бош прокурори Рашид Қодировга телеграмма очиқ хат № 3
“Ўтюраклар” Клуби раҳбари, мустақил журналист, инсон ҳуқуқлари ҳимоячиси Мўътабар Тожибоевадан
ТЕЛЕГРАММА ОЧИҚ ХАТ № 3
22.04. 2003 йил
Муҳтарам Рашид Ҳамидович!
Мен Ўзбекистон Республикаси Конституцияси ва Ўзбекистон Республикаси мустақилликка эришган кундан бошлаб Олий мажлис сессияларида тасдиқланиб келаётган қонунларни амалда деярли ишламаслигига, бунинг натижасида Ўзбекистон Республикасида инсон ҳуқуқлари паймол этилиши авж олишига асосий айбдор деб Сизни биламан ва 16–апрелдан бошлаб 1–майгача Сизни Ўзбекистон Республикаси Бош прокурори лавозимидан истеъфога чиқишингизни қатъий талаб қилиб Бош прокуратура биноси рўпарасида ўтказаётганим пикетимни ва очликни вақтинча тўхтатишим ҳақида 21–апрель кунги ёзган очиқ хатимда маълум килган эдим.
Толиб Ёқубов: Ер ости кўрсичқонлари
2003 йил, 15 апрел
Шу йилнинг март ойи бошларида www.centrasia.ru сахифасида Пўлат Хакимжонов исмли муаллифнинг «Ғиждувонлик жанжалкаш тадбиркорлар» («Скандальные бизнесмены из Гиждувана») сарлавҳали мақоласи нашр этилган эди.
Мазкур мақола ғиждувонлик тадбиркор С.Абдухайров устидан қўзғатилган жиноий ишга бағишланган бўлиб, унда ўзбекистонлик таниқли ҳуқуқ ҳимоячиси, ЎИХЖ бош котиби Толиб Ёқубов ва «Ўтюраклар» Клубининг рахбари Мўътабар Тожибоева шаънига бир қатор ҳақоратомуз сўзлар ёзилган.
ЎИХЖ тарафидан тарқатилган қуйидаги хабар ушбу мақолага берилган жавобларнинг навбатдагисидир. ЎИХЖнинг бу ҳақдаги олдинги мақолалари билан сайтимизнинг ўрис тилидаги саҳифасида жойлашган «Голос правозащитника» рукнида танишишингиз мумкин.
Ўзбекистон Республикаси Бош прокурори Рашид Қодировга телеграмма очиқ хат № 2
“Ўтюраклар” Клуби раҳбари, мустақил журналист, инсон ҳуқуқлари ҳимоячиси Мўътабар Тожибоевадан
ТЕЛЕГРАММА ОЧИҚ ХАТ № 2
Муҳтарам Рашид Ҳамидович!
1. Мен Ўзбекистон Республикаси Конституцияси ва Ўзбекистон Республикаси мустақилликка эришган кундан бошлаб Олий мажлис сессияларида тасдиқланиб келаётган қонунларни амалда деярли ишламаслигига, бунинг натижасида Ўзбекистон Республикасида инсон ҳуқуқлари паймол этилиши авж олишига асосий айбдор деб Сизни биламан ва 16 –апрелдан бошлаб 1–майгача Сизни Ўзбекистон Республикаси Бош прокурори лавозимидан истеъфога чиқишингизни қатъий талаб қилиб, Республика прокуратураси биноси олдида қонуний йўл билан пикет ўтказаман.
Мўътабар Тожибоева: Қонуний талабимни бажаринг жаноб бош прокурор!
Т е л е г р а м м а
Қонуний талабимни бажаринг жаноб бош прокурор!
Тошкент: Академик Яҳё Ғуломов кўчаси 66-уй, Республика Бош прокурори Рашид Қодировга
Мухтарам жаноб Қодиров!
Мен сизга қуйида баён қиладиган далилларим ҳақида олдин ҳам бир неча марта сизга ёзиб мурожаат қилганман ва келтирилган далиллар юзасидан ўзимнинг иштирокимда текширув ўтказишни талаб қилиб келганман. Бугун яна бир бора сизга мурожаат қилиб қуйидагиларни маълум қиламан:
Европа тикланиш ва тараққиёт банки президентига Мурожаатнома
14 март 2003 йил
Ушбу ҳалқаро молиявий ташкилот 17 март куни Ўзбекисотонда инсон ҳуқуқлари борасидаги аҳволнинг ривожланишига қараб, унга маблағ ажратиши ҳақида баёнот берган.
Европа тикланиш ва тараққиёт банки (ЕТТБ) рахбарияти ўзбек хукумати ва хусусан президент Ислом Каримов олдига бир нечта талабларни қўйган бўлиб, улар орасидан матбуот эркинлигига риоя қилиш, нохукумат ташкилотларига мустақил фаолият юрита олишлари учун имконият яратиб бериш ҳамда давомли равишда қўлланиладиган қийноқларни ошкора тарзда қоралаш кабилар бор.
Марғилон МХХ вакиллари билан тўқнашув
Мўътабар Тожибоевани махкамага тортадилар. Лекин ҳар доим Тожибоева ҳимоя қилган инсонлар унинг ҳимоясига ҳам етиб келадилар.
2003 йил 8 февраль
2003 йил 30 январь куни Ҳалқаро ташкилотларга, чет эл элчихоналарига ва Ҳалқаро матбуотларга, инсон ҳуқуқлари ҳимоячиларига, журналистларга ёзган мурожаатномамда мени тайзиққа олинганлигимнинг асосий сабабчиси деб Миллий Хавфсизлик хизмати идорасидагиларни билишимни айтган эдим.
2003 йил 1 февраль куни мен Тошкентдан қайтдим ва ўзим катта бўлган ота-онамнинг хонадонига Марғилон шаҳар Зарафшон кўчаси 286 уйга бордим. Эртасига, яъни 2 февраль куни кундуз соат 16-ларда Марғилон шаҳар худудий Миллий хавфсизлик хизмати ходими Мамадалиев Равшан хонадонимизга ташриф буюрибди.
Ўзбекистон Республикаси Бош прокурори Рашид Қодировга телеграмма мурожаатнома
Инсон ҳуқуқлари ҳимоячиси, мустақил журналист, «Ўтюраклар» Клуби раҳбари Мўътабар Тожибоева
М У Р О Ж А А Т Н О М А С И
Муҳтарам Рашид Ҳамидович!
Мен 2000 йилнинг январь ойидан бошлаб ўз фаолиятини бошлаган инсон ҳуқуқларини ҳимоя қилиш билан шуғулланувчи «Ўтюраклар» Клубининг раҳбари ва мустақил журналист сифатида 2002 йилнинг 1–ярим йиллигигача прокуратура тизимининг, айнан Фарғона вилоятидаги прокуратуранинг иш фаолиятидан қониқиш хосил қилиб келар эдим.
Чунки айнан 2002 йилнинг июль ойигача Фарғона вилоятидаги Конституцион ҳуқуқлари паймол этилган ва «Ўтюраклар» Клубидан ҳимоя истаб мурожаат қилган жуда кўплаб фуқароларнинг ҳуқуқларини прокуратуранинг ёрдами билан тиклар эдик ва бу ҳақда Республика ва ҳаттоки Ҳалқаро матбуотларда мақолалар чоп этилган эди.
