Category Archives: ТАШАББУСЛАР
Озодлик радиоси: Наманганда Тожибоеванинг қамалиши “кафолатланган”
“Норин постида фарғоналик ҳуқуқ ҳимоячиларини бир гуруҳ милиция ходимлари кутиб олди. Наманган шаҳри ИИБ бошлиғи Икром Қўлдошев менга “ҳунарларимни” Фарғонада ёки Тошкентда қилишим мумкинлиги, Наманганда эса қамалишим кафолатли экани тўғрисида огоҳлантирди”, – деди М.Тожибоева.
Кенжаева Нодира: Мени оиламни контрабанда билан шуғулланувчи жиноятчилардан ва уларнинг ҳомийлари бўлган Наманган вилоятидаги маьмурий органлардан қутқаринг.
Қонуннинг ҳимоя қилувчи органларнинг рахбарлари ва ходимлари ўзлари коррупциялашиб кетган, ва жиноятчи кимсалари ҳомийлари хисобланадилар.
Шунинг учун ҳам 13–июль куни турмуш ўртоғимни озодликка чиқарилишини, контрабанда жинояти содир этаётган ва унга ҳомийлик қилаётган барча жиноятчилар жавобгарликка тортилишини, коррупциядан жабр тортган фуқароларни ҳам ҳуқуқларини ҳимоя қилишни талаб қилиб, Наманган шаҳри марказида оила аъзоларимиз билан биргаликда норозилик намойиши ўтказишга қарор қилдим.
Мўътабар Тожибоева: Наманганда қонун устиворми ёки контрабандист, жиноятчи «ДАГАР»нинг «илтимос»(!!!)ларими?
Мамлакат Президенти Ислом Каримов ва бошқа ваколатли мансабдор шахслар жуда қўп маротаба маҳаллий матбуотлар орқали чиқиш қилиб жиноят содир этганликда гумонланаётган фуқароларни, ҳаттоки конституцион тузумни ағдармоқчи бўлган террористик гуруҳларнинг иштирокчиларини ҳам давлат рахбарларидан кечирим сўраб ўз оиласи бағрига қайтишларини, ўз ихтиёрлари билан келиб кечирим сўрашса қамалмасликларини кўп бора таъкидлайдилар.
Қабиҳликни келтириб чиқарадиган шароитларга тегмай туриб ҳақиқат талаб қилиш, ёмғир ёғаётганда тош ётқизилмаган кўчада лой бўлмаслигини талаб қилиш билан баробардир
Д.И.Писарев
Мўътабар Тожибоева: Аюбхон Баратов ўз ихтиёри билан ИИБга борган бўлсада, ғайриқонуний йўллар билан уриб, қийнаганлар ва ҳибсга олганлар!
Биз ҳукумат раҳбарлари Наманган вилоятидаги контрабанда савдосига кенг йўл очиб берган «жабрланувчи»нинг ҳомийларига, ўз жиноий хатти–ҳаракатларини яшириш мақсадида «Нобель» мукофоти Номенанти бўлган Мўътабар Тожибоевани «Давлат сиёсатига қарши гапирди! Президентни ҳақорат қилди! Давлат тўнтариши қилмоқчи бўлди!» дея қалбаки ҳужжатлар расмийлаштирган «ЖИНОЯТ ҚИДИРУВ БЎЛИМИ (!!!)» мансабдор шахсларига нисбатан қатьий чоралар кўрадилар деб ишонамиз.
Фарғоналиклар Тео Ван Бовенга мурожаат қилди
Кеча (28 июнь) Фарғона вилоятидаги «Фуқаролик Жамияти» Халқ Ҳаракати, «Ўтюраклар» Клуби, «Ҳуқуқшунослар қийноқларга қарши», «Халқпарвар» ҳамда «Тезкор журналистлар» сингари бир неча ташкилотлар вакиллари, ҳуқуқ ҳимоячилари Бирлашган Миллатлар Ташкилотининг Қийноқларга қарши комитети махсус маърузачиси Тео Ван Бовенга махсус мурожаат билан чиқдилар.
Унда таъкидланишича, Ўзбекистон туманининг Яйпан шаҳрилик Номоз Усмонов ва Иқбол Сатторовлар қотиллик ва ўғрилик, Охунбобоев тумани Пахтакор қишлоғилик Нуриддин Сохибоев номусга тегиш, Охунбобоев тумани Оқтепа қишлоғилик Салимбек Рахимов қотиллик, талончилик, босқинчилик, фирибгарлик, товламачилик, фарғоналик Улуғбек Абдурахимов қотиллик, Охунбобоев тумани Муллақайрағоч қишлоғилик Отабек Шокиров босқинчилик жиноятлари содир этганликда айбланиб, чидаб бўлмас қийноқлар қўлланилганлиги эвазига бўйнига қўйилган.
Шунингдек, мурожаатда қийноқлар бўйича маърузачига вилоятда ҳуқуқни муҳофаза қилиш идоралари томонидан содир этилаётган жиноятлар, тергов ва суддаги қийноқлар, айрим ҳолларда айбланувчиларнинг фожеали ўлими билан тугаётган холатлар ҳақида маълумотлар берилади.
30 июнь 2005 йил
Мусулмон Ўзбекистон
Нурматова Матлуба: Солиқ департаменти босқинчиларидан дод!
Мен сиздан Марғилон шаҳар департамент ходимларини Ўзбекистон Республикаси ЖПКнинг бир қатор моддаларида белгилаб қўйилган қонун талабларини қўпол равишда бузганликлари учун, уларга нисбатан тегишли қонуний чоралар кўришликни илтимос қиламан ва беркитиб қўйишган тилло буюмлар ва пулларимни топиб беришларини сўрайман.
Марғилон шаҳар департамент ходимлари ўзларига берилган мансаб ваколатларидан қасддан фойдаланиб, фуқароларни қонуний ҳуқуқларини паймол қилишлари, хусусан уй-жой, мулк даҳлсизлиги каби конституцион ҳуқуқларини паймол қилишлари мумкин деб, қайси қонунда белгилаб қўйилган?
Фарғоналиклар Тео ван Бовендан ёрдам сўрамоқда
Фарғонадаги инсон ҳуқуқларини ҳимоя қилиш ташкилотлари фаоллари, мустақил журналист ва адвокатлар Андижон воқеаларидан кейин ҳибсга олинган шахсларга нисбатан қийноқлар кучайиб бораётгани юзасидан БМТнинг қийноқлар масаласи бўйича махсус вакили Тео ван Бовен номига мурожаатнома йўллади.
Шунингдек, бу мурожаатнома Ўзбекистон президенти ва бир неча давлат идоралари номига ҳам жўнатилди.
