“Менинг муаммоимда қатнашганларга ўз миннатдорчилигимни билдираман. Сизга раҳмат ҳурматли Муътабар опа. Сўнгги уч ой ичида бўлиб ўтган воқеаларни менга нисбатан адолатсизлик, дея баҳолайман. Ахир мен бирорта жиноят содир қилмадим, аксинча алимент ундириш учун қонуний равишда ҳуқуқларимни ҳимояламоқчи бўлдим. Бироқ алимент ўрнига қизимнинг отаси, адвокат Миролим Одиловнинг хотини Галина ва ўғли Миркомил томонидан калтакландим”, деб ёзар экан 23 июль куни ёзган хатида Ленара Шабанова, шу муддат ичида мурожаат қилгани адвокатлар, маҳаллий ҳуқуқ ҳимоячилари унга ёрдам бермагани, аксинча турли тўсиқлар яратганидан шикоят қилган.
Category Archives: Инсон ҳуқуқлари
Франция ТИВ инсон ҳуқуқлари бўйича элчисининг Ўзбекистонга ташрифи ҳақида ҳуқуқбонлар ҳеч нарса билишмайди
Сиёсий маҳбус аёли Озода Ёқубованинг Франция ТИВнинг инсон ҳуқуқлари бўйича элчисига хати
БМТ Қийноқларга қарши комитети Ўзбекистонда қийноқлар ва инсон ҳуқуқлари масалаларини муҳокама қилаётган ҳамда Акмал Саидов бошчилигидаги Ўзбекистон делегацияси вакилларидан бу саволларга жавоб беришни талаб қилаётган кунда мен Франциянинг Ўзбекистондаги элчихонаси сайтида ва Ўзбекистоннинг www.12news.uz сайтларида келтирилган Франция Ташқи ишлар вазирлигининг инсон ҳуқуқлари бўйича элчиси Патрициана Спарасино-Тиллай (Patrizianna Sparacino–Thiellay) хоним 23-25 октябрь кунлари Тошкентга ташриф буюргани ҳақида ўқиб қолдим
Москва аёзи билан юзлашган гўдаклар кўмакка муҳтож
Ҳурматли муштарий!
Сайтимизга кириб, ушбу матнни ўқишга қарор қилганингиз учун сиздан миннатдормиз! Демак, Сиз мутлақо айбсиз тўрт гўдак тақдирига бефарқ эмассиз.
15 ёшли Абдулқуддус, 12 ёшли Зулайҳо, 10 ёшли Муслимахон ва 3 яшар Музайяна онаси билан биргаликда бир ҳафта мобайнида Москванинг Домодедово аэропортидаги депортация қилинадиганлар учун мўлжалланган изоляторда, кейин эса аэропорт транзит ҳудудида тутиб турилди. Бу вақт оралиғида болалар дурустроқ иссиқ овқат ҳам емадилар. Уларда фақат биттагина адёл бор эди, бунда ҳам болаларнинг кенжаси – уч ёшли Музайяна ётган, холос. Москвада эса аллақачон совуқ тушган.
Ғаллаоролдаги суд гувоҳлари бирин-кетин даъволаридан воз кечмоқда
Жиззах вилоятининг Ғаллаорол туман судида 75 ёшли Набижон (Тўрабой) Жўрабоев устидан маҳкама давом этмоқда. Бироқ судга гувоҳ сифатида чақирилган даъвогарлар ўз даъволари юзасидан жўяли гап айтолмаяптилар.
19 август куни судга гувоҳ сифатида чақирилган Ғаллаорол туман газ идораси бошлиғи Зокир Абдурасулов ўзи раҳбарлик қилиб турган пайтда Набижон Жўрабоевга газ плитаси берилмаганини айтган.
“Эзгулик” фаоли Бобомурод Раззоқовнинг иши маҳкамага ўтди
Ўзбекистон инсон ҳуқуқлари “Эзгулик” жамияти Бухоро вилояти бўлими раиси Бобомурод Раззоқовга нисбатан Ўзбекистон Республикаси Жиноят кодексининг одам савдосига оид жиноят иши тергови тугаб, иш 2 август куни судга ўтди.
Бу ҳақда “Жараён” мухбирига маълум қилган Бухоро вилояти ИИБ терговчиси Зафар Давронов эндиликда ишнинг жиноят ишлари бўйича Бухоро вилояти судида кўрилишини айтди.
Ғаллаоролда Набижон Жўрабоев устидан суд бошланди
Жорий йилнинг 5 август куни Жиноят ишлари бўйича Ғаллаорол туман судида судья Илҳом Розиқов раислигида Набижон Жўрабоевга алоқадор жиноят ишини кўриш бошланди.
Тўрабой (ҳаётда Набижон) Жўрабоевнинг яқинларининг “Жараён”га маълум қилишича бугунги суд маҳкамасида Жўрабоев ўзига нисбатан қўзғатилган жиноят иши юзасидан умуман иқрор эмаслигини баён қилиб, тергов харакатлари бир томонлама олиб борилганлигини айтиб, ҳар бир эпизод бўйича бирма-бир ўзининг айбсизлигини, жиноят содир этмаганлигини исботловчи важларини санаб ўтган.
Набижон Жўрабоевга фирибгарлик айби ҳам қўйилди
Жиззах вилоятининг Ғаллаорол туманида яшовчи 75 ёшли отахон Набижон (Тўрабой) Жўрабоевга товламачилик айбидан ташқари, фирибгарлик айби ҳам қўйилди.
Бу ҳақда “Жараён”га 24 вароқдан иборат бўлган айблов хулосасидан маълум бўлди.
Кремль ўзбек қочқинларига нисбатан ўз сиёсатини қайта кўриб чиқиши керак
Бутун дунё “Сноуден иши” – бир неча ҳафтадан буён бошпана изловчи шахс сифатида Россия ҳудудида қолаётган АҚШ Марказий разведка бошқармаси собиқ ходими Эдвард Сноуден тақдири ва фаолиятини диққат билан кузатиб бормоқда.
“Ўтюраклар клуби” инсон ҳуқуқларини ҳимоя қилиш халқаро ташкилотининг эътиборини Эдвард Сноуден фаолияти билан боғлиқ факт эмас, балки президент Владимир Путиннинг америкалик қочқин ва Россия Федерацияси ҳудудидан бошпана излаётган барча шахслар борасида айтган нутқи тортди.
Путин Эдвард Сноуденга нисбатан Россия позициясини изоҳлар экан, жумладан бундай деди: “Россия мамлакатимиздан бошпана излаётган қочқинларни ҳеч қачон бериб юбормаган ва бериб юбормайди ҳам”.
“Ўтюраклар клуби” инсон ҳуқуқларини ҳимоя қилиш халқаро ташкилоти Владимир Путиннинг айтганларини сохталик ва иккиюзламачилик, дея баҳолайди.
Ёлғиз она ўзбек судида ўз ҳуқуқини ҳимоя қила олди
Ўзбекистон Маъмурий жавобгарлик кодексининг учта моддаси билан айбланиб, шу йилнинг 23 май куни жиноий ишлар бўйича Тошкент шаҳар Юнусобод туман суди қабул қилган қарори асосида 1 591 800 сўм миқдорда жаримага тортилган Ленара Шабановага нисбатан иш тўхтатилди.
Бу борада Ленара Шабанова “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева номига ёзган миннатдорчилик хатида маълум қилган.
Ўзбек суди Турсуновни рецидивист дея тан олди ва ўн олти йилга озодликдан маҳрум қилди
“Жараён” журналистлари ўзларининг Ўзбекистондаги манбалари ёрдамида жорий йилнинг баҳорида Алматидан Тошкентга экстрадиция қилинган қочқин Хайрулло Турсунов устидан чиқарилган ҳукм нусхасини қўлга киритишга муваффақ бўлдилар.
“Жараён”га ҳукм нусхасидан маълум бўлишича, 38 ёшли Хайрулло Турсунов устидан суд маҳкамаси Қашқадарё вилоят жиноят ишлари бўйича судида судья А. Элмуродов раислигида очиқ режимда бўлиб ўтган. Турсуновга нисбатан суд ҳукми 2013 йилнинг 6 июнь куни ўқилган.
Ҳуқуқ фаоли Эргашбой Раҳимов озодликка чиқди
Кечаётган ой ўрталарида Қорақалпоғистоннинг Беруний туман ички ишлар бўлими вақтинча сақлаш қамоқхонасидан озодликка чиқарилган ҳуқуқ фаоли Эргашбой Раҳимов ҳимоячиси ШуҳратРустамов ва матбуот вакиллари билан вақтинча алоқани узишини айтган.
Бу борада унинг ҳимоячиси Шуҳрат Рустамов “Жараён”га мана буларни билдирди:
– Эргашбой озодликка чиққанини акаси Қўралбой Раҳимовдан билдим. Ҳол аҳвол сўрашай, деб унинг ўзига телефон қилсам, телефони ўчирилган. Кейин акасидан билсам Эргашбой мен ва журналистлар билан вақтинча алоқага чиқишдан тийилишини айтибди. Негалиги менга номаълум, – деди 23 июль куни “Жараён”га гапирган Ўзбекистон ҳуқуқ ҳимоячилари альянси фаоли Шуҳрат Рустамов.
