Category Archives: Қамоққача
Махбуса Мўътабар Тожибоеванинг ўзига нисбатан қўлланилаётган қийноқлар бўйича Кўргазмаси
Мен эса тергов изоляторида менга нисбатан қийноқ қўлланилаётганлиги, бунинг натижасида тинимсиз жисмоний ва маънавий азоб тортаётганим учун ЖПКнинг 108–моддасини 2–қисмига кўра илгари берган кўргазмаларимни тўлдиришни хоҳлашимни, шунинг учун мени дарҳол сўроқ қилишни сўраб 25–октябрь, 4–ноябрь, 18 ва 19–ноябрь кунлари терговчи Н.Сулаймонов номига, Жиноят Ижроия Кодексининг17–моддасига асосан назоратга олиб менга нисбатан уюштирилаётган фитналар ташкилотчиларига қонуний чора кўришни сўраб вилоят прокурори А.Ҳолмаҳматов номига 4–ноябрь кунги ёзган аризаларим оқибатсиз қолдириб келинмоқда.
Мўътабар Тожибоеванинг 22–ноябрь куни вилоят прокуратураси жиноятларни тергов қилиш бўлими бошлиғи Нурмуҳаммад
Сулаймоновга ўзига нисбатан қўлланаётган қийноқ бўйича
К Ў Р Г А З М А С И
Мен 7–октябрь куни ғайриқонуний тарзда хибсга олинган кунимдан буён тинимсиз, яъни узлуксиз тарзда қийноққа солиняпман.
Менга нисбатан қийноқ қўллаётган рахбар ходимларга қонуний чора кўрмагунингизча «очлик» эълон қилишга мажбур бўламан.
Мени қабул қилиб ғайриқонуний ҳатти–харакатлар содир этаётган ходимларга қонуний чора кўрмагунингизча «очлик» эълон қилишга ва қийноқларга чек қўйишни талаб қилишга мажбур бўламан.
10–сонли тергов хибсхонаси бошлиғи А.Узақовга
Нусхаси: Матбуотларга бериш учун адвокатларимга
Махбус Мўътабар Тожибоевадан ТАКРОРИЙ АРИЗА
Мўътабар Тожибоева ҳибсхонада интизомий жавобгарликка тортилди
Фарғона вилоятидаги “Ўтюраклар” клуби раҳбари, инсон ҳуқуқлари ҳимоячиси Мўътабар Тожибоевага ҳам ҳибсхонада ноқонуний муносабатда бўлинаётгани ҳақида хабарлар бор. Унинг адвокати Дилафрўз Нурматованинг сўзларига кўра, М.Тожибоевани интизомий жавобгарликка тортиш ҳақида қарор қабул қилинган. Ҳуқуқ ҳимоячиси ҳибсхона ходимларига қўпол муомалада бўлишда айбланган. “М.Тожибоева бу қарор аввалдан тайёрлангани, ўзига уюштирилаётган навбатдаги туҳматлардан бири эканини айтяпти”, – деди Д.Нурматова.
Садриддин Ашур
22.11.2005
ХДП котиби Исақов Мухаммадалини терговдаги кўргазмаси
(Жиноят ишининг ЖК 216 моддаси — «Ўтюраклар клуби» эпизодига тегишли 12 жилди жиноят иши 208-211 вароқларига тикилган 19 ноябрь 2005 йил кунги тергов сўроқномаси)
Мен Мўтабар Таджибоевани 2000 йил январь ойидан бошлаб танийман. Шунда 1999 йил охирида сайлов бўлган эди. Унда М.Таджибоева ҳам ўзини мустақил номзод қилиб сайловда қатнашди. У бизнинг номзод билан депутатлик ўрнига кураш олиб борди. Лекин у ютқизиб қўйди. Сайлов вақтида кайси партия ҳалол иш кўрса шу партияга аъзо бўламан деб мақсад қилган экан.
Махкумни интизомий жазолаш ҳақида № 14 қарор
Ҳуқуқ ҳимоячисининг тақдири хавф остида
Марғилондаги “Ўтюраклар“ клубининг раҳбари, ҳукуқ ҳимоячиси, 7 октябрдан бери Ўзбекистон ЖКнинг 165-моддаси (товламачилик) бўйича Фарғона қамокхонасида сақланаётган Мўътабар Тожибоеванинг халқаро ташкилотлар ва дипломатик ваколатхоналарга ўзини озод қилишга ёрдам беришларини сўраб ёзган мурожаатномаси бизгача етиб келди.
Маъруф Усмонов раҳбарлигида қийноқ қўлланган баъзи жабрланувчилар рўйхати
М.Тожибоева хибсга олинган пайтида уйидан олиб кетиб, кейинчалик суд хукми билан йўқ қилинган хужжатлар ичидан тергов пайтида 16.11.2005дан 07.12.2005 йилгача № 11 коробкадаги 504 вароқли «Қийноқлар» папкасидан Тожибоева кўчириб олишга улгурган маълумотлар
1. Бувайда тумани Жалоер ҚФЙ 2–Қўрғонча қишлоғида яшовчи Шокир Ориповни 2000 йил 2–июнда Бувайда туман Ички ишлар бўлими Жиноят Қидирув Бўлими бошлиғи Шавкат Одилов қийнаб ўлдирган. Шавкат Одиловни қотил эканлигини исботловчи хужжатлар етарли бўлишига қарамасдан Маъруф Усмонов Фарғона вилоят прокурорининг 1–ўринбосари сифатида бу ишни бости–бости қилган.
Махбус Мўътабар Тожибоева: «Жаноб президент менинг айбим нимада?»
2004 йил 7 сентябр куни Россия хукумати ташаббуси билан мамлакатда ҳалқаро терроризмга қарши митинг ўтказиш режалаштирилганидан хабар топгач, Россия хукумати ва аҳолисини ўтказаётган митингини қўллаб-қувватлаш мақсадида 5 сентябр куни Сизга телеграмма юбориб, «Ўтюраклар» клуби инсон ҳуқуқларини ҳимоя қилиш ташкилоти ташаббуси билан ташкилотимиз фаоллари ва фуқаролар иштирокида «Биз терроризм ва наркобизнесга қаршимиз» шиори остида Олтиариқ тумани марказида 7 сентябр куни пикет ўтказишимиз ҳақида маълум қилдик. 7 сентябр куни ўтказилган пикетда айнан ҳалқаро терроризм ва наркобизнесга қаршилигимиз ҳақидаги ёзувлар ёзилганди.
Лекин бу пикетда қатнашган ташкилотимиз фаоллари ва фуқароларга нисбатан маъмурий иш қўзғатиб, улар суднинг қарори бўйича «Ўзбекистон Республикаси хукумати олиб бораётган сиёсатга қарши бўлган плакатлардаги ёзувларни тарғиб қилганликлари учун” жавобгарликка тортилдилар. Мен хануз билолмайман, бу терроризмга қарши ўтказган ва Россия хукумати билан аҳолисини қўллаб-қувватлаб ташкил қилган пикетимизни нимаси Ўзбекистон Республикаси хукумати олиб бораётган сиёсатга қарши эди. Ўзбекистон Республикаси хукумати терроризмга қарши эмасми?
Тошкент. Матбуотчилар кўчаси 6-уй. Президент Девонига, Президент Ислом Каримовга;
Нусхаси: Адвокатларимга – матбуот учун
Фарғона шаҳридаги 10-сонли тергов хибсхонаси махбуси Мўътабар Тожибоевадан
М У Р О Ж А А Т Н О М А
Жаноб Президент! Терроризмга қарши курашиш Ўзбекистон хукумати сиёсатига зидми?
Мен ўзимга юкланаётган айбларни қанчалар даражада сохта эканлигини фош қилишимга кўмак беришларингизни илтимос қиламан
«Фуқаролик жамияти» ҳалқ харакатига асос солганимдан кейин 20–куни, яъни 15–апрель куни эрталаб соат 9–9.30ларда Тошкентнинг катта кўчасида таксида кетаётган пайтимда Республика миқёсида давлат идоралари амалдорлари томонидан ўғирлаб кетилиб, 4 соатдан ортиқ қийноққа солинганлигимни, жирканч кимсалар томонидан тахқирланганимни, фақатгина кечқурун уларнинг ходимлари томонидан уйимга ташлаб кетилганим сабаби ҳам мана шу Ўзбекистон Республикаси хукумати олиб бораётган сиёсатнинг амалда қўллашга харакат қилганлигим бўлган.
Тошкент. Матбуотчилар кўчаси 6–уй. Президент девонига. Президент Ислом Каримовга;
Нусхаси: Тошкент. Шевченко кўчаси, 6–уй. Бирлашган Миллатлар Ташкилотининг Ўзбекистондаги ваколатхонасига;
Нусхаси: Тошкент. Х.Олимжон кўчаси. Ҳалқаро Европада Ҳамкорлик ва Хавфсизлик ташкилотининг Ўзбекистондаги ваколатхонасига;
