Dekabr 2013 ойлик архив

Ҳуқуқ фаоли Бобомурод Раззоқов устидан ҳукм ўзгаришсиз қолдирилди

27 декабрь куни Жиноят ишлари бўйича Бухоро вилоят судининг кассация судлов ҳайъати Ўзбекистон инсон ҳуқуқлари “Эзгулик” жамияти Бухоро вилоят бўлими раиси Бобомурод Раззоқовнинг ишини назорат тартибида кўриб чиқди ва ҳукмни ўзгаришсиз қолдирди.

Бу ҳақда “Жараён”га “Эзгулик” вакили Абдураҳмон Ташанов маълум қилди.

Зубайд Мирзораҳимовнинг яқинлари унинг Ўзбекистонда авф этилишига умид қилмоқдалар

Шу йилнинг сентябрь ойида Ўзбекистон чегарасида божхоначилар мобил телефонида Қуръон оятлари бўлган Тожикистон фуқароси Зубайд Мирзораҳимовни қўлга олганлар.

Тожикистонлик Зубайд Мирзораҳимовнинг яқинлари унинг Ўзбекистонда тез орада амнистия қилишига умид қилмоқдалар, дея хабар қилди қароргоҳи Ослода бўлган «Форум-18» ташкилотининг ахборот хизмати шу кунларда.

Мўътабар Тожибоева: Гулнора ўз хатоларини тушуниб етган

Францияда яшаётган таниқли ҳуқуқ фаоли Мўътабар Тожибоева Гулнора Каримованинг Твиттерда эълон қилган мактуби ўзи учун «ёқимли» бўлганини айтди.

Унга кўра, мактуб Гулнора Каримова «ўз хатоларини тушуниб етгани ва Ўзбекистондаги фуқаро жамияти юз тутган муаммоларни тан олаётгани»ни англатади.

«Отаси бошқараётган тузум мени ашаддий душман, деб турган пайтда Гулноранинг бу эътирофини ижобий баҳолайман», – деб айтди Тожибоева хоним Би-би-си билан суҳбатда.

Янис Галанос озодликка чиқди

Қирқ кундан ошиқроқ вақт ичида Ўзбекистон Ички ишлар вазирлигининг Реабилитация марказида тутиб турилган Греция фуқароси Янис Галанос ниҳоят озод бўлди.

Ўзбекистон Ички ишлар вазирлиги матбуот хизматининг маълум қилишича, Галанос Италиянинг Тошкентдаги элчихонаси томонидан Грецияга қайтиш учун берилган сертификат асосида 24 декабрь куни соат 12.10 да «Тошкент-Истанбул-Афина» рейси билан Грецияга депортация қилинган.

ББС: Сафар Бекжон Гулнора Каримованинг Швецариядаги уйини «ишғол қилди»

Швейцарияда истиқомат қилаётган сиёсий фаол Сафар Бекжон Гулнора Каримованинг Женевадаги уйига кириб олган.

Сафар Бекжон бир неча миллион долларлик деб ишониладиган виллани «ишғол қилиш» қарорини шундай изоҳлайди:

«23 декабр куни биз Гулнора Каримовага оид бўлган ва устидан жиноий иш очилган виллага кирдик. Вақтинча ишғол қилдик бу виллани. Чунки, Гулнора Каримова терговга келмаяпти, бу уйнинг қонуний эканлигини исбот қилиб беролмаяпти, бу ердаги пулларнинг тўғри-нотўғрилигини исботлаб беролмаяпти, келсин, биз учун ҳам, Швецария учун ҳам келсин.

Янис Галаноснинг яқинлари Мўътабар Тожибоевадан ёрдам сўради

Қирқ кундан буён ҳибсда сақланаётган ва ўзбек махсус хизматлари томонидан қийноққа тутилгани тахмин этилаётган Греция фуқароси Янис Галаноснинг оиласи уни муҳофаза қилишни сўраб, Ўтюраклар клуби инсон ҳуқуқларини ҳимоя қилиш халқаро ташкилоти раҳбари Мўътабар Тожибоевага мурожаат қилди.

Мўътабар Тожибоева: Бахтли ҳаёт кечириш ҳуқуқи

Инсон ҳуқуқлари умумжаҳон декларациясида барча одамлар ўз қадр-қиммати ва ҳуқуқларида эркин ва тенг бўлиб туғилишлари ҳамда ҳар бир инсон ирқи, тана ранги, миллий мансубиятидан қатъий назар Декларацияда эълон қилинган барча ҳуқуқ ва эркинликка эга бўлиши зарурлиги қайд этилган.

Учинчи дунё мамлакатларидаги ноқулай сиёсий ва иқтисодий вазият, локал урушлар, экологик ва техноген офатлар одамларни гуруҳ-гуруҳ бўлиб бир минтақадан бошқа бир минтақага кўчишларига асосий сабаб бўлиб ҳисобланади.

18 декабрь – Халқаро мигрантлар куни

Ҳурматли муштарий!

Ҳар йили 18 декабрь куни бутун дунёда мигрантлар куни сифатида нишонланади. Шу муносабат билан бу куни сайтимизда мигрантлар ҳуқуқларининг бузилишига оид қатор материаллар чоп қилинади.

“Жараён” таҳририяти

Бишкекда бедарак йўқолган ўзбек қочқини 8 йилга кесилди (янгиланди)

Жорий йилнинг февралида Қирғизистон пойтахтида бедарак йўқолган ўзбек қочқини Андижон суди томонидан саккиз йилга қамагани маълум бўлди.

“Жараён” мухбири билан 17 декабрь куни телефон орқали суҳбатлашган ўзбек қочқини Шуҳрат Мусиннинг турмуш ўртоғи Барно Мусинанинг айтишича, турмуш ўртоғи устидан суд маҳкамаси жорий йилнинг ноябрь ойида Андижон шаҳрида бўлиб ўтган.

ББС: Мўътабар Тожибоева турк рўзномасидан раддия талаб қилмоқда

Парижда яшаётган инсон ҳақлари фаоли Мўътабар Тожибоева Гулнора Каримова билан суҳбат чоп этган «Ҳуррият» рўзномасини ўзига қарши бўҳтон тарқатишда айблаган.

Тожибоева хонимнинг Hurriyet daily news Бош муҳаррири Мурат Йеткинга йўллаган мактубида ёзишича, шу йилнинг 8 декабр куни Ўзбекистон Президентининг тўнғич қизи Гулнора Каримова билан чоп этилган интервю ўзининг «шаъни ва қадр-қимматига доғ туширувчи ёлғон маълумотларни» ўз ичига олган.

Ўзбекистонлик фаол рўзномадан раддия бериш ва кечирим сўрашни талаб қилмоқда. Акс ҳолда у «Ҳуррият» га қарши маҳкама даъвоси очиш билан таҳдид қилган.