Category Archives: JARAYON.COM АРХИВИ
Пахтакор туман ҳокими ҳибсга олинди
Жиззах вилоятининг Пахтакор туман ҳокими Ғофир Қаршибоев вилоят Миллий хавфсизлик хизмати ходимлари томонидан Ўзбекистон Жиноят кодексининг 210-моддаси билан айбланиб қўлга олинган.
Жиззахдаги манбалар сўзларига кўра, Қаршибоев 24 декабрь куни маҳаллий фуқароларнинг биридан пора олаётган пайтда қўлга олинган.
Айни пайтда Ғофир Қаршибоев ўрнига унинг ўринбосари Бахтиёр Маҳмудов вақтинча туман ҳокими вазифасини бажарувчи бўлиб ишлаб турибди.
Тошкентда 16 диндор устидан маҳкама якунланди
2012 йилнинг 12 декабрь куни жиноят ишлари бўйича Тошкент шаҳар суди “Туркистон исломий ҳаракати”га мансубликда айбланган 16 нафар диндор устидан ҳукм чиқарди.
Бу ҳақда “Жараён”га Ўзбекистон инсон ҳуқуқлари “Эзгулик” жамияти вакили Абдураҳмон Ташановмаълум қилди.
Остона яна бир қочқинни Тошкентга топширмоқчи
Ақтўбе шаҳар суди ўзбекистонлик қочқин Хайрулла Турсуновни Ўзбекистонга топшириш ҳақида ҳукм чиқарди. Судья Рая Кустанова ҳимоя томонининг даъволарини асоссиз, деб топди.
Турсунов устидан маҳкама икки кун давом этди. 24 декабрь куни Ақтўба шаҳар маҳкамасида прокурор Ўзбекистон томонидан юборилган айбловномани ўқиб эшиттирди.
Қиш Жиззах қишлоқларида яшовчиларнинг сабрини синаяпти
Қиш чилласида Жиззах қишлоқлари аҳолиси коммунал тизими дурустроқ бўлган шаҳарчаларга кўчиб ўтиш чораларини излашмоқда.
Шу йилнинг 15 декабридан бошлаб тўхтовсиз ёғаётган қор туфайли юзага келган шарт-шароит Жиззах вилоятининг Жиззах туманига қарашли Равот қишлоғи аҳолисини қиш фаслида марказга яқинроқ шахарчаларга ўтиб яшашга мажбур қилмоқда.
Сиёсий маҳкум Мурод Жўраев муддатига яна 3 йил қўшиб берилди
Ўзбекистон Олий Кенгашининг собиқ депутати, Ўзбекистон Ички ишлар вазирлиги ЖИЭББга қарашли Олмалиқдаги колонияда жазо муддатини ўтаётган Мурод Жўраевга Ўзбекистон Республикаси ЖКнинг 221-моддаси 2-қисми билан 3 йилу 24 кун муддат қўшиб берилган.
Ақтўбедаги ҳибсхонада ўзбек қочқинининг Қуръони олиб қўйилди
“Жараён”га маълум бўлишича, Ақтўбе шаҳридаги вақтинчалик тергов изоляторида сақланаётган ўзбекистонлик бошпана изловчи Хайрулло Турсуновнинг Қуръони Карим китоби навбатдаги текширувда олиб қўйилган.
Америкалик дипломат жиззахлик ҳуқуқбонлар билан учрашди
АҚШнинг Ўзбекистондаги элчиси Жорж Крол шу йилнинг 12 декабрь куни Жиззах вилоятига сафар қилди.
Куннинг биринчи ярмида америкалик дипломат Жиззах вилоят ҳокими С. Исмоилов, вилоят прокурори Б. Жамолов ва сенат аъзолари билан, куннинг иккинчи ярмида эса Жиззах вилоятида фаолият юритаётган ҳуқуқ фаоллари билан учрашди.
Ўзбек қочқини устидан суд санаси номаълумлигича қолмоқда
Қозоғистондаги вақтинчалик тергов изоляторида сақланаётган ўзбекистонлик қочқин Хайрулло Турсуновнинг маҳкамаси Ақтўбе шаҳар судида бўлиб ўтади.
Бу ҳақда Остона шаҳар Есил туман суди қарор қабул қилган. Бунгача қочқиннинг маҳкамаси Есил туманида бўлиши кутилаётган эди, аммо ҳакам Турсуновнинг айнан Ақтўбеда сақланаётганини инобатга олиб, маҳкамани ушбу шаҳарга кўчирган. Аммо суднинг қачон бошланиши номаълумлигича қолмоқда.
Жиззах милицияси Саида Қурбонованинг яқинларидан пул талаб қилмоқда
“Бирдамлик” Халқ Демократик ҳаракати Жиззах вилояти бўлимининг раҳбари Саида Қурбонова айни пайтда Пахтакор туман ички ишлар бўлими ҳибсхонасида сақланмоқда.
Қурбонованинг яқинлари билан учрашган Жиззахдаги манбанинг 11 декабрь куни “Жараён” сайтига маълум қилишича, душанба куни Саида опанинг ўғли Соҳиб онасини кўриш ҳамда унга иссиқ кийим-кечак ва озиқ-овқатлар бериш учун Жиззах вилояти Пахтакор туман ички ишлар бўлимига келган. Бироқ туман ИИБ бошлиғининг ўринбосари уни таҳқирлаб, ҳайдаб юборган.
Эълон: Ҳуқуқий саводхонликни ошириш мақсадидаги харакатлар
Хурматли муштарий!
Ҳуқуқ фаоллари ва оддий фуқаролар ҳуқуқий саводхонлигини ошириш, уларнинг халқаро ҳуқуқ меъёрлари билан танишиб, ўз касбий фаолиятларида фойдаланишларига кўмаклашиш мақсадида 2013 йил январь ойидан ЕХҲТ ва БМТнинг услубий қўлланмалари, халқаро конвенция ва қонунлар ҳамда Ўзбекистонда амалда бўлган инсон ҳуқуқлари ва эркинликларига дохил қонунларнинг ўзбек тилидаги таржималарини чоп эта бошлаймиз.
“Жараён” таҳририяти
