Category Archives: JARAYON.COM АРХИВИ
Мўътабар Тожибоева Венада норозилик намойиши ўтказмоқда
4 июль куни Австриянинг Вена шаҳрида “Ўтюраклар клуби” инсон ҳуқуқларини ҳимоя қилиш халқаро ташкилоти томонидан уюштирилган Ўзбекистондаги қийноқ ва сиёсий қатағон қурбонларига бағишланмиш норозилик намойиши бўлиб ўтади.
“Ким айбдор?! Навбатдагиси ким?!” дея номланган мазкур акция фикр эркинлиги мавзусига бағишланган ЕХҲТ анжумани доирасида бўлиб ўтади.
Мирсобир Ҳамидқориев Тоштурмага ўтказилди
Жорий йилнинг 9 июнь куни Москва шаҳри марказида ўғирлаб кетилган ўзбек қочқини Мирсобир Ҳамидқориев, яқинларининг “Жараён”га маълум қилишларича, ҳозирда Тоштурмада сақланмоқда.
Куни кеча “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева билан телефон орқали боғланган ўзбек қочқини Мирсобир Ҳамидқориевнинг рафиқаси Элеонора Исаева ҳозирда эрининг Тоштурма тергов изоляторида сақланаётганини маълум қилди.
Қирғиз расмийлари Васила Иноятовани миллий низони қўзғашда айблаб, унга мамлакатдан чиқиб кетишига тўсқинлик қилдилар
Бу ҳақда “Жараён”га Ўзбекистон инсон ҳуқуқлари “Эзгулик” жамияти раҳбари Васила Иноятованинг ўзи маълум қилди.
Эслатиб ўтсак,Ўзбекистон инсон ҳуқуқлари “Эзгулик” жамияти раҳбари Васила Иноятова Қирғизистондаги ҳамкасблари билан учрашиб, сўнг Европа мамлакатларидан бирига учиб кетиш учун Бишкекка 29 июнь куни тунда учиб келганди.
Қирғиз расмийлари ўзбек ҳуқуқ фаоли Васила Иноятовани Бишкекка киритмадилар
Бу ҳақда “Жараён”га “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева хабар қилди.
Ўзбекистон инсон ҳуқуқлари “Эзгулик” жамияти раисаси Васила Иноятова Қирғизистон пойтахти Бишкек шаҳрига 30 июнга ўтар кечаси учиб келган, бироқ “Манас” аэропортининг чегара хизмати ходимлари унга мамлакат ҳудудига киришга рухсат бермаганлар.
Халқаро қийноқ қурбонларини қўллаб-қувватлаш куни Ўзбекистонда яна бир қийноқ қурбони – ҳуқуқ фаоли Абдурасул Худойназаров оламдан ўтди
Ўзбекистон инсон ҳуқуқлари жамияти “Эзгулик” тарқатган хабарга кўра, 26 июнь куни Ўзбекистонда узоқ муддат давомида қамоқда сақланиб келинган 58 яшар ҳуқуқ фаоли Абдурасул Худойназаров оламдан ўтди.
26 июнь куни эрталабки соат 8 ларда Ўзбекистонда 58 яшар ўзбек ҳуқуқ фаоли, “Эзгулик” жамиятининг Ангрен шаҳар бўлими раиси Абдурасул Худойназаровнинг жони узилди.
Халқаро қийноқ қурбонларини қўллаб-қувватлаш куни арафасида ўзбек қамоқхонасидан “Ҳизб-ут-Таҳрир” етакчиларидан бирининг жасади чиқди
Би-Би-Си радиосининг Ўзбек хизмати тарқатган хабарларга кўра, 18 июньга ўтар кечаси ўзбек расмийлари диний сабаблар билан қамалган маҳкум Абдураҳим Тўхтасиновнинг жасадини унинг яқинларига топширганлар ва уни яширин равишда дафн этишни буйирганлар.2
0 июнь куни Би-Би-Си радиосининг Ўзбек хизмати “Ҳизб-ут-Таҳрир” партиясининг минтақавий веб-сайтига таянган ҳолда хабар қилганидек, жорий йилнинг 18 июнь кунига ўтар кечаси расмийлар диний сабаблар билан қамалган маҳкум Абдураҳим Тўхтасиновнинг жасадини унинг яқинларига топширганлар ва уни яширин тезкорлик билан дафн этишни буюрганлар. Шунингдек, улар Тўхтасиновнинг қариндошларига дафн маросимини яширинча ўтказишни буюрганлар.
Ҳуқуқ фаоллари 29 ўзбек қочқини қамоқда ноҳақ сақланмоқда, деган фикрда
Ҳуқуқни ҳимоя қилиш халқаро ташкилотлари уч йил муқаддам Олмаотадан Тошкентга экстрадиция қилинган 29 нафар ўзбек қочқини қийноқ қурбони бўлиб, ўзбек қамоқхоналарида ноҳақ сақланаётгани юзасидан хавотир билдирмоқда.
Ўтган ҳафтада Франциядаги АСАТ-France (Ўлим жазоси ва қийноқларга қарши насронийлар ассоциацияси) уч йил муқаддам Қозоғистондан Ўзбекистонга экстрадиция қилинган 29 нафар ўзбек қочқини иши бўйича баёнот эълон қилди.
Мирсобир Ҳамидқориев ўзбек ИИВ ертўласида қийноққа тутилмоқда
25 июнь куни жорий йилнинг 9 июнь куни Москва марказида ўғирлаб кетилган ўзбек қочқини Мирсобир Ҳамидқориевнинг онаси “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева билан телефон орқали боғланиб, унга ўғли Ўзбекистон Ички ишлар вазирлиги ертўласида экани ва у ерда қийноққа тутилаётгани ҳақида маълум қилди.
Бугун, 25 июнь куни, ўзбек қочқини Мирсобир Ҳамидқориевнинг Россия ҳудудидан ўғирлаб кетилгани исботланди.
Маҳаллий ва халқаро ҳуқуқни муҳофаза қилиш ташкилотлари Марказий Осиё давлатларини қийноқлар ва қийнаганлик учун жазосиз қолишга чек қўйишга чақирмоқда
Ҳуқуқни муҳофаза қилиш ташкилотлари коалицияси 26 июнь – Қийноқ қурбонларини қўллаб-қувватлаш халқаро кунида Марказий Осиёнинг беш давлати ҳукуматларини оммавий ва сўзсиз равишда қийноқларни қоралашга ва бунга содиқлигини ўз хатти-ҳаракатлари орқали намойиш қилишга чақирди.
1997 йилнинг декабрь ойида БМТ Бош ассамблеяси қийноқ каби жиноятга қарши курашиш учун бутун дунё бўйлаб қийноқ қурбонлари ва жабрланганларга ўз эҳтиромини билдириш ва уларни қўллаб-қувватлаш мақсадида 26 июнни Қийноқ қурбонларини қўллаб-қувватлаш халқаро куни, деб эълон қилган.
Қозоғистон/Ўзбекистон: Қийноқ қурбонлари ҳали-ҳамон панжара ортида
Париж–17 июнь 2014 йил. Икки йилдирки, Қозоғистон БМТ Қийноқларга қарши қўмитаси қарорини бажаришдан бош тортиб келмоқда.
Бу мамлакат қийноқлар кенг қўлланиладиган Ўзбекистонга 2011 йили ноқонуний равишда бериб юборилган 29 шахсга хавфсизлигини ошиғич қайтариши ҳамда имкон қадар тезроқ жабрланувчилар ва уларнинг яқинларига товон пули тўлаб бериши лозим.
Шунингдек, Қозоғистон бу шахслар мамлакатдан экстрадиция қилинганидан кейин қийноққа тутилганига оид баёнотларнинг текширилишини ҳам талаб қилиши керак.
