Category Archives: ЎЗБЕКИСТОНДА
Ўзбекистонлик ишбилармон ва тадбиркорларга қарши хужум кучайиб, улар қийноққа солинмоқда
Т Е Л Е Г Р А М М А
Бугунги кунда Андижон шахрида норасмий Акромий диний экстремистик оқимга аъзоликда айбланаётган 23 нафар ишбилармон-тадбиркорларнинг суди бўляпти. Бу 23 нафар фуқаронинг яқинлари, қариндош уруғлари суд залига киритилмаяпти. Чунки суд кичик бир залда бўлмокда ва у ерда хозир бўлган фуқаролар бу залга сиғишмайди. Суд жараёни эса…
4 апрел 2005 йил
Тошкент. Матбуотчилар кўчаси 6 уй. Президент девонига. Президент Ислом Каримовга;
“Фуқаролик жамияти” Ҳалқ харакати ва “Ўтюраклар Клуби”нинг ўзбек ҳалқига Мурожаатномаси
Буюк мутафаккирларнинг доно ўгитларидан бир шингилини сизларга хавола қилишни лозим топдик:
Мен «ҳаммага дўст» одамлардан кўра нодустроқ одамларни билмайман, улар доимо ҳамма нарсадан завқланиб, доимий равишда ёвузларни рағбатлантириб келадилар ва ўзларининг жинояткорона олижанобликлари билан жамиятга доғ туширувчи иллатларга хушомадгўйлик қиладилар.
Ҳақсизликни кўра туриб индамаслик – ўша ҳақсизликда қатнашиш билан баробар.
Ж.Ж.Руссо
«Фуқаролик жамияти» ХҲ ва «Ўтюраклар Клуби»нинг Ўзбек халқига мурожаатномаси
«Фуқаролик жамияти» Ҳалқ Ҳаракати ва «Ўтюраклар»
Клуби инсон ҳуқуқларини ҳимоя қилиш ташкилотининг
ЎЗБЕК ҲАЛҚИГА МУРОЖААТНОМАСИ
Энг ёвуз зўравонлик– қонун соясига беркиниб, адолат байроғи остида иш кўради.
Ш.Монтескье.«… Бизнинг мустақил аталмиш (Мустақул) Республикамиз ҳуқуқни мухофаза қилиш органлари «меҳрибончиликлари» туфайли деярли ҳар бир хонадонда тухмат, бўхтон билан қилмаган айби учун жавобгарликка тортилиб, турмаларда азоб чекаётган яқинларингиз – акангиз, укангиз, отангиз, хаттоки опа сингилларингиз ҳам бор.
Мухтарам ҳамюртлар!
«Даъвогар суст бўлса қози иймонини ютади» деган мақол бор.
Дарҳақиқат сизларнинг яқинларингиз айнан ўша сизларнинг сусткашликларингиз туфайли узоқ йилларга қамоқ жазоларига махкум қилинганлар.
Риштонда намойишга йўл қўйилмади
Фарғоналик ҳуқуқ ҳимоячиларининг билдиришларича, “Ўтюраклар“ клуби Қирғизистон мухолифатини қўллаб-қувватлаш мақсадида, инсон ҳуқуқлари вазиятининг яхшиланмаётгани муносабати билан ва суд-ҳуқуқ тизимидаги адолатсизликлар туфайли Фарғона вилояти хокимлиги ва вилоятдаги туман хокимликлари олдида норозилик намойишлари уюштиришни ва биринчи намойишни 29 март куни соат 14 да Риштон тумани марказида ўтказишни режалаган эди.
Лекин ҳуқуқ-тартибот идоралари бу тадбирга йўл бермай, жойларда, айниқса Риштонда ўз ходимларини оёққа турғаздилар, намойиш ташкилотчиларидан бири, “Ўтюраклар“ клубининг рахбари Мўътабар Тожибоева эса Фарғона вилояти ИИБ да эрталабдан кечгача ушлаб турилди.
Озодлик радиоси: Фарғонада намойишларга йўл берилмади
Фарғонадаги инсон ҳуқуқлари ҳимояси билан шуғулланувчи бир неча ташкилотлар Ўзбекистон ҳукуматининг инсон ҳуқуқлари соҳасида юргизаётган сиёсатидан норозилик сифатида 29 мартда вилоятда тинч намойишлар ўтказилиши ҳақида баёнот тарқатган эди.
Аммо бундан хабар топган ҳокимият органлари намойишларга тўсқинлик қилди.
Озодлик радиоси: “Ўтюраклар” клуби баёнот тарқатди
Марғилондаги инсон ҳуқуқлари ҳимояси билан шуғулланувчи “Ўтюраклар” клуби Қирғизистондаги воқеалар муносабати билан қирғиз мухолифатини қўллаб-қувватлаш руҳидаги баёнот тарқатди.
Баёнотда ёзилишича, ҳукумат халқни қўрқувда ушлаш эвазига тинчликни сақлаб турибди.
Баёнотга имзо чеккан олтиариқлик Валижон Йўлдошевнинг таъкидлашича, баёнотда Ўзбекистон аҳолисининг бугунги иқтисодий, ижтимоий аҳволига ҳам эътибор қаратилган. Ўзбекистон ҳукумати Қирғизистондаги воқеалардан хулоса чиқариб, зудлик билан ислоҳотлар бошлаши зарур.
Ўтюраклар Клуби: «Биз Қирғизистон мухолифотини қўллаб қувватлаймиз!»
«Ўтюраклар» Клуби номла инсон ҳуқуқларинп ҳимоя қилиш ташкилоти
БАЁНОТ ТЕЛЕГРАММАСИ
Россиялик сиёсатчи Жириновсий ўзбек ҳалқини энг аввало қўйга ўхшатди: Не эмиш, Президент Каримовнинг 25 миллионта қўйи бор эмиш. Ҳар не қилинса ҳам индамасмиш.
Кейинчалик у адашганлигини тан олди ва ўзбек ҳалқини балиққа ўхшатди. Не эмиш, қўйнинг қорни очса ҳеч бўлмаса марар эмиш, балиқ эса оч қолса ҳам, касал бўлса ҳам садо чиқармасмиш.
Кейинчалик бу фикридан ҳам қайтди. Не эмиш, балиқ ҳеч бўлмаса оқимга қарши сузармиш, ўзбек ҳалқида бирор бир нарсага қаршилик билдириш қобилияти йўқ эмиш.
Ўзбеклар чувалчангга ўхшармиш, танасини бошидан жудо қилсанг индамай икки томонга қараб кетармиш. Ҳар нечук Жириновсий чувалчангданда лоқайд, ўз тақдирига бефарқ махлуқни топа олмади шекилли, ўзбек ҳалқи ҳақидаги фикрини чувалчангда тўхтатди. Лекин ўзбек халқи қўрқоқ эмас, балким андишали, ориятли ҳалқ.
Фоҳишалар милиция бошлиғини қўлларини қайириб, тимдалаб ташлашди
Ўзбек ҳалқига, Ҳалқаро жахон ҳамжамиятига, Хорижий ва
маҳаллий оммавий ахборот воситалари вакилларига, Қирғизистон Республикасинииг амалдаги хукуматига, қирғиз ҳалқига
«Фуқаролик жамияти» Халқ ҳаракати ва «Ўтюраклар»
Клуби инсон ҳуқуқларини ҳимоя қилиш ташкилотининг
ТЕЛЕГРАММА МУРОЖААТНОМАСИ
10 кун муддат ичида бу қонуний талабимиз бажарилмаса, 17 апрель куни нафақат Риштон туманлараро фуқаролик суди биносини, балким Риштон туман хокимияти, Риштон туман ИИБ идораларини ҳам тинч йўл билан эгаллаб оламиз ва хукумат исьтефосини талаб қиламиз.
Тошкент Матбуотчилар кўчаси 6 уй Президент девонига. Президент Ислом Каримовга
«Фуқаролик Жамияти» Ҳалқ Харакати вакиллари ва айнан Риштон туманлараро фуқаролик судининг адолатсиз қарорлари туфайли жабр тортган фуқаролар 6 апрель куни, яъни ғайриқонуний суд жараёни давом этаётган пайтида тинч йўл билан Риштон туманлараро фуқаролик суди биносини эгаллаб олиш учун суднинг ховлисига тўпландик.
Жаноб Гадойбоев! Ушбу ҳақиқат сўзларим учун ишдан четлаштиришингиз мумкин. Ҳар қандай чора кўрсангиз ҳам мен тайёрман.
Фарғона вилояти Охунбобоев тумани Оқтепа маҳалла фуқаролар йиғини раиси — истеъфодаги милиция майори Мамасодиқ Рахимовнинг Ўзбекистон Оқсоқоллар кенгаши ва «Маҳалла» Жамғармаси бошқаруви раиси, Ўзбекистон Шахмат Федерацияси Президенти Аъзамжон Гадойбоевга
ТЕЛЕГРАММА ОЧИҚ ХАТИ
Бўғиб ўлдирилган ташаббус ёхуд жамоатчилик назоратидан қўрққан ким?
Жаноб Гадойбоев!
Мен Сизга ушбу хатим орқали очиқ ва аччиқ ҳақиқатни ёзиб албатта ёмон кўринсам керак, чунки аччиқ ҳақиқат ҳеч кимга ёқмайди. Менинг ушбу ҳақиқат сўзларим учун ишдан четлаштиришингиз мумкин. Ҳар қандай чора кўрсангиз ҳам мен тайёрман. Лекин ҳақиқатни ёзишга мен мажбурман. Мени Сизга ушбу очиқ хатимни ёзишга «Ҳалқ йўли -Хақ йўл» деб номланган китобингиз мажбур қилди. Мен китобингизни ўз яқинларим билан биргаликда ўқиб чиқдим.
Фарғона тергов ҳибсхонаси ёнида қийноқларга қарши норозилик акцияси
Ҳуқуқ ҳимоячиларининг хабарига кўра, кеча, 17 январь куни кечга томон Фарғонадаги тергов ҳибсхонаси ёнида норозилик намойиши ўтказилди.
Унда 2004 йил сентябрида “Хизб-ут-Тахрир“га мансубликда ва “Хизб“чиларга ёрдам кўрсатишда (ўз уйидан бошпана беришда) айбланиб, қамоққа олинган ва шу кунларда Фарғона вилоят судида Ўзбекистон ЖКнинг бир неча моддалари бўйича иши кўрилаётган марғилонлик Ойша Аҳмедованинг яқинлари ва ҳуқуқ ҳимоячиларидан иборат, қарийб 15 киши қатнашди.
Суд залига 52 ёшли О.Ахмедованинг танаси шилинган ва моматалоқ ҳолда олиб келинганига шоҳид бўлароқ пикетчилар қамоқхонада қийноқларнинг ўзига хос усули қўлланилганини – махбуснинг ўзи билан сақланаётган безори рус аёли томонидан ваҳшиёна калтакланаётганини кескин қораладилар.
Уларнинг қўлларида “БМТ Ўзбекистон хукумати томонидан ўтказилаётган қийноқларга чек қўйсин“, “Турмада ётган муслима ва муслимларга зулм кўрсатаётган ўзбек хукумати истеъфога чиқарилсин!“, “Ислом Каримов президентликдан бўшатилсин!“, “Хукуматнинг истеъфосини талаб қиламан“ қабилидаги плакатлар бор эди.
Намойиш бир соатдан ортиқ давом этди.
