Noyabr 2012 ойлик архив
Швеция ва Россия расмийларини Юрий Жуковский иши бўйича маълумот беришга чақирамиз
12 октябрь куни Швеция ва Россиянинг қатор оммавий ахборот воситалари ҳамда Ўзбекистонга оид хабарларни ёйинловчи интернет нашрлар ўзбекистонлик машҳур имом Обидхон қори Назаровга суиқасдда гумонланиб, қидирилаётган Юрий Жуковский Россия Федерациясида ҳуқуқ-тартибот идоралари томонидан қўлга олингани ҳақида хабар тарқатгандилар. Тахминларга кўра Ўзбекистонда туғилган 34 ёшли Юрий Жуковский икки мамлакат (Ўзбекистон ва Россия) фуқароси бўлган.
Музаффар Сулейманов: Азимжон Асқаров ўзига юксак мукофот берилгани эшитиб, хурсандликдан йиғлаб юборибди
Жорий йилнинг 20 ноябрь куни Нью Йоркда Журналистлар ҳимоя қилиш қўмитасининг 2012 йилдаги матбуот эркинлиги учун Халқаро мукофотини топшириш маросими бўлиб ўтди. Мазкур мукофот, ҳаёти учун таҳдид бўлганига қарамай, расмийлар суиистеъмолини ёритган тўрт нафар халқаро журналистга топширилди.
“Араб баҳори”нинг Ўзбекистон ёшларига таъсири
Яқин Шарқ араб дунёсида 2011 йилнинг эрта баҳорида бошланган воқеалар ва унинг асносида кўп йиллардан буён ҳокимият тепасида бўлган авторитар тузумларнинг ағдарилиши Ўзбекистон жамиятига, айниқса, ёшларга таъсири сезиларли бўлди, дейишимиз мумкин.
Чунки воқеа-ҳодисаларнинг ривожланиш тенденцияси мазкур мустабид бошқарув системалари ва унинг тепасида турган “олий ҳокимият эгалари” нинг бир-бирига таққослашга, қиёсий таҳлил қилишга, ҳамда шу аснода хулосалар чиқаришга беихтиёр ундарди.
ББС: «Ўзбекистон қийноқларни расман тан олмагунча аҳвол ўзгармайди»
Таниқли инсон ҳуқуқлари ҳимоячиси «Ўтюраклар Клуби» асосчиси Мўътабар Тожибоеванинг айтишича, Ўзбекистон раҳбарияти мамлакатдаги систематик қийноқларга оид ички сиёсатини ўзгартирмас экан, Ўзбекистонда қийноқ ҳоллари камайишини кутиб бўлмайди.
Москвада қўлга олинган ўзбекистонликларга экстрадиция хавф солмоқда
Шу йилнинг 15 ноябр куни ўзбекистонлик беш нафар фуқаро Москвадаги «Внуково» аэропортида полиция ходимлари томонидан ҳибсга олинди.
«Жараён»га маълум бўлишича, Абдусамад Нуриддин ўғли Дадаев, Раҳматуллоҳ Абдуллаевич Муҳаммадхўжаев, Авазбек Маматхонович Низомов, Олим Турсунович Жалолбоев ва Ҳаким Турсунович Жалолбоев Москвага Калининград шаҳридан учиб келганлар. Наманган шаҳрига учиб кетишга чоғланган бу ўзбекистонликларнинг ҳаммаси уйга қайтаётган эканлар.
Ҳуқуқ ҳимоячилари ҳимояга муҳтож!
Ўзбекистон инсон ҳуқуқлари “Эзгулик” жамияти Сирдарё вилояти бўлими фаоли, “Одил ҳуқуқ” адвокатлар ҳайъати адвокати Зайниддин Жўрабоев Ўзбекистон Республикаси Адвокатлар палатаси Сирдарё вилоят ҳудудий бошқармаси ҳузуридаги малака комиссияси қарори билан фаолият лицензиясидан маҳрум қилинди.
Шерик Карамхудоев – сиёсий маҳбус
Бундай баёнот 12 ноябр куни Тожикистон Ислом уйғониш партияси масъуллари тилидан янгради.
“Ҳуқуқ-тартибот идоралари Шерик Карамхудоевни жамоатчиликка Хоруғ фуқароси эмас, балки Ислом уйғониш партиясининг шаҳар бўлим раҳбари сифатида таништираяпти. Ундан ташқари, Миллий хавфсизлик терговчилари Карамхудоевни партиямизга қарши кўрсатмалар беришга мажбурлаганидан ҳам хабаримиз бор.
Қозоғистоннинг БМТ инсон ҳуқуқлари Қўмитасига сайланиши танқидларга сабаб бўлмоқда
Ўзбекистонга 30 дан ортиқ қочқинни топширгани учун БМТдан дакки эшитган Қозоғистон ушбу ташкилотнинг Инсон ҳуқуқлари бўйича қўмитасига аъзо этиб сайланди.
Қозоғистон номзодини 187 та давлат қўллаб-қувватлаган ва ушбу мамлакат 2013-2015 йиллар орасида 47 республика билан биргаликда дунёдаги инсон ҳуқуқлари билан боғлиқ қарорларни қабул қилишда иштирок этади.
Маҳбуслар ҳуқуқларини ҳимоя қилиб келган ҳуқуқ фаоли Курамшин ҳибсда сақланмоқда
31 октябрь куни қозоғистонлик ҳуқуқ ҳимоячиси Вадим Курамшин касбий фаолияти туфайли Петропавловск шаҳрида ҳибсга олинди.
Бу ҳақда Курамшинни ҳимоя қилиш қўмитаси мувофиқлаштирувчиси Андрей Цуканов маълум қилди.
Толиб Ёқубов: Оббо, Ўзбекистон одил суди-ей!..
Буюк рус шоири Александр Сергеевич Пушкин ўзининг “Евгений Онегин” поэмасини ёзиб тугатгач, уни яна қайтадан ўқиб чиқибди. Поэма унга шунчалик ёқибдики, у қўли билан сонига шапати тортиб: “Оббо, Пушкин-ей! Оббо, қанжиқнинг боласи-ей!” [Ай да, Пушкин! Ай да, сукин сын!] деб юборган экан.
