Category Archives: Виртуал сайлов

Ўзбек прокуратураси Улуғбек Бакировни судга берди

UB

Андижон вилояти Жалақудуқ туман прокуратураси журналист Улуғбек Бакировни Ўзбекистон «пропискаси»дан маҳрум қилиш талаби билан судга мурожаат қилди.

Айни дамда Норвегия Қироллигида сиёсий муҳожиратда яшаётган мухолифат фаоли, мустақил журналист Улуғбек Бакировнинг Жалақудуқ тумани Охунбобоев шаҳридаги уйига Фуқаролик ишлари бўйича Хўжаобод туманлараро судининг судьяси О.А.Баракабаев имзо чеккан расмий хат келган.

Виртуал Сайлов Комиссиясининг якуний Ҳисоботи

Виртуал Сайлов Комиссияси (ВСК) 2015 йилнинг 22 январида бир гуруҳ Европа мамлакатларида яшовчи Ўзбекистон фуқаролик жамияти фаоллари ташаббуси билан ташкил этилди.

ВСКнинг таркибига “Ўтюраклар клуби” инсон ҳуқуқларини ҳимоя қилиш Халқаро ташкилотининг раҳбари Мўътабар Тожибоева (ВСК раиси), ЎИҲЖ Президенти Абдужалил Бойматов (ВСК раис ўринбосари), мустақил сиёсатшунос Камолиддин Раббимов (ВСК раис ўринбосари), мухолифат фаоли Муҳаммадсолиҳ Абутов (ВСК мувофиқлаштирувчиси), мустақил журналист Улуғбек Бакиров (матбуот котиби), фаоллар – Акмал Набиев (Умид Муродов) (аъзо) ва Севинч Парфи (котиба)лар кирди.

ВСК ўз олдига қўйган мақсадларига эришди, вазифаларини юксак даражада адо этди:

Тинмай изланишлар, катта зўриқишлар билан куну тун ишлаш натижасида, Виртуал Сайлов Комиссияси ўз олдига қўйган асосий мақсадларига қисқа давр ичида эришди ва ўз вазифаларини юксак даражада шараф ила адо этди.

22-март-кунги-овоз-300x259

Намоз Нормўмин: ВСК ўзбек мухолифлари орасида ўзи ўтказишга уринган сайловнинг ягона ғолиби ҳамдир

Виртуал Сайлов Комиссиясига

1. 2015 йилда мухолифат фаолларининг интернет орқали ўтказишга уринган сайловлари халқимиз тарихида ўзининг муҳим ўрнини олди. Маълумки ВСК ўз ишини ҳукуматнинг ҳакер ҳужумларини натижасида тугата олмади. Шунинг ўзи ҳам ВСК фаолиятининг нақадар муҳим бўлганлигини кўрсатади.

Хуллас, 2015 йилги Ўзбекистон Президентлик сайловларида фаолиятидаги баъзи камчиликларга қарамай ҳақиқат ва халқимиз манфаати йўлида саъйи ҳаракат қилган ягона ташкилот ВСК эди.

Чунки Ўзбекистонда Ислом Каримов ташкил қилган сайловларнинг ноқонуний ва ҳатто комик эканлиги Ўзбекистон ва дунё жамоатчилиги тарафидан эътироф ва баён қилинди. Бошқа сўз билан айтганда ВСК ўзбек мухолифилар орасида ўзи ўтказишга уринган сайловнинг ягона ғолиби ҳамдир. Чин кўнгилдан табриклайман

Улуғбек Ҳайдаров: Мен ҳам ВСК ўз мақсадига эришди деб хисоблайман

Ватанимиз тақдирига бефарқ бўлмаган бир гурух ўзбекларимиз, Каримовдан хам бошқа одамлар президент бўла олиши мумкинлигини, бошқача, эркин сайловлар ўтказиш мумкинлигини исботлашди. Бунинг учун уларга ташаккур.

ВСК тажрибаси илгари бўлмагани учун қатор камчиликлар хам бўлди. Жумладан, кутилган хакерлик хужумларга мутлақо бепарволик… Натижада овоз берувчиларнинг кўпчилиги, кимга ва каерда овоз беришни билмасдан бошлари қотди.

Мирраҳмат Мўминов: Виртуал Сайлов Комиссиясига эслатма!!!

Виртуал номзод сифатида Мен Миррахмат Мўминов ВСКдан сайлов натижаларини бекор қилишингизни сўрайман.

Бунга сабаб сайлов бир қатор кийинчиликлар сабаб ва мантиқан охиригача етмай муддатидан илгари тугади.

Бу эса ўз навбатида бошқа номзодларга ўз номзодлари учун овоз йиғишга тўсиқ бўлиб хизмат қилди. Демократик сайлов қоидалари асосида сайлов комиссияси ўз ишини нихоясига етказмас экан, бу сайловлар бекор қилинади!

Салоҳиддин Усмонов: Виртуал президент сайлови ўзининг энг катта ва асосий мақсадига эришди!

Бутун дунёга Каримов режими ва 29 мартда бўлиб ўтган «қўғирчоқ сайлов шоу»дан ташкари, ҳақиқий альтернатив сайлов бўлиши мумкинлиги, Каримов ва унинг қўғирчоқларидан ташқари, Ўзбекистон Президентлигига номзод, бошка муносиб номзодлар ҳам, юртимизда борлигини кўрсатди ва тасдиқлади!

Бу Ўзбекистонда альтернатива борлигини исбот қилди. Овоз бериш масаласига келсак, ҳақиқатда оҳиригача етказила олмади. Буни хақиқатдан ҳам тан олишимиз керак!

Озодлик тингловчиси: Muholifat chorak asr davomida vatan ichiga qo’yilmayotgan bolsa vatan tashqarisida uyushgan holda ishlashi kerak emasmi?

Муаллиф: Abdulloh қаердан: Rossiya
30.03.2015 03:45

Mening asosiy maqsadim M.Tojiboyeva bilan o’zimni qiynayotgan chet ellardagi asosan Rossiyadagi eski «dangasa» va yangi «syvarak» mehnat muhojirlari to’g’risida fikrlashishdan iborat.

Shu vaqtgacha biror muholif amalga oshirolmagan ishni M.Tojiboyeva virtual saylov orqali amalga oshirdi deb bilganim va bu virtual bo’lsada juda yahshi g’oya ekanligini kuzatib borib barcha muholifatni birlastirish bugungi kun talabi ekanligi, ularning asosiy maqsadlari o’zbekistonni ozod va demokiratik davlayga aylantirish fuqarolar erkinligi va farovonligini ta’minlash bo’lsa avvalo millionlab mehnat muhojirlarini huquqlarini himoya qilish yo’llarini qidirish, ularni huquqiy tomondan qo’llash orqali bir maqsad yo’lida birlashtirish maqsadga muvofiq bo’lardi.

ВСК Хабарномаси: “Сайлов – 2015” нинг якуний, сўнгги натижаси

ВСКнинг 30.03.2015 й.даги қарорига кўра, 22 мартда ВСКнинг сайловчилар овоз бериши учун мўлжалланган махсус Ҳисоблагич дастурига хакерлик ҳужуми бўлганлиги ва шундан кейин ўтган давр ичида мазкур Ҳисоблагич қайта тикланмаганлиги сабабли, ВСК 22 мартдаги сайлов натижасини Ўзбекистон Республикаси Президентлик виртуал сайловининг сўнгги, якуний натижаси сифатида қабул қилди.

8888

Мамлакатдаги Президентлик сайловига доир ва Ўзбекистон ФЖнинг «Муқобил Ўзбекистон» Мувофиқлаштириш Кенгашини тузиш ҳақидаги Баёнот

Ўзбекистон Фуқаролик Жамияти «Муқобил Ўзбекистон» Мувофиқлаштириш Кенгаши
Б А Ё Н О Т И

Бугун, 2015 йил 29 март, Ўзбекистон Республикасида Президентлик сайлови ўтказилаётган кунда, Ўзбекистон Фуқаролик жамиятининг “Муқобил Ўзбекистон” Мувофиқлаштириш Кенгашини ташкил этилгани ва фаолият бошлаганини эълон қиламиз.

Мувофиқлаштириш Кенгашининг ташаббускорлари ва аъзолари Ўзбекистонлик таниқли фуқаролик жамияти фаоллари, ҳуқуқ ҳимоячилари, мустақил журналистлар, сиёсий демократик мухолифат вакиллари, мустақил диний фаоллар, қийноқлар ва сиёсий қатағон қурбонлари ҳамда Ўзбекистондаги инсон ҳуқуқлари билан боғлиқ вазиятга бефарқ бўлмаган хорижликлардир.

Xorijdagi faollar “Muqobil O’zbekiston” nomli kengash tuzdi

Huquq himoyachilari, muxolif siyosiy partiyalar, o’zbek faollarini o’z safida jamlayotgan bu tashkilot O’zbekistonda qonun ustuvorligi uchun kurashmoqchi