Category Archives: МАҲКАМАЛАР
Шуҳрат Аҳмаджонов: Мўътабар Тожибоеванинг 2000 – 2002 йиллардаги курашидан лавҳалар
Фото. Муътабар Тожибоева Ўзбекистон Бош прокуратураси олдида бир ўзи пикет қилаётган пайти. Тошкент, 2003 йил баҳори. Муаллиф фотоси.
Агар ўлганингиздан кейин сизни дарҳол эсдан чиқаришларини хоҳламасангиз, ё ўқиса арзийдиган нарсаларни ёзинг, ёки ёзса арзийдиган ишлар қилинг. [1, 16-б.]
Бенджамин Франклин (1706-1790)
Шуҳрат АҲМАДЖОНОВ
Мен архивимдаги мақолаларим ва маълумотларни қараб чиқиш давомида Мўътабар Тожибоева 2002 йил 27 ноябрь куни Ўзбекистон Республикаси Бош прокурори Рашид Қодиров номига ёзган Тушунтириш хатини ўқидим. Хат жуда кўп фактлар асосида қизиқарли қилиб ёзилган.
Ўзбекистонимизда полициявий бошқарув қандай амалга оширилаётгани ва кучишлатар органлар, айниқса Миллий хавфсизлик хизмати фаолиятига доир кўпгина аниқ фактлар хатда берилган. Ватанимиздаги бошқарув ўзгармагани ва бу муаммолар долзарб бўлиб қолаётгани учун ушбу Тушунтириш хатини ўқувчиларимиз эътиборига ўзгаришсиз ҳавола қилмоқдаман.
Уни Мўътабар Тожибоева 2003 йил 4 сентябрида Тошкентда Freedom House (Озодлик Уйи) ваколатхонасида ўтказган матбуот анжуманида тарқатган эди. Матбуот анжуманида қатнашган журналистлар ва фаоллар қаторида мен ҳам битта нусхасини олгандим. Уни бетма-бет қилиб компютерга киритиб, почтамга ва дискка ёзиб қўйган эдим.
Мўътабар Тожибоева: Ўзбек журналистлари адолатсизликка қарши курашга отланинг!
Ёхуд рухий касалликлар шифохонасида даволанаётган бемор суд психиатрик экспертизаси хулосасига кўра соғлом деб топилди.
Абдуллаев Комил 1965 йилдан буён рухий касалликнинг “шизофрения” тури билан касалланиб, бир неча маротаба рухий касалликлар шифохонасида даволанган ва рўйхатда турган. Андижон вилоят рухий асаб касалликлари шифохонаси томонидан Абдуллаев Комилга нисбатан суд психиатрик экспертиза ўтказилиб, унинг хулосасига кўра битимларни расмийлаштирган пайтда рухий касалликлар шифохонасида даволанаётган бўлган Абдуллаев Комил соғлом, ўз харакатига ўзи жавоб бера олган” дейилган бўлсада, шу касалхонанинг ўзи 2004 йил 30 апрель куни 149 сонли хатида “у касалликдан бутунлай соғайиб кетмайди” деб кўрсатилган.
Озодлик радиоси: Бензин танқислиги фожеаларга сабаб бўляпти
Фарғонада юзага келган бензин тақчиллиги вилоятда жуда кескин вазиятни юзага келтирди. Аҳолининг бу ҳолатдан норозилиги кундан-кунга ортиб бораётгани кузатиляпти.
“Кечанинг ўзида иккита фожеа юз берган. Бири Фарғонада, иккинчиси Қўқонда. Қўқонда ёқилғи қуйиш шахобчаси ёқиб юборилган. Шунинг учун бугундан бошлаб шахобчаларга милиционерлар қўйилган”, – деди М.Тожибоева.
Озодлик радиоси: “Ўтюраклар” очлик эълон қилди
Тошкентда Андижон воқеаларида фаол иштирок этишда айбланаётган 15 фуқаро устидан суд бошлангач, Ўзбекистондаги инсон ҳуқуқлари ҳимоячиларга нисбатан тазйиқлар янада кучайди, улар кучли назоратга олинди.
М.Тожибоева ўзининг шаънига айтилаётган айбловлар асоссиз эканини таъкидлади ва суд бошлангандан буён у раҳбарлик қилаётган клуб аъзоларига кучли тазйиқлар бўлаётганини билдирди.
Мўътабар Тожибоева: Жиноятчи сенаторнинг қўли қачонгача баланд келади?
Жамоатчилик назорати хукуматга керакми, ёки хукумат рахбарлари»Фуқаролик жамияти қурамиз» деб жаҳон ҳамжамиятини ва ўз ҳалқини алдаяптими? Жиноятчи сенаторнинг қўли қачонгача баланд келади?
Турдалиев Мухторга нисбатан зудлик билан жиноят иши қўзғашни қатъий талаб қиламиз.
Ушбу қонуний талабларимиз бажарилмасдан туриб Маъмиржон Мисиралиенга айб эълон қилинса Ўзбекистон Республикаси хукуматининг Фуқаролик жамияти қуриш ва жамоатчилик назоратини амалга ошириш борасида амалий ишлар қилаётганлиги ҳақидаги сиёсати амалда йўқлиги, фақатгина қуруқ гаплар билан кенг жаҳон ҳамжамиятини ва жамоатчиликни алдаётганлиги, аслида фуқаролик жамияти қурилишига хукуматнинг ўзи тўсқинлик қилаётганлиги, хукумат рахбарларининг фуқаролик жамияти қуриш ҳақидаги маърузаларини тинглаб, фуқаролик жамияти қуришга ёрдам бермоқчи бўлаётган фаол фуқаролардан қақшатгич ўч олаётганлигини, Ўзбекистонда сенаторлик курсиларини жиноятчи кимсалар эгаллаганлигини билдириб, рухсат олмаган ҳолда норозилик тадбирлари бошлашга мажбур бўламиз.
Озодлик радиоси: “Адолат йўли”дан адолат талаб қилинди
15 сентябрь куни бир гуруҳ фуқаролар Фарғона вилояти прокуратураси биносини пикет қилиб, мазкур идора нашри бўлмиш “Адолат йўли” газетаси фаолиятидан норозилик билдирди.
М.Тожибоеванинг билдиришича, газета прокуратура нашри бўлса-да, унда кишилар шахсини камситувчи мақолалар ҳам чоп этилади.
“Газета Фурқат туманилик ҳамшира Хуршида Мелиеванинг шахсини булғаб, мақола эълон қилган. Биз жабрланувчининг вакили сифатида газетадан 100 миллион сўм маънавий зарарни ундириб беришни сўраб судга мурожаат қилганмиз. Газета судни менсимай, вакилини жўнатмади. Бу иш уч ойдан бери чўзилиб келяпти”, – деди М.Тожибоева.
Озодлик радиоси: Конгрессменларга наманганча “меҳмондўстлик” кўрсатилди
“Ўтюраклар” клуби раҳбари Мўътабар Тожибоеванинг таъкидлашича, маҳаллий ҳокимият вакиллари захира маркази ноқонуний фаолият кўрсатяпти, деган важ билан унинг дарвозасидаги идора белгисини олиб ташлаган.
