Category Archives: JARAYON.COM АРХИВИ
Сиёсий маҳбус Муҳаммад Бекжон халқаро мукофот лауреатига айланди
Қамоқдаги ўзбек журналисти Муҳаммад Бекжон “Чегара билмас мухбирлар” халқаро ташкилотининг “Матбуот эркинлиги” йиллик мукофотига сазовор бўлди.
Шу йилнинг 27 ноябрь куни қароргоҳи Парижда жойлашган “Чегара билмас мухбирлар” халқаро ташкилоти ўзбек журналисти, сиёсий маҳбус Муҳаммад Бекжон йил сайин бериладиган “Матбуот эркинлиги” (Press Freedom Prize) мукофотининг соҳибига айлангани ҳақида эълон қилди.
Стив Свердлов: Женевадаги сессияда ўзбек делегацияси тажовузкорлик йўлини танлади
Жорий йилнинг октябрь ойи охирида Женевада БМТнинг Қийноқларга қарши қўмитасида Қийноқларни таъқиқловчи конвенция бажарилиши бўйича Ўзбекистон делегациясининг ҳисоботи кўриб чиқилди.
Бу тинглов мулоқот тарзида ўтказилиб, унда нуфузли қўмитанинг етакчи экспертлари ўзбек делегациясига турли саволлар бердилар.
Мўътабар Тожибоева: “ТелиаСонера”нинг сўзи амалига тўғри келмаяпти
Жорий йилнинг 13 ноябрь куни Брюсселда Глобал тармоқ ташаббуси (Global Network Initiative) ва Телекоммуникацион Мулоқот (Telecommunications Industry Dialogue) ташкилотларининг сўз эркинлиги ва шахсий ҳаёт дахлсизлиги бўйича қўшма халқаро форуми бўлиб ўтди.
Унда сўз эркинлиги ва шахсий ҳаёт дахлсизлигига дохил долзарб саволларга жавоб топишга ҳаракат қиладиган дунёдаги қатор нуфузли халқаро ва ҳуқуқбонлик ташкилотлари вакиллари қатнашдилар.
Каримовга “туёғингни шиқиллат” деган америкалик пахтакор (видео)
Интернет фазосида яқинда пайдо бўлган “Move, Karimov” қўшиғи ижодкорларидан бири Жавид Новрузов ўтган асрнинг 80-йилларида Тошкент университетида ўқиган. Ўзбекистонда “гуллаган ёшлик чоғи”нинг 5 йилини ўтказган америкалик машшоқ ўшанда пахта даласида чанг ютиш нима эканини ўз танасида ҳис қилиб кўрган.
3 декабрь – Халқаро ногиронлар куни
“Жамият аъзоси бўлган ҳар бир инсон ижтимоий таъминот ҳуқуқига ҳамда миллий саъй-ҳаракат ва халқаро ҳамкорлик воситасида, ҳар бир давлат структураси ва ресурсларидан келиб чиққан ҳолда иқтисодий, ижтимоий ва маданий соҳаларда ўз шаънини сақлаш ва шахсини эркин такомиллаштириш учун зарур бўлган ҳақ-ҳуқуқларни юзага чиқариш ҳуқуқига эгадир”, дейилади БМТнинг Бош ассамблеяси томонидан 1948 йилнинг 10 декабрида қабул қилинган Инсон ҳуқуқлари умумжаҳон декларациясининг 22-моддасида.
Сўнгги бир ой ичида ўзбек қамоқхоналарида икки маҳбус қийноқдан ўлди
Жорий йилнинг 16 ноябрь куни Навоийдаги қамоқхонадан Андижон воқеаларининг бевосита гувоҳи бўлган 36 ёшли Таваккал Ҳожиевнинг жасади чиқди.
Бир ой аввал эса Зарафшондаги колонияда бошқа бир маҳбус – диний экстремизмда айбланган 35 ёшли Самариддин Салоҳиддинов шафқатсиз қийноқлар туфайли жон таслим қилганди.
Мўътабар Тожибоева: Наталья Войтенкованинг янги адвокати қозоқ махфий хизматлари босими остида қолди
Қозоғистонлик адвокат Наталья Демидова ўз ҳимояси остидаги Наталья Войтенкованинг вазияти ҳақида оммавий ахборот воситаларига маълумот беришдан бош тортмоқда.
Бундан бир ярим ой аввал Остона шаҳрининг Сариарқа туман суди 33 ёшли муслима Наталья Войтенкова устидан ҳукм чиқарганди.
Ўзиникилар ичида бегона
Мақолам миш-миш гапларга асосланган эмас, балки ўз танамда ҳис қилганим дискриминацияга бағишланади.
Мен Россияга бундан икки йил аввал келганман, “муҳожир” мақомига эгаман ва бу сўз гўё ҳукмдек эшитилади. Мен Россиянинг қатордаги одамларидан терим ёки кўзим ранги билан эмас, балки ҳужжатларим билан фарқ қиламан: паспортимда – Тожикистон Республикасининг герби акс этган.
Мўътабар Тожибоева: Жаноб Шодиев, мунофиқлик токайгача?
“Мўътабар Тожибоева масаласига келсак: Одам нима қилишини ёки кимга мурожаат қилишини билмаганида ҳар хил афсоналар тўқий бошлайди. Тожибоева ҳам бундан мустасно эмас. У 2008 йилда аёллар колониясида қамоқ жазосини ўтаётганда оғир касал бўлган, унда аёллар онкологик касаллиги, рак бўлган. Уни ўзи кўзида ёш билан ариза ёзиб, ёрдам кўрсатишни сўраган.
Бундай ҳолларда маҳкумларга тиббий амалиётни амалга ошириш учун маҳкумнинг ўз розилигини олган ҳолда, унга тиббий ёрдам кўрсатишга мажбурмиз. Унда жарроҳлик амалиёти муваффақиятли ўтказилди, бунинг учун у бир неча марта миннатдорчилик билдирди. Муддатидан олдин қамоқдан озод қилинди ва унга даволанишни давом эттириши учун мамлакатдан чиқишига рухсат берилди. Шундан кейин сизлар эшитишни хоҳлаган керакли–кераксиз гапларни тарқата бошлади”.
Ҳуқуқ фаоли Суръат Икромов чиқиш визасини олишга муваффақ бўлди
Ўзбекистон мустақил ҳуқуқ ҳимоячилари ташаббус гуруҳи раиси Суръат Икромовга 40 кунлик оворагарчиликдан сўнг ички виза берилди. Бу борада “Жараён”га тошкентлик ҳуқуқ фаолининг ўзи маълум қилди.
Икромовнинг айтишича, 13 ноябрь куни тушдан кейин у Тошкент шаҳар Олмазор туман ички ишлар бошқармасининг Чиқиш-кириш ва фуқароликни расмийлаштириш бўлимига таклиф қилинган.
