Mart 2013 ойлик архив
Тожикистонда пошнасиз пойабзалли толибалар дарсга қўйилмаяпти
Тожикистонда пошнасиз пойабзал кийган талаба қизларнинг дарсларда қатнашиши таъқиқланди.
Тожикистон собиқ таълим вазири, ҳозирда Душанбедаги Педагогика университети ректори Абдужаббор Раҳмонов шундай буйруқ берган.
Тожикистон расмийлари Amnesty International халқаро ташкилоти мурожаатига жавоб берди
Хатлон вилояти ҳуқуқ-тартибот идора расмийлари орадан қарийб икки ҳафта вақт ўтиб Салимбой Шамсиддиновни излаш билан боғлиқ тадбирлар натижа бермаганини маълум қилди.
Тожикистон Ички ишлар вазирлигининг Хатлон вилоят бошқармаси бошлиғи ўринбосари Эминжон Жалилов Салимбой Шамсиддиновнинг хавфсизлик ходимлари томонидан ўғирланганига оид жамиятда урчиётган гап-сўзлар асоссизлигини уқтирди.
Amnesty International Тожикистонда ўзбеклар жамияти лидерининг йўқолишига сиёсий тус берди
Халқаро майдонда инсон ҳуқуқлари ҳимояси билан шуғулланувчи Amnesty International ташкилоти 26 март куни тарқатган баёнотида Хатлон вилоятидаги Ўзбеклар жамияти раиси Салимбой Шамсиддиновнинг дараксиз йўқолишини сиёсий одам ўғирлаш, дея изоҳлаган.
Маркази Лондонда жойлашган бу нуфузли ташкилот экспертлари фикрича, Шамсиддиновнинг йўқолиши сиёсий хусусиятга эга.
Пахтанинг янги нави теримчилар саломатлиги учун янги хатарлидир
Оролбўйида галдаги уруғ қадаш мавсумида пахтанинг янги навларининг экилиши далада ишлаётган кишиларнинг ўпкасига салбий таъсир қилади, хусусан, бу теримчилар орасида бронхиал астма (зиқнафас) касаллиги кўпайишига сабаб бўлади.
«Ўтюраклар клуби»нинг Гулнора Каримова интервьюсига муносабати
«Ўтюраклар клуби» инсон ҳуқуқларини ҳимоя қилиш халқаро ташкилоти раҳбари Мўътабар Тожибоева, Буюк Британиянинг Ўзбекистондаги собиқ элчиси Крейг Мюррей, даниялик таниқли кинотасвирчи Майкл Андерсен, «Хьюман Райтс Вотч» халқаро ташкилотининг собиқ ходими Игорь Воронцов ва журналист Андре Лорш жорий йил март ойи бошида Ўзбекистон президенти тўнғич қизи Гулнора Каримованинг Женевадаги энг ҳашаматли мавзелардан бири бўлмиш Колоньяда жойлашган уйи ёнига боргани жамоатчиликка маълум.
Жаслиқдан мактуб
Деярли ҳар ой Ўзбекистондаги ҳуқуқ ҳимоячилари мамлакатнинг турли бурчакларида диндорлар турли оғир жиноятларни содир этганликда айбланиб, ҳибсга олинаётгани ва узоқ йилларга қамоқ жазосига ҳукм қилинаётгани ҳақида хабар қилиб турадилар.
Ҳуқуқ фаоллари бу кишилар сохта айбловлар билан қўлга олинганини билдирсалар, қамалган диндорларнинг қариндошлари ўз яқинларининг ҳибс вақтида қийноққа тутилганини иддао қилиб келадилар.
Тожикистон собиқ бош вазири келаси йилгача Киев қамоқхонасида қолади
Собиқ тожик мулозими Абдумалик Абдуллажонов Украинадаги қамоқхоналарининг бирида яна бир йилгача қолишига оид ҳукм ўтган ҳафта Киевнинг Шевченко туман маҳкамасида ўқиб эшиттирилди.
19 йил аввал ватанини тарк этган ва Америкадан сиёсий бошпана олган Абдуллажонов шу йилнинг 5 февралида Киевдаги “Бориспол” аэропортида Интерпол сўрови асосида ҳибсга олинганди.
Қийноқдан ўлгани даъво қилинаётган Сафаралининг бевасига товон тўланади
Тожик милиционерлари томонидан ҳибсга олинган чоғида жон таслим қилган душанбелик Сафарали Санговнинг оиласига республика Ички ишлар вазирлиги 10 000 АҚШ доллари миқдорида товон тўлайди.
Душанбе шаҳрининг Сино туман суди бунга оид қарорини ортда қолган ҳафта сўнгида эълон қилди.
