Category Archives: ОАВ биз ҳақда
Фарғоналик ишчилар яна норозилик намойишида
Фарғоналик ҳуқуқ ҳимоячиларининг хабарига кўра, кеча, 26 августда, куннинг иккинчи ярмида Фарғона шаҳридаги Нефтни қайта ишлаш заводининг 400 чамаси ишчилари яна норозилик намойишига тўпландилар.
Улар 4–5 ойдан бери маошларини, пенсиялари ва болалари нафақаларини, дивидендларини ололмаётганликлари учун шу тадбирни ўтказдилар.
Гарчи Ўзбекнефтгазхолдинг компанияси бошлиқлари 15–25 августда маошларни тўлиқ тўлаб бериш тўғрисида ваъда берган бўлсалар-да, ҳанузгача улар ўз ваъдаларининг устидан чиқишмапти.
Ишчиларнинг сўнгги чораси – иш ташлаш…
2003 йил 10 август
Ўзбекистонда сўм конвертациясига эришиш (агар эришиб бўлса) халқимизга жуда қимматга тушмоқда. Шу мақсадда сўм қадрини (қийматини) барқарорлаш ва ошириш учун хукумат муомаладаги сўмлар (банкнотлар) миқдорини, қандай қилиб ва қандай йўллар билан бўлмасин, камайтиришни ўзига қаттиқ аҳду паймон қилиб олган.
Масалан, тадбиркорларнинг савдо тушумларини мажбурий инкассация қилиш, деҳқонлар ҳақларини беришни йиллаб, ишчи-хизматчилар маошларини тўлашни ойлаб пайсалга солиш каби хатти-харакатлар ўша йўллар жумласидандир.
Мўътабар Тожибоева яна маҳкамага тортилди
Фарғона шаҳрида 9–10 июнь кунлари бўлган пикетга рахнамолик қилгани учун «Ўтюраклар» клуби рахбари Мўътабар Тожибоева 4 августда Жиноят ишлари бўйича Фарғона шаҳар судига чақирилди.
Судга кириш олдидан у ва клуб фаоли Лолахон Дехқонова вилоят ҳуқуқ-тартибот идораларидаги айрим раҳбарларнинг истеъфосини талаб қилиб, пикет уюштирдилар.
Судда Мўътабар Тожибоевага Маъмурий ҳуқуқбузарлик тўғрисидаги кодекснинг 201-моддаси (йиғилишлар, митинглар, кўча юришлари, намойишлар ўтказиш тартибини бузиш айби) билан иш қўзғатилгани маълум қилинди. Ишни кўриш Мўътабар Тожибоеванинг талаби билан 9 августга қолдирилди.
Мўътабар Тожибоевага огоҳлантириш берилди
2003 йил, 30 июнь
29 июн куни Фарғоналик ҳуқуқ ҳимоячиси, «Ўтюраклар» клубининг раисаси Мўътабар Тожибоева шахар ички ишлар бўлими (рахбар вазифасини бажарувчи Алмат Хомидов) томонидан расмий огоҳлантирилган. Бу ҳақда «Бирлик» харакатининг интернет сахифасида хабар чоп этилди.
Ички ишлар ходимлари М. Тожибоевадан «Мен кўча юришлари, намойишлар ва шунга ўхшаш чиқишларда иштирок этмайман, агар иштирок этсам, жиноий жавобгарликка тортилишга розиман», мазмунида тилхат ёзиб беришни талаб қилишган.
Хабарда маълум қилинишича, «Ўтюраклар» Клубининг етакчиси огоҳлантиришга имзо чекишдан бош тортган.
МУСУЛМОН ЎЗБЕКИСТОН
http://archive.muslimuzbekistan.com/uzb/uznews/2003_06/uznews30062003.html
Вазирликдан рухсат борми?… Ёхуд Вилоят миқёсидаги баъзи рахбарларнинг мухбирга қўйган талаби ҳақида
Журналистик текшируви
Марғилон шаҳрида яшовчи Салимахон Ҳамидова ўз шикоят хатида жумладан шундай деб ёзади: “Мен наинки адолатсизликка учрадим, балки инсоний ҳақ-ҳуқуқим поймол этилиб, ишдан ноҳақ ҳайдалдим, ҳаммадан ачинарлиси, мени шу ўйга солган Тошлоқ тумани молия бўлими мудири Аваз Раҳмоновнинг жиноий кирдикорларига мутасадди раҳбарлар томошабин бўлиб қараб турибдилар…”
Хорижий радио станцияларнинг икки мухбири Тошкентда калтакланди
(АА): Озодлик радиосининг ҳурматли ихлосмандлари!
Эшиттиришимизни Ўзбекистон ҳаëтига оид лавҳалар билан бошлаймиз.
7 март¸ жума куни Тошкент вақти билан эрталабки соат 11 ларда Озодлик радиоси Ўзбек хизматининг Тошкент бюроси мухбири Шайбон ҳамда Америка Овози радиоси Ўзбек хизматининг Тошкентдаги мухбири Беҳруз пойтахтнинг Чорси бозори ëнида ўзларининг касбий фаолияти билан машғул бўлган бир пайтда бир гуруҳ аëллар ҳамда фуқаро кийимидаги номаълум шахслар томонидан калтакланганлар. Журналистларга ҳужум уюштирганлар уларнинг иш қуролларини юлиб қочишган.
