Category Archives: ТЕРРОРИЗМ ТАРҒИБОТИ
Дадахон Ҳасан: Таржимаи ҳолим маним (1-2 қисм)
Туғилганим тўғрисидаги гувоҳномада ёзилишича, мен 1940 йилнинг 15 март кунида Фарғона вилояти Олтиариқ туманидаги Араптеппа қишлоғида туғилган эканман. Орадан ўн тўрт ой ўтгач, Иккинчи Жаҳон уруши бошланган экан. Дадам Шокиржон Ҳасановнинг ёши 38 да эканига қарамасдан 1942 йил май ойида урушга олиб кетилганлар,
Дадам 1943 йил 15 март куни Руссиянинг Великий Новгород вилоятидаги Залучи районига қарашли Шотова қишлоғида немис босқинчиларига қарши бўлган жангларда халок бўлган эканлар. Онамдан «Дадам қани?» деб сўраганимда, онам менга «Дадангни урушга Райком Шодиев жўнатиб юборган» деб жавоб берган эдилар. Ўша-ўша Райком Шодиевнинг виллис машинаси кўчамиздан ўтганида машинага қарата тош отадиган бўлганман.
Мўътабар Тожибоева: «Усмон Ҳақназаров»нинг «узоқ умр кўриши»да ББС ва Озодлик радиоларидаги ЭРКчиларнинг улкан ҳиссалари!
Бугун, 7 май куни Бобомурод Абдуллаев, Хаёт Насриддинов, Равшан Салаев ва Шавкат Оллоёровлар тақдири суд хукми билан ҳал этилади. Мен умид қиламанки бугун Бобомурод Абдуллаев ҳам амнистия акти қўлланилиб, қолаверса Бобомурод Абдуллаевнинг қамоққа олиниши ортидан икки фронтга ажралган Ўзбекистон фуқаролик жамияти вакилларининг матбуотлардаги чиқишларига, Салай Мадаминов гуруҳига қарши бўлганлар томонидан интернет нашрларида чоп қилинган материалларга ҳуқуқий бахо беради деб умид қиламиз.
Қолаверса 13 декабрь куни Парижда бўлиб ўтган «СИЁСИЙ ҚАТАҒОН ВА БОШПАНА» дея аталган анжумандан бир кун аввал, яъни 2017 йилнинг 12 декабрь кунги Бобомурод Абдуллаевнинг онаси Гавхар опани Шавкат Мирзиёев номига қилган видеомурожаатидаги илтижоларини Мирзиёев тинглашини ва Бобомурод тақдирига эътибор қаратишини сўраб, бир неча ўнлаб таниқли инсонлар имзо чекиб, Ўзбекистон Республикаси Президенти девонига жўнатилган Мурожаатномаларни инобатга олинади деб ишонамиз.
Салай Мадамин – Усмон Ҳақназарнинг яна бир қурбони Қувондиқ Ёқубов ишини Шавкат Мирзиёев ўз назоратига олиши даркор!
Салай Мадамин – «Усмон Ҳақназаров» қурбонларидан бири, собиқ МХХ ходими Қувондиқ Ёқубовни 23 ноябрь куни қонунга зид равишда олиб кетганлар.
Уни 22 декабрь кунигача ҳеч қандай қонуний асосларсиз, ҳужжатларсиз 22 декабрь кунигача, яъни бир давомида руҳий касалликлар шифохонасида сақланган.
Қувондиқдан уни Усмон Ҳақназаров, яъни Бобомурод Абдуллаев билан Тошкент марказидаги савдо маркази олдида учрашганлиги ҳақида, Бобомуродга мааълумот бериш учун ўзи алоқага чиқишини айтиб, ёзиб беришини талаб қилганлар.
Бизга ҳар қанча таҳдидлар қилмасинлар диктатурага, коррупцияга ва терроризмга қарши курашимизни кучайтираверамиз!
Сир эмаски инсон ҳуқуқларининг оммавий бузилишига сабаб бўлгувчи 3 та энг мухим иллат бор.
Булар
1. Диктатура
2. Терроризм
3. Коррупция
Мен асос солган ва рахбарлик қиладиган “Ўтюраклар Клуби” инсон ҳуқуқларини ҳимоя қилиш халқаро ташкилотининг асосий вазифа ва мақсадлари орасидаги энг муҳимлари бу – диктатура режимига, терроризмга ва коррупция жиноятига қарши курашишдир.
Бутун инсоният тинчини, ҳаловатини бузаётган мана шу учта иллат ортидан инсон ҳуқуқларининг оммавий бузилишига олиб келаётгани сабабидан ҳам биз бу иллатларга қарши кескин курашимизни бирор дақиқа бўлсин, камайтирмаймиз.
Махкамага тайёргарлик ишларида Лола Каримова билан судлашган француз журналисти Августин Скалберт ҳам фаол қатнашмоқда
Бугун Парижда “Ўтюраклар клуби” Инсон ҳуқуқларини ҳимоя қилиш халқаро ташкилоти рахбари Мўътабар Тожибоева, мустақил сиёсатшунос ва “Ўтюраклар клуби” Инсон ҳуқуқларини ҳимоя қилиш ташкилотининг таъсисчиси Камолиддин Раббимов, ташкилотнинг консультанти, Чегара билмас мухбирлар ташкилотининг вакили Йоган Бихх, 2011 йилда Лола Каримова билан Париж махкамасида судлашиб ғолиб бўлган “RUE89» нашри журналисти Августин Скалберт ва Парижлик адвокат Сабрина Смирновалар учрашдилар.
Мўътабар Тожибоева: Қамоқдан кейинги 2008 – 2009 йиллардаги ҳаётимга тахдидлар, тайзиқлар, тухматлар, бўҳтонлар ва босимлар!
Мен Мўътабар Тожибоева қамоққача бўлган ҳаётимга алоқадор маълумотлар, архив материалларини шахсий блогимда http://mutabar.org/ чоп қилмоқдаман. Қамоқдалик пайтимдаги бошимдан кечирган кўргуликларни «Қийноқлар ороли асираси» номли асаримда баён қилганман.
Лекин қамоқдан кейинги ҳаётим ҳам сокин ва халоватли чекмаганлиги сабабидан барча бўлиб ўтган воқеалар – ходисалар ҳақида жамоатчиликни хабардор қилишга қарор қилдим. Чунки кимларнидир аяш ва уларни фош қилишдан ўзимни тийишга қилган харакатларим ўша кимсаларни бошимга чиқиб, устимдан мағзава ағдаришларига сабаб бўлмоқда.
Демак қамоқдан кейинги ҳаётим билан боғлиқ муаммолар ҳақида сиз азиз мухлисларга хавола қиламан:
Мўътабар Тожибоева: Биз терроризмга қарши норозилик тадбири ўтказамиз!
Т Е Л Е Г Р А М М А
Тошкент. Матбуотчилар кўчаси 6-уй. Президент девонига.
Президент Ислом Каримовга
Жаноб Президент!
«Ўтюраклар» Клубининг Фарғона вилояти Олтиариқ туманидаги фаоллари 7-сентябрь куни кундуз соат 14-да Олтиариқ туман жиноят ишлари суди биноси рўпарасида «Биз терроризмга қаршимиз» номли норозилик тадбири ўтказишга қарор қилганлигимизни Сизга маълум қилишни лозим топдик.
Ушбу норозилик тадбирида терроризмнинг молиявий таъминотчиси наркобизнесга, наркобизнесни кучайтираётган фохишабозликка, фохишабозликни кучайтираётган Олтиариқ ИИБнинг соядаги рахбари наркобарон Амин Юсуфжоновни, давлат чегара постини қонунга хилоф равишда бузиб ўтиб, қўшни мамлакатлардан наркотик моддаларни олиб келиб, Хамза шаҳарчасида рўйхатда турмай яшаётган фохишалар орқали сотиш бўйича масъул милиция капитани Абдубанноп Давроновни, фохишалар ва наркобаронларнинг ҳомийси Олтиариқ туман жиноят ишлари суди раиси Тожиддин Вахобовни ва Олтиариқлик наркобаронлар ва фохишаларннинг ҳомийлари вилоят судининг судьяси Самин Исмоилов, вилоят прокурори ўринбосари Азизхон Хакимовларнинг истеъфога чиқарилишини, уларга нисбатан жиноят иши қўзғашни талаб қиламиз.
Мўътабар Тожибоева: Биз терроризмга қаршимиз!
ТЕЛЕГРАММА
Фарғона. Навоий кўчаси 15 уй. Фарғона вилоят хокимиятига.
Фарғона вилоят хокими Олий Мажлис Депутати Алишер Отабоевга
Биз “Ўтюраклар” Клуби номли Инсон ҳуқуқларини ҳимоя қилиш ташкилоти томонидан жойларда “Терроризм ҳавфидан огоҳ бўлинг!” рукни остида митинглар, йиғилишлар ўтказишимизга рухсат беришингизни талаб қиламиз.
Мухтарам жаноб!
30 июль куни Тошкентда – Республика бош прокуратураси биносида, АҚШ ва Исроил давлатлари элчихоналари биноси рўпарасида содир этилган портлашлар Ўзбекистон Республикаси фуқаролари ўртасида тарғибот-ташвиқот ишларини етарли даражада олиб борилмаётганидан далолат беради.
Шуни эътиборга олиб, 31 июль куни “Ўтюраклар” Клуби “Биз терроризмга қаршимиз!” номли баёнот эълон қилдик.
Мўътабар Тожибоева: Биз терроризмга қаршимиз!
Т Е Л Е Г Р А М М А
Тошкент. Матбуотчилар кўчаси 6 уй. Президент девонига
Президент Ислом Каримовга
Яна Ўзбекистонда қўпорувчилик харакати содир этилди. Яна қурбонлар берилди. Ачинарлиси ўзбек ҳалки секин аста портлашларга, қурбонликлар беришга кўникиб бормоқда.
Охирги портлашлар аввалгиларидан кескин фарқ қилиб, Республика бош прокуратураси биноси ичида, Америка Қўшма Штатлари ва Исроил давлатининг Ўзбекистондаги ваколатхоналари бинолари ёнида содир этилди.
