Category Archives: Инсон ҳуқуқлари
“Эзгулик” фаоли Бобомурод Раззоқов манзил колонияга чиқарилмади
Тошкент вилоятининг Товоқсой посёлкасидаги 64/3-сонли зонада жазо муддатини ўтаётган Ўзбекистон инсон ҳуқуқлари “Эзгулик” жамияти Бухоро вилояти бўлими раиси Бобомурод Раззоқов Ўзбекистон Республикаси Жиноят Ижроия Кодекси ва Амнистия тўғрисидаги Сенат қарори талабларига мувофиқ, шу йилнинг 12 июлида манзил колонияга чиқарилиши лозим эди.
Amnesty International Мурод Жўраев соғлиғи юзасидан хавотир билдирди
Amnesty International инсон ҳуқуқларини ҳимоя қилиш халқаро ташкилоти Ўзбекистонда сиёсий сабаблар туфайли қамалган мамлакат парламентининг собиқ депутати Мурод Жўраев соғлиғи юзасидан хавотир билдирди.
Amnesty International халқаро ташкилотининг 21 июль куни эълон қилинган баёнотида сиёсий маҳбус Мурод Жўраевнинг соғлиғи борасида хавотир билдирилган.
Мўътабар Тожибоева Венада норозилик намойиши ўтказмоқда
4 июль куни Австриянинг Вена шаҳрида “Ўтюраклар клуби” инсон ҳуқуқларини ҳимоя қилиш халқаро ташкилоти томонидан уюштирилган Ўзбекистондаги қийноқ ва сиёсий қатағон қурбонларига бағишланмиш норозилик намойиши бўлиб ўтади.
“Ким айбдор?! Навбатдагиси ким?!” дея номланган мазкур акция фикр эркинлиги мавзусига бағишланган ЕХҲТ анжумани доирасида бўлиб ўтади.
Халқаро қийноқ қурбонларини қўллаб-қувватлаш куни Ўзбекистонда яна бир қийноқ қурбони – ҳуқуқ фаоли Абдурасул Худойназаров оламдан ўтди
Ўзбекистон инсон ҳуқуқлари жамияти “Эзгулик” тарқатган хабарга кўра, 26 июнь куни Ўзбекистонда узоқ муддат давомида қамоқда сақланиб келинган 58 яшар ҳуқуқ фаоли Абдурасул Худойназаров оламдан ўтди.
26 июнь куни эрталабки соат 8 ларда Ўзбекистонда 58 яшар ўзбек ҳуқуқ фаоли, “Эзгулик” жамиятининг Ангрен шаҳар бўлими раиси Абдурасул Худойназаровнинг жони узилди.
Халқаро қийноқ қурбонларини қўллаб-қувватлаш куни арафасида ўзбек қамоқхонасидан “Ҳизб-ут-Таҳрир” етакчиларидан бирининг жасади чиқди
Би-Би-Си радиосининг Ўзбек хизмати тарқатган хабарларга кўра, 18 июньга ўтар кечаси ўзбек расмийлари диний сабаблар билан қамалган маҳкум Абдураҳим Тўхтасиновнинг жасадини унинг яқинларига топширганлар ва уни яширин равишда дафн этишни буйирганлар.2
0 июнь куни Би-Би-Си радиосининг Ўзбек хизмати “Ҳизб-ут-Таҳрир” партиясининг минтақавий веб-сайтига таянган ҳолда хабар қилганидек, жорий йилнинг 18 июнь кунига ўтар кечаси расмийлар диний сабаблар билан қамалган маҳкум Абдураҳим Тўхтасиновнинг жасадини унинг яқинларига топширганлар ва уни яширин тезкорлик билан дафн этишни буюрганлар. Шунингдек, улар Тўхтасиновнинг қариндошларига дафн маросимини яширинча ўтказишни буюрганлар.
Мирсобир Ҳамидқориев ўзбек ИИВ ертўласида қийноққа тутилмоқда
25 июнь куни жорий йилнинг 9 июнь куни Москва марказида ўғирлаб кетилган ўзбек қочқини Мирсобир Ҳамидқориевнинг онаси “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева билан телефон орқали боғланиб, унга ўғли Ўзбекистон Ички ишлар вазирлиги ертўласида экани ва у ерда қийноққа тутилаётгани ҳақида маълум қилди.
Бугун, 25 июнь куни, ўзбек қочқини Мирсобир Ҳамидқориевнинг Россия ҳудудидан ўғирлаб кетилгани исботланди.
Қозоғистон/Ўзбекистон: Қийноқ қурбонлари ҳали-ҳамон панжара ортида
Париж–17 июнь 2014 йил. Икки йилдирки, Қозоғистон БМТ Қийноқларга қарши қўмитаси қарорини бажаришдан бош тортиб келмоқда.
Бу мамлакат қийноқлар кенг қўлланиладиган Ўзбекистонга 2011 йили ноқонуний равишда бериб юборилган 29 шахсга хавфсизлигини ошиғич қайтариши ҳамда имкон қадар тезроқ жабрланувчилар ва уларнинг яқинларига товон пули тўлаб бериши лозим.
Шунингдек, Қозоғистон бу шахслар мамлакатдан экстрадиция қилинганидан кейин қийноққа тутилганига оид баёнотларнинг текширилишини ҳам талаб қилиши керак.
Ўзбекистон Республикаси Соғлиқни сақлаш вазири Алимов Анвар Валиевичга Мўътабар Тожибоевадан Мурожаатнома
2014 йилнинг май ойида тиббий текширувлар натижасида Абдурасул Худойназаровда саратоннинг 4-босқичи аниқланган. Худойназаров қамоқхонада ўлиб қолмаслиги учунгина унинг жазо муддати тугашига саноқли кунлар қолганида қамоқдан озод этилган, чунки таниқли ҳуқуқ фаоли қамоқхонада жон таслим қилса, Ўзбекистон ҳукумати обрўсига анча путур етиши мумкин эди.
Ҳуқуқ фаоли Абдурасул Худойназаров оғир аҳволда онкология касалхонасига келтирилди
Ҳуқуқ фаоли Абдурасул Худойназаровнинг турмуш ўртоғи Гулчеҳра Туронованинг “Жараён”га маълум қилишича, 29 май куни унинг турмуш ўртоғи озодликка чиқарилиб, ўша куннинг ўзидаёқ Тошкент вилоятидаги онкология касалхонасига келтирилган.
3 июнь куни ҳуқуқ фаоли Абдурасул Худойназаровнинг турмуш ўртоғи Гулчеҳра Туронова билан телефон орқали бўлиб ўтган суҳбатда “Ўтюраклар клуби” инсон ҳуқуқларини ҳимоя қилиш халқаро ташкилоти раҳбари Мўътабар Тожибоева ҳуқуқ фаоли Тошкент вилоятидаги онкология касалхонасига ётқизилганидан хабардор бўлди.
Шифокорлар Худойназаровнинг қувиғи атрофида саратон борлигини аниқлашган.
Ўзбек расмийлари сиёсий маҳбус Абдурасул Худойназаровни озодликка чиқардилар
Жорий йилнинг 30 май куни Ўзбекистон расмийлари шу кунгача қамоқ жазосини ўтаб келган ҳуқуқ фаоли Абдурасул Худойназаровни озодликка чиқардилар.
Бу ҳақда “Жараён” Ўзбекистон ичкарисида фаолият юритадиган ва Абдурасул Худойназаров аъзоси бўлган инсон ҳуқуқлари “Эзгулик” жамияти тарқатган матбуот варақчасидан хабар топди.
