Category Archives: Инсон ҳуқуқлари
Гулнора Каримова ўз туҳматлари учун жавоб бериши лозим
“Бўҳтон қиличдан ҳам мудҳишроқ қуролдир, чунки унинг ярасини умрбод даъволаб бўлмайди”, деган эди буюк алломалардан бири Г.Филдинг.
Инсонга нисбатан қилинган биргина бўҳтон унга қанчалар даражада руҳий ва жисмоний азоб беради. Агар у бўҳтон минглаб муштарийга эга бўлган нуфузли нашрда эълон қилинса-чи?
Толиб Ёқубов: Жаслиқ қамоқхонаси қай мақсадда барпо этилган?
2013 йил октябрь ойининг охирида Женева шаҳрида БМТнинг Қийноқларга қарши қўмитаси сессиясида жорий йил март ойида мазкур ташкилотнинг Нью-Йорк шаҳрида бўлиб ўтган сессиясида Ўзбекистонда қийноқлар кўламига доир қўмита аъзоларининг берган ёзма саволларига Ўзбекистон ҳукумати ўз ёзма жавобларини тақдим этди.
Савол ушбу бўлган: “Қийноқлар масаласи бўйича Махсус маърузачининг фикрича, “ўзининг жойлашишига кўра ҳам маҳбуслар, ҳам уларнинг қариндош-уруғлари учун шафқатсиз, ғайриинсоний ва инсон шаънини таҳқирловчи муомала ёки жазолаш билан бир хил бўлган қамоқ шароити яратилган” Жаслиқ қамоқхонасини иштирокчи-давлат ёпиш нияти бор-йўқлиги ҳақида маълумот беришингизни сўраймиз”.
Ўзбекистондаги қийноқлар: манзара, миқёс ва моҳият (видео)
Ўзбекистон ҳукумати 1984 йилнинг 10 декабрида қабул қилинган «Қийноқ ҳамда муомала ва жазолашнинг ўта шафқатсиз, ғайриинсоний ёки қадр-қимматни камситувчи турларига қарши БМТ Конвенцияси”ни мустақилликнинг дастлабки йилларида, яъни 1995 йил 30 августида ратификация қилган.
Бундан ташқари, Ўзбекистон Конституциясининг 26-моддасида: «Ҳеч ким қийноққа солиниши, зўравонликка, шафқатсиз ёки инсон қадр-қимматини камситувчи бошқа тарздаги тазйиққа дучор этилиши мумкин эмас», дейилади.
Ўзбекистон: Расмийлар ҳужжатли кино устаси Маҳмудовнинг мамлакатдан чиқишига тўсқинлик қилмоқда
Ўзбекистонлик мустақил документалист Абдулазиз Маҳмудов тўрт ойдан буён мамлакатдан чиқиш учун зарур бўлган ОВИР визасини ололмаяпти.
Яқинда Абдулазиз Маҳмудов 2000 йилдан бери унинг барча хорижий сафарларига таъқиқ қўйилганини билиб қолган.
Ҳуқуқ фаоли: Лондон Қаюм Ортиқов ишида етарлича фаоллик кўрсатмади
Буюк Британиянинг Тошкентдаги элчихонаси собиқ ходими, Ўзбекистон қамоқхоналарида қийноқ қурбонига айланган Қаюм Ортиқовнинг хотини Моҳира Ортиқова Британия расмийларини ўзбек диктатураси билан тиғиз ҳамкорлик қилаётганликда айблайди.
Шу йилнинг 1 декабрь куни “Жараён” сайтимизда Тошкентдаги Буюк Британия элчихонаси собиқ ходими Қаюм Ортиқовнинг хотини Моҳира Ортиқованинг Буюк Британия ва Шимолий Ирландия Бирлашган Қироллиги парламентига йўлланган мурожаати чоп қилинганди.
Ўз мурожаатида Моҳира Ортиқова кейинги пайтда Ўзбекистон расмийлари билан фаол ва тиғиз ҳамкорлик қилаётган расмий Лондон хатти-ҳаракатларидан ҳафсаласи пир бўлгани ҳақида ёзади.
Мўътабар Тожибоева Франция Ташқи ишлар вазирлигининг инсон ҳуқуқлари бўйича элчиси билан учрашди
5 декабрь куни “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева Франция Ташқи ишлар вазирлигининг инсон ҳуқуқлари бўйича элчиси Патрициана Спарасино-Тиллай билан учрашди.
Париждаги мазкур учрашув элчи хонимнинг илтимосига кўра ташкил этилганди.
Али Мирзо: Аро йўлдаги ногирон
Шу йилнинг 4 октябрь куни Ўзбекистондаги ижтимоий-сиёсий турмушни ёритувчи 12news.uz хабар агентлиги “Ўзбекистонда “жиҳодчилар” ногиронларни ишга сола бошлади” сарлавҳали материални чоп қилди.
Мазкур мақолада Ўзбекистон ҳуқуқ-тартибот идоралари кўзи ожиз тўрт киши жалб қилинмиш радикал диний гуруҳнинг яширин ячейкасини фош қилгани баён қилинган.
Ҳуқуқ фаоли Шуҳрат Рустамов ўзига нисбатан чиқарилган ҳукмдан норози
Ўзбекистон ҳуқуқ ҳимоячилари альянси вакили Шуҳрат Рустамов жиноят ишлари бўйича Тошкент шаҳар судининг қарийб 8 миллион сўмлик жарима солиш ҳақидаги қарори юзасидан шикоят қилмоқчи.
Ўзбекистон расмий идораларига шикоятлар ёзгани учун жиноий таъқибга дучор бўлган ҳуқуқ ҳимоячисига тергов пайтида Ўзбекистон Жиноят кодексининг 139-моддаси (туҳмат) ва 159-моддаси (конституциявий тузумга тажовуз) бўйича айблов қўйилганди.
Мўътабар Тожибоева: Андижон фожеасининг акс-садоси
БМТнинг Қийноқларга қарши қўмитаси раиси жаноб Клаудио Гроссманга
Муҳтарам жаноб Клаудио Гроссман 2013 йилнинг 18 ноябрь куни Озод Европа/Озодлик радиосининг (RFE/RL) ўзбек хизмати Ўзбекистоннинг Навоий вилоятидаги 64/47-пенитенциар муассасасида қамоқ жазосини ўтаётган 36 ёшли Таваккал Ҳожиевнинг ўлими ҳақида хабар ва унинг ўлимидан икки ой аввал – сентябрь ойи бошларида мамлакат расмийларига ёзилган мурожаатидан парча эълон қилди.
Хатда колония маъмурияти томонидан маҳбусларга нисбатан қийноқ ва зўравонлик қўллаш фактлари батафсил баён қилинган. Ўлим билан тугаган мунтазам қийноқлар, аёвсиз ва ғайриинсоний муомаланинг кенг тарқалгани қатъий тартибдаги колония маҳкумини ўзбек расмийларига мурожаат қилишга ундаган.
Сиёсий маҳбус Муҳаммад Бекжон халқаро мукофот лауреатига айланди
Қамоқдаги ўзбек журналисти Муҳаммад Бекжон “Чегара билмас мухбирлар” халқаро ташкилотининг “Матбуот эркинлиги” йиллик мукофотига сазовор бўлди.
Шу йилнинг 27 ноябрь куни қароргоҳи Парижда жойлашган “Чегара билмас мухбирлар” халқаро ташкилоти ўзбек журналисти, сиёсий маҳбус Муҳаммад Бекжон йил сайин бериладиган “Матбуот эркинлиги” (Press Freedom Prize) мукофотининг соҳибига айлангани ҳақида эълон қилди.
