Iyun 2013 ойлик архив
Хайрулло Турсунов ўн икки йилга қамалди
13 март куни Олмаотадан Тошкентга экстрадиция қилинган яна бир ўзбек қочқини Хайрулло Турсунов узоқ муддатга озодликдан маҳрум қилинди
Жорий йилнинг июнь ойи бошида 38 ёшли Хайрулло Турсунов диний-экстремистик фаолиятда айбланиб, ўн икки йилга озодликдан маҳрум қилинди. Бу ҳақда “Жараён”га Турсуновнинг Ўзбекистон хорижида яшаётган қариндошлари маълум қилишди.
Тўлеқан Исмоилова Бишкекка қайтиб келди
25 июнь, сешанба куни Қирғизистондаги “Бир дунё – Қирғизистон” нодавлат ташкилоти раҳбари Тўлеқан Исмоилова Бишкекка қайтиб келди.
26 июнь куни Бишкекда бўлиб ўтган матбуот анжуманида ҳуқуқ фаоли Тўлеқан Исмоилова журналистларга ўзининг Тошкент аэропортида тутиб қолингани сабаблари ҳақида гапириб берди.
Толиб Ёқубов: Ўзбекистонда қийноқлар феномени
26 июнда бутун прогрессив инсоният“Қийноқлар қурбонларини қўллаб-қувватлаш халқаро куни”ни нишонлайди.
Бу кун Ўзбекистонда нишонланмайди, чунки мамлакатнинг ҳар бир куни қийноқларга тўлиб-тошган.
2008 йилнинг 12 декабрида «Project Syndicate» (АҚШ) ўзининг “Қийноқлар Каримов режимининг ички сиёсатдаги ажралмас қисмидир” номли мақоласида қуйидагиларни ёзган эди:
“Президент Ислом Каримов режими Ўзбекистонда 19 йил давомида яшаётганида мустабидлик ва қийноқлар катта роль ўйнади – ҳеч қандай жиноят содир этмаган одамлардан иқрорлик олиш, сиёсий мухолифининг руҳини синдириш ҳамда уларга қўшилишни ўйлаётганларнинг ҳар бирини қўрқитиш учун милиция булардан кенг фойдаланиб келди”. (Парча тугади).
ББС: «Тошкент аэропортида мени озиқ-овқатсиз, бадбўй хонага қамаб қўйишди»
Тулекан Исмоилова Қирғизистондаги энг фаол инсон ҳуқуқлари ҳимоячиларидан биридир
Қирғизистонлик таниқли инсон ҳақлари фаоли Тулекан Исмоилова 24 июнда Тошкентга сафар қилаётганида аэропортда тўхтатилиб, бир кеча қулф остида сақланган.
У француз адлия тизими мутахассислари билан Ўзбекистондаги ўсмир жиноятчилар ва қонун мавзусини тадқиқ қилиш учун Тошкентга келаётганди. Тошкент аэропортида ушлаб турилиши ортидан у Қозоғистонга чиқариб юборилган.
Исмоилова хоним 2005 йилги Андижон воқеалари ортидан Қирғизистон жанубидаги қочқинлар билан учрашиб, «Ўққа тутилган одамлар» мубоҳасали ҳужжатли фильмини олган.
Ўзбекистонда қийноқ қурбонига айланаётган мусулмонлар сони кўпаймоқда
Мустақиллик йилларида Ўзбекистонда нафақат режим танқидчилари ва Ислом Каримовга мухолиф бўлган кучлар, балки минглаб тинч мусулмонлар ҳам ноқонуний ҳибс этилди, калтакланди, қийноққа тутилди, адолатсиз судловларга дучор қилинди.
Мамлакатда кўплаб муслим ва муслималар фаолияти таъқиқланган диний ташкилотларга гўё аъзоликда айбланиб, узоқ йилларга озодликдан маҳрум қилиндилар. Айни пайтда маҳаллий ва халқаро инсон ҳуқуқларини ҳимоя қилиш ташкилотлари шу кунгача ўзбек расмийлари диндорларга қарши очилган жиноий ишларни сохталаштирганлари ҳақида бонг уриб келадилар.
Чироқчида яна бир фуқаро қийноқ қурбони бўлди
Қашқадарё вилоятининг Яккабоғ тумани Чордара қишлоғида яшовчи 32 ёшли Ҳусниддин Оққўзиев Чироқчи тумани Ички ишлар бўлими ходимлари томонидан қўлланилган ваҳшиёна қийноқ қурбонига айланди.
Тўлеқан Исмаилова Тошкентдан Олмаотага учиб кетишга муваффақ бўлди
Тошкент аэропортида тутиб қолинган Қирғизистондаги “Бир дунё – Қирғизистон” нодавлат ташкилоти раҳбари, таниқли ҳуқуқ фаоли Тўлеқан Исмоилова Тошкентдан Олмаотага учиб кетишга муваффақ бўлди.
Тўлеқан Исмоилованинг қизи Лира Исмоилованинг “Жараён” мухбирига маълум қилишича, 25 июнь куни ҳуқуқ фаолининг яқинлари унга Тошкентдан Олмаотага учиб кетиши учун электрон чипта сотиб олган.
Ўзбек расмийлари Тўлеқан Исмоиловани Тошкентга киритмадилар
Ўзбек чегарачилари таниқли қирғизистонлик ҳуқуқ фаоли Тўлеқан Исмоиловани Ўзбекистонга киритмадилар.
Қирғизистондаги “Фуқаролар коррупцияга қарши” («Граждане против коррупции») нодавлат ташкилотининг раҳбари Тўлеқан Исмоилова Тошкент аэропортида қўлга олингани ҳақидаги хабарни 25 июнь куни “Фарғона” ахборот агентлиги тарқатди.
Каримовнинг баёноти ўзбек муҳожирлари вазиятида салбий акс этиши мумкин
21 июнь куни ўзининг Жиззах вилоятига сафари чоғида Ислом Каримов Россияда ишлаётган ўзбекистонлик меҳнат муҳожирларини “дангасалар” деб атади, уларнинг меҳнат муҳожирлигида юришини эса ўзбек халқи учун жирканч ва шармандали ҳол эканини айтди.
Каримов “Ўзбекистоннинг ўзида ҳеч ким очликдан ўлаётгани йўқ”лигини билдириб, тирикчилик илинжида Россияга кетганлар “тезроқ катта пул топишни истаган дангасалар” эканини қўшимча қилди.
“Ўтюраклар клуби” инсон ҳуқуқларини ҳимоя қилиш халқаро ташкилоти Ислом Каримовнинг бу сўзлари Ўзбекистондаги сиёсий режим табиатини жуда яхши очиб беради, деб ҳисоблайди: унда расмийларнинг халқ иродаси ва эҳтиёжларига мутлақо қарам эмаслиги, жамиятнинг энг ҳимоясиз қатлами ва фуқароларига нисбатан тариқча ачиниш йўқлиги яққол кўринади.
“Бирдамлик” лидерининг отаси ҳибсда сақланмоқда
Ўзбекистонлик мухолифатчи, “Бирдамлик” ҳаракатининг лидери Баҳодир Чориевнинг отаси Ҳасан Чориев номусга тажовузда айбланмоқда.
Бу ҳақида Ўзбекистон ҳуқуқ ҳимоячилари альянси вакили Шуҳрат Рустамов “Жараён”га маълум қилди.
