Category Archives: СИЁСИЙ ҚАТАҒОН

Қамоқда Мурод Жўраевнинг соғлиғи ёмонлашди

Қамоқда Мурод Жўраевнинг соғлиғи ёмонлашди. Бу ҳақда “Жараён”га унинг турмуш ўртоғи Холбика Жўраева маълум қилди.

Сиёсий маҳбус, Ўзбекистон парламентининг собиқ депутати Мурод Жўраевнинг турмуш ўртоғи Холбика Жўраеванинг айтишича, у жорий йил ноябр ойининг ўрталарида Тошкент вилоятининг Чирчиқ шаҳридаги УЯ 64/06 – сонли колониясида қамоқ жазосини ўтаётган турмуш ўртоғи билан узоқ муддатли учрашувда бўлиб қайтган.

Ўзбек суди Мирсобир Ҳамидқориевни 8 йиллик қамоқ жазосига ҳукм қилди

Жиноят ишлари бўйича Тошкент шаҳар суди Мирсобир Ҳамидқориевни 8 йилга озодликдан маҳрум қилиш ҳақида ҳукм ўқиди.

Россиялик адвокат Илларион Васильевнинг айтишича, ўзбек қочқини Мирсобир Ҳамидқориев устидан суд маҳкамаси сешанба, 18 ноябр куни жуда шошилинч равишда якун топган ва ўша куннинг ўзидаёқ Ҳамидқориев устидан ҳукм ўқилган.

Ўзбекистон: Россиялик адвокатга Мирсобир Ҳамидқориев билан тергов изоляторида учрашишга рухсат берилмади

Ўзбек расмийлари россиялик адвокат Илларион Васильевга Мирсобир Ҳамидқориев устидан бўлиб ўтаётган суд маҳкамасида иштирок этишга рухсат бердилар, аммо адвокатга қочқин билан тергов изоляторида учрашишга изн бермадилар.  

“Жараён” таҳририятига йўллаган мактубида жорий йилнинг июнь ойи бошида Москвада ўғирлаб кетилган Мирсобир Ҳамидқориевнинг россиялик адвокати Илларион Васильев ўз ҳимояси остидаги қочқиннинг навбатдаги суди 20 ноябрга қолдирилгани ҳақида маълум қилди.

Аҳолининг диндорлашиб кетишидан хавотирга тушган махсус хизматлар мусулмонларнинг гапларини ҳам назорат остига олмоқда

Гапда иштирок этган кўп ўзбекистонлик мусулмонлар кейинчалик жиноий жавобгарликка тортилмоқда.

Мақоламизни жорий йилнинг июнь ойи бошида Москвада ўғирлаб кетилган ўзбек қочқини Мирсобир Ҳамидқориев воқеасидан бошласак. Эслатиб ўтсак, бу ўзбек қочқини Россия ҳудудида бошпана топиш мақсадида яшаб келган ва 2011 йилдан буён Ўзбекистонда халқаро қидирувда бўлган.

Дилмурод Саййид онасининг қазо топганидан бир ой ўтиб бу ҳақда хабар топди

Жорий йилнинг 8 ноябр куни мустақил журналист Дилмурод Саййиднинг укаси Обид Саидов Қаршидаги колонияда сақланаётган акасини бориб кўриб келди.

Бу ҳақда “Жараён”га мустақил журналист Дилмурод Саййиднинг укаси маълум қилди.

– Мен 8-9 ноябр кунлари акам Дилмуродни бориб кўриб келдим.Акам билан мижжа қоқмай гаплашиб чиқдик. Соғлиқлари, ранг-рўйлари ўртача, гоҳида йўталиб турибди, сўрасам: «Сал шамолладим шекилли», деди. Руҳан анча эзилган. Акам унинг озод қилиниши учун ёрдам қилаётган барча кишиларнинг заҳматли ишлари  учун ўз миннатдорчилигини билдирди. Энг катта миннатдорчиликни акам ҳуқуқ фаоли Мўътабар Тожибоевага етказишимни илтимос қилди. “Шу ерлардан омон чиқиб кетсам, онамларни, аёлимни ва қизчамнинг қабрларини зиёрат қиламан, кейин энг биринчи режам – шу бебаҳо аёл (Мўътабар Тожибоевани назарда тутаяпти – “Жараён”) билан учрашиш менинг фарзим бўлади”,  деди – дейди Обиджон Саидов.

Мирсобир Ҳамидқориев унинг ўғирланиши Россия махсус хизматлари томонидан амалга оширилганини иддао қилди

Бу ҳақда ўзбек қочқини ўзининг россиялик адвокати Илларион Васильевга Тошкентдаги суд залида маълум қилган.

Октябрь ойи охирларида бизнинг “Жараён” веб-сайтимиз ўзбек суди россиялик адвокат Илларион Васильевга Мирсобир Ҳамидқориев устидан Тошкентда бўлиб ўтаётган суд маҳкамасида иштирок этишга рухсат бергани ҳақида хабар қилганди.

Мўътабар Тожибоеванинг фото ва ҳужжатлари Нью-Йорк фотокўргазмасида

Нью-Йоркда таниқли ўзбек ҳуқуқ фаоли Мўътабар Тожибоеванинг суратлари ва ҳужжатлари келтирилган фотоэкспозиция ўз ишини бошлади.

3 ноябрь куни Нью-Йорк шаҳрида «Тўсиқларни суриш» дея номланган фотоэкспозиция ўз ишини бошлади. Унда “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева фотопортретлари ва ҳужжатлари ҳам келтирилган.

Жорий йили фотокўргазма «Тўсиқларни суриш» / “Сенга қарайман, ўзимни кўраман” номи остида ўтказилмоқда, унда инсон ҳуқуқлари мавзусида фаолият юритувчи 10 нафар сураткашнинг ишлари қўйилган.

Ўзбек суди россиялик адвокатга Мирсобир Ҳамидқориев ишида иштирок этишга рухсат берди

Жорий йилнинг ёзида Москвада ўғирлаб кетилган ўзбек қочқини Мирсобир Ҳамидқориевнинг Россиядаги адвокати Илларион Васильев “Жараён”га ўзбек суди унга Ҳамидқориев ишида иштирок этишига розилик берганини маълум қилди.

Бу ҳақда адвокат Илларион Васильев “Жараён”га сешанба, 21 октябрь куни маълум қилди.

– Судья менинг Ҳамидқориев ишида иштирок этишимга рухсат берди. Мен яқин кунларда судда иштирок этиш учун Тошкентга учиб кетишим керак, – деди адвокат Васильев.

Бобомурод Раззоқов: Касалликни енгишга уриндим

Қамоқда Ўзбекистон инсон ҳуқуқлари “Эзгулик” жамияти фаоли Бобомурод Раззоқовнинг аҳволи оғирлашди.

Бу ҳақда жамоатчиликка Ўзбекистон инсон ҳуқуқлари “Эзгулик” жамиятининг Бухоро вилояти бўлими раиси, қамоқ жазосини ўтаётган 62 яшар фермер Бобомурод Раззоқовнинг ўғли Шуҳратга ёзган мактубидан маълум бўлди.

Ўз мактубида Бобомурод Раззоқов жигар, буйрак ва юрак етишмовчилиги хасталиклари билан оғриётганини ёзган.

Мўътабар Тожибоева АСАТ-France нуфузли мукофотининг илк лауреати бўлди

“Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоевабош қароргоҳи Францияда жойлашган АСАТ-France (Қийноқларга қарши насронийлар ҳаракати)нинг нуфузли Энджел-Тертр номли мукофотининг илк лауреати бўлди.

Бу ҳақда АСАТ-France (“Қийноқларга қарши насронийлар ҳаракати”) инсон ҳуқуқларини ҳимоя қилиш ташкилотининг раҳбарияти Мўътабар Тожибоевага 15 октябрь, чоршанба куни маълум қилди.

“Сизни довюраклик ва жасурлик кўрсатганингиз билан табриклаймиз. Менинг энг самимий тилакларимни қабул қилиб олсангиз”, – дея ёзган Мўътабар Тожибоева номига йўллаган мактубида АСАТ жамғармасининг раиси Франсуа Вальтер.