Category Archives: JARAYON.COM АРХИВИ
Ўзбек расмийлари журналист Юсуф Рўзимуродовнинг қамоқ муддатини яна узайтирдилар
Ўзбек расмийлари журналист Юсуф Рўзимуродовнинг қамоқ муддатини яна уч йилга узайтирдилар. Бу ҳақда “Жараён”га мухолифат фаоли Дилором Исҳоқова маълум қилди.
Унинг айтишича, 54 яшар журналист Юсуф Рўзимуродов шу йилнинг май ойида озодликка чиқиши керак бўлган, аммо унинг қамоқ муддати тугашига оз қолганда Тошкент вилоятининг Товоқсой туманидаги УЯ 64/3-сонли колония маъмурияти Рўзимуродовга “қамоқхона ички тартиб-қоидаларини бузганлик” айбини қўйиб, унинг қамоқ муддатини яна уч йилга узайтириб берган.
Тожикистоннинг Россиядаги дипломатик идораси ҳамюртларга яхши муносабатда бўлмаяпти
Жорий йилнинг июль ойида мен илк бор Тожикистон Республикасининг Россиядаги консуллигига – хорижий паспортимни уч йилга чўздириш учун бориш “бахтига” муяссар бўлдим.
Аммо бошдан кечирганим воқеани бошлашдан аввал муштарийларга айрим атамаларни тушунтириб ўтишни лозим топдим. Консулликнинг элчихонадан қандай фарқи бор? “
“Эзгулик” фаоли Бобомурод Раззоқов манзил колонияга чиқарилмади
Тошкент вилоятининг Товоқсой посёлкасидаги 64/3-сонли зонада жазо муддатини ўтаётган Ўзбекистон инсон ҳуқуқлари “Эзгулик” жамияти Бухоро вилояти бўлими раиси Бобомурод Раззоқов Ўзбекистон Республикаси Жиноят Ижроия Кодекси ва Амнистия тўғрисидаги Сенат қарори талабларига мувофиқ, шу йилнинг 12 июлида манзил колонияга чиқарилиши лозим эди.
Абдулазиз Маҳмудов: Бухоро амирининг халафлари + (видео)
Айтинг-чи, нима учун ўзбек мухолифатида, дейлик, Қирғизистон, Қозоғистон ёки Туркманистондан фарқли ўлароқ, режим томонидан инжитилган собиқ ҳукумат амалдорларининг роли ҳаминқадар?
Бу сатрларни ёзарканман, Муборак шаҳрининг собиқ ҳокими Мурод Жўраев, нефть базасининг собиқ директори Самандар Қўқонов, банкир Рустам Усмонов, собиқ вице-президент, марҳум Шукрулло Мирсаидовларнинг фожиали тақдирини эсладим.
Нидерландия: Қозоқ мусулмон қочқинлари депоратацияси суд қарори билан тўхтатилди
Қозоғистонлик қочқинлар 2014 йилнинг 24 июль куни Нидерландиянинг Мидделбург шаҳар судида, кичик бўлса-да, муҳим ғалабани қўлга киритдилар. Мазкур маҳкамада уларнинг ватанларига депортация қилиш масаласи кўриб чиқилганди.
Қозоғистонлик қочқинлардан бўлган Шакиевлар оиласи (уч фарзанди билан) ва уларнинг бир қариндоши Шакиев Н. 2012 йилнинг май ойида Ҳолландия пойтахти Амстердам шаҳри аэропортида сиёсий бошпана сўраганди.
Россия миграция органлари икки яшар гўдакни онасидан айириб қўйди
Ўзбекистон инсон ҳуқуқлари “Эзгулик” жамиятининг маълум қилишича, Россия миграция идоралари мамлакатдан 38 яшар андижонлик Хилола Камаловани депортация қилишган, мамлакатда эса ёш онанинг икки яшар гўдаги қолиб кетган.
Жорий йилнинг 22 июль куни эълон қилинган “Эзгулик” жамияти матбуот варақчасида келтирилишича, 38 яшар андижонлик Хилола Камалова шу йилнинг 25 июнь куни Россиядан Ўзбекистонга депортация қилинган.
Amnesty International Мурод Жўраев соғлиғи юзасидан хавотир билдирди
Amnesty International инсон ҳуқуқларини ҳимоя қилиш халқаро ташкилоти Ўзбекистонда сиёсий сабаблар туфайли қамалган мамлакат парламентининг собиқ депутати Мурод Жўраев соғлиғи юзасидан хавотир билдирди.
Amnesty International халқаро ташкилотининг 21 июль куни эълон қилинган баёнотида сиёсий маҳбус Мурод Жўраевнинг соғлиғи борасида хавотир билдирилган.
Қирғизистонда яна бир мусулмон қочқин Ўзбекистонга экстрадиция қилиниш хавфи остида қолмоқда
“Мемориал” инсон ҳуқуқларини ҳимоя қилиш марказининг маълум қилишича, Ўзбекистонда “исломий экстремизм”да айбланиб, қидирувга берилган қочқин Аблахат Итохунов 7 ойдан буён Бишкекдаги тергов изоляторида тақдири ҳал бўлишини кутиб яшамоқда.
Москвада жойлашган “Мемориал” инсон ҳуқуқларини ҳимоя қилиш маркази вакилларига кўра, Россия фуқароси бўлган 42 ёшли Аблахат Итохунов Қирғизистон Давлат миллий хавфсизлик хизмати ходимлари томонидан 2013 йилнинг 28 ноябрь куни Қораболта шаҳрида қидирувга берилган шахс сифатида қўлга олинган. Шундан бери ҳибсда сақланаётган Итохуновнинг ҳибс муддати бир неча бор узайтирилган.
Эълон: «Жараён таҳририяти ёзги таътилга чиқмоқда
Хурматли Муштарий!
9 июлдан эътиборан “Жараён” таҳририяти ёзги таътилга чиқмоқда – навбатдаги мақола сайтимизда 21 июль куни чоп қилинади.
Бу вақт давомида бизни таътилни бекор қилиб, ишни муддатидан аввал бошлашга мажбур қиладиган ҳеч қандай муҳим воқеа содир бўлмаслигига умид қиламиз.
Ҳурмат билан, “Жараён” таҳририяти
Яна бир ўзбек қочқини Россиядан экстрадиция қилиниш хавфи остида қолмоқда
Самарада ҳибсда ушлаб турилган ўзбек қочқини Баҳодир Каримов очлик эълон қилди ва ЕХҲТга аъзо мамлакатлардан уни Россиядан Ўзбекистонга бадарға қилинишининг олди олинишида кўмак беришни сўради.
Жорий йилнинг 10 июнь куни Самара шаҳар ҳуқуқ-тартибот идоралари ходимлари томонидан ҳибсга олинган асли Фарғона вилоятининг Олтиариқ туманидан бўлган 31 ёшли Баҳодир Каримов 3 июль куни Вена шаҳрида бўлиб ўтаётган фикр эркинлиги мавзусига бағишланган ЕХҲТ анжумани иштирокчиларига мурожаат қилиб, Ўзбекистонга экстрадиция қилинишининг олдини олишда кўмак кўрсатишларини илтимос қилди.
