Category Archives: Инсон ҳуқуқлари
Муҳожирлар ҳуқуқини ҳимоя қилиш қўмитаси: “Хор бўлаётган миллат нидоси” (видео)
Сўнгги ойларда Россияда истиқомат қилаётган ҳамда ноқонуний одам ўғирлаш ва экстрадициялар хавфи остида қолаётган ўзбек қочқинлари бу мамлакат ҳудудида узоқроқ муддат қолиш, ватанига ноқонуний экстрадиция қилиниш вақтини чўзиш ёки ўзбек махсус хизматлари томонидан ўғирланишдан халос бўлиш учун Россияда онгли равишда жиноят содир эта бошлаганлар.
Андижон воқеаларининг яна бир қурбони ўзбек расмийларини қонунга хилоф хатти-ҳаракатларда айбламоқда
Нью-Йорк — Ўзбекистон ҳукумати 2005 йили тинч норозилик намойишига чиққан юзлаб фуқаро оммавий қирғин қилинмиш Андижон шаҳридаги қатағон учун БМТнинг Инсон ҳуқуқлари бўйича қўмитаси олдида жавоб беради.
Андижон қирғинида омон қолган Ҳусанбой Рўзиев БМТнинг Инсон ҳуқуқлари бўйича қўмитасига шикоят аризаси билан мурожаат қилди.
Ўз мурожаатида у 2004 йили ноқонуний қўлга олингани ва қийноқларга дучор этилгани ҳамда 2005 йилги воқеалар бўйича тегишли текширув ўтказилмагани важидан Ўзбекистон ҳуқуқ-тартибот идоралари ва хавфсизлик хизматини айбламоқда.
Қамоқда опа-сингил Ҳамдамоваларнинг аҳволи оғирлашди
“Жараён”нинг Ўзбекистон ичидаги манбаси хабар қилишича, сиёсий маҳбусалар ҳисобланмиш опа-сингил Ҳамдамоваларнинг аҳволи оғирлашган. Бу ҳақда бизга хавфсизлик важидан исмини ошкор қилмаётган манбамиз жорий йилнинг 27 май куни маълум қилди.
Унинг айтишича, қамоқдаги диндор опа-сингилнинг каттаси Зулхумор Ҳамдамованинг кўзи яхши кўрмай қолган. Бундан ташқари, манбага кўра, қамоқхона маъмурияти бир неча ой аввал бачадонида ўсимта аниқланган Меҳринисо Ҳамдамовага жарроҳлик амалиётини ўтказишга рухсат бермай келмоқда.
Ўзбек махсус хизматларининг давомли жазаваси
Ўтган ҳафтада Ўзбекистон фуқаролик жамиятининг кўплаб фаоллари почтасига “Ўтюраклар клуби” инсон ҳуқуқлари халқаро ташкилоти раҳбари Мўътабар Тожибоева узоқ йиллардан буён ўзбекистонлик сиёсий маҳбуслар оилаларига моддий ёрдам кўрсатиш учун халқаро жамғармалар томонидан ажратилган пулларни ўзлаштириб келгани таъкидланмиш бир мақола келиб тушди.
Ҳуқуқ фаоли Ғанихон Маматхонов 63 ёшни қаршилади
Ўзбек суди қамоқда қолаётган фарғоналик таниқли ҳуқуқ фаоли Ғанихон Маматхоновга яна уч йил қамоқ муддати қўшиб берди.
6 май куни беш йилдан буён қамоқда қолаётган таниқли ўзбек ҳуқуқ фаоли, Шахс ҳуқуқларини ҳимоя қилиш халқаро ташкилоти вакили Ғанихон Маматхонов 63 ёшни қаршилади.
“Ўтюраклар клуби” инсон ҳуқуқларини ҳимоя қилиш халқаро ташкилоти ва “Жараён” веб-сайти таҳририяти Ғанихон Маматхоновни туғилган куни билан муборакбод этиб, унга чин юракдан узоқ умр, мустаҳкам соғлиқ ва тез кунларда қамоқдан озод бўлишни тилаб қолади.
Толиб Ёқубов: Тутуруқсиз тузум
“Ўзбекистон Республикаси инсон ҳуқуқлари миллий маркази”нинг директори, умрида бирор марта ҳам рост сўзламаган Акмал Саидов 2013 йил октябрь ойида Бирлашган Миллатлар Ташкилоти “Қийноқларга қарши комитети”нинг Женевада ўтган сессияси қатнашчиларини: “Жаслиқдаги УЯ 64/71 қамоқхонаси Қорақалпоғистон Республикаси ва Хоразм вилоятида қамалган маҳкумлар учун қурилган”, дея алдаган эди. Тошкентга қайтгач, бир доирада: “Европадаги шалпангқулоқларни боплаб алдадим”, дея мақтангани ҳақида ҳам эшитувдик.
Мўътабар Тожибоева ва Муҳаммад Бекжон «Матбуотнинг 100 қаҳрамони» рўйхатида
«Чегара билмас мухбирлар» халқаро ташкилоти жамоатчиликни хабардор қилиш ишига энг кўп ҳисса қўшган энг фаол юз нафар журналист, блогер ва ҳуқуқ ҳимоячиси рўйхатини илк бор эълон қилди.
Қароргоҳи Парижда жойлашган «Чегара билмас мухбирлар» матбуотни ҳимоя қилиш халқаро ташкилоти дунё бўйлаб 3 май куни нишонланадиган Жаҳон матбуот эркинлиги куни арафасида «Матбуотнинг 100 қаҳрамони» номи билан рўйхат эълон қилди.
Бу рўйхатда дунёдаги 65 та мамлакатнинг 25 ёшдан 75 ёшгача бўлган вакиллари номи келтирилган бўлиб, улар орасида Ўзбекистондан икки вакил – «Ўтюраклар клуби» инсон ҳуқуқларини ҳимоя қилиш халқаро ташкилоти раҳбари Мўътабар Тожибоева ҳамда мухолифатдаги «Эрк» газетасининг маҳкум бош муҳаррири Муҳаммад Бекжон ҳам бор.
Солижон Абдураҳмонов ўғли билан сўзлаштирилмади
Қаршидаги колонияда сақланаётган журналист Солижон Абдураҳмоновга қисқа муддатли учрашув учун қамоқхонага келган ўғли Даврон билан суҳбатлашиш имконияти берилмади. Бу ҳақда “Жараён”га журналистнинг рафиқаси Шукуржон опа маълум қилди.
Унинг айтишича, отаси билан учрашиш истагида Қаршига борган Даврон учун учрашув расмийлаштирганлар ва ота-болани учрашув хонасига киритганлар.
Ўзбекистонда ёш йигит мобил телефонида қувғиндаги ўзбек имомлари даъватларини сақлагани учун озодликдан маҳрум этилди
Тошкент вилоятидаги Жиноят ишлари бўйича Оққўрғон туман суди Фарғона вилоятининг Риштон туманида яшовчи 27 ёшли Зоиржон Мирзаевни мобил телефонида қувғиндаги ўзбек имомларининг даъватларини сақлагани учун беш йилга озодликдан маҳрум қилди.
Ўзбекистон мустақил ҳуқуқ ҳимоячилари ташаббус гуруҳи матбуот марказининг хабар қилишича, Фарғона вилоятига қарашли Риштон туманининг Уймовут қишлоғида яшовчи Зоиржон Мирзаев жорий йилнинг 19 январь куни “Москва-Тошкент” йўналиши бўйлаб кетаётган поезд тўхтаган “Келес” станциясининг божхона хизмати ходимлари томонидан тутиб қолинган.
Ўзбек чегарачилари исломий даъват ёзувини ёнида олиб юрган одамларни ушлаяптилар
Қароргоҳи Норвегияда бўлган “Форум-18” ахборот хизматининг хабар қилишича, сўнгги бир неча ой ичида ўзбек чегарачилари мобиль телефонлари ва компьютерларида исломий даъват ёзувлари бўлган тожикистонлик уч транзит йўловчини ушлаганлар.
Ватанига Ўзбекистон орқали қайтаётган уч нафар тожикистонлик фуқаро ўзбек чегара хизмати ходимлари томонидан поезддан тушириб қолинган ва уларга қарашли электрон ташувчиларда диний даъватлар ёзилгани учун ҳеч қанақа айблов эълон қилинмай, қўлга олинган, деб ёзади қароргоҳи Ослода бўлган “Форум-18” диний эркинликка кўмаклашиш бўйича ахборот хизмати.
