Category Archives: JARAYON.COM АРХИВИ
“Амансаулиқ” ўз офисида ўтказилган тинтувдан арз этди
Қозоғистондаги “Амансаулиқ” жамоатчилик жамғармаси ҳуқуқ-тартибот органлари томонидан ўз офисида бўлган тинтув ва техникаларни тортиб олинишидан шикоят қилмоқда.
Йигирма тўққиз қочқин тақдирига оид янги тафсилотлар
«Жараён” таҳририятига қароргоҳи Францияда жойлашган АСАТ – France инсон ҳуқуқларини ҳимоя қилиш ташкилоти тақдим этган маълумотлар ёрдамида 2011 йили Қозоғистондан Ўзбекистонга экстрадиция қилинган 29 нафар қочқиннинг тақдирига алоқадор янги тафсилотлар маълум бўлди.
Жиззах вилоят суди Саида Қурбонова аризасини қондирмади
Шу йилнинг 24 январь куни “Бирдамлик” ҳаракатининг Жиззах вилоятидаги фаоли Саида Қурбонованинг иши судда кўрилди.
Туғилган кунингиз билан, “президент” Каримов!
“Ўтюраклар” талабалар ҳаракати инсон ҳуқуқлари бузилиши муаммоларига лоқайд бўлмаган ёшларни бирлаштириш мақсадида 2012 йилнинг январь ойида ташкил этилган.
Биз ўзимизнинг дастлабки норозилик намойишимизни Европа ҳамжамияти ва унинг лидерларига Ўзбекистондаги инсон ҳуқуқлари соҳасидаги барча муаммолар ҳақида эслатиб қўйиш учун уюштиргандик.
Бизнинг бу кунни танлашимизга сабаб – 1938 йилнинг айнан шу кунида, бизнинг фикримизча, Ўзбекистонда инсон ҳуқуқлари соҳасидаги аксар қонунбузарликлар учун масъул бўлган мамлакат президенти Ислом Каримов туғилган.
Жаҳонгир Муҳаммад: Тойиба
Танишув
Иқтисод фанлари кандидати Тойиба Тўлагановани илк марта 1990 йилнинг 24 март куни кўрдим. Биз сессия оралиғида тузилажак комиссиялар масаласини муҳокама қилаётган эдик.
Эшик тақиллаб, бир жувон кириб келди ва майин овозда:
– Менинг номим Тойиба Тўлаганова, мени ҳуқуқ комиссиясига ёзишган экан, сизларга ўтсам бўладими?, -деди.
Қочқинни ҳимоя қилиш ва экстрадиция қилмасликни талаб қиламиз!
2012 йилнинг 7 апрель ойидан буён Қозоғистоннинг Ақтўбе шаҳрида ҳибсда сақланаётган Ўзбекистоннинг Қашқадарё вилояти Қарши шаҳрида 1974 йил 4 апрелида туғилган Турсунов Хайрулло Турдиевич, Жиноий ишлар бўйича Ақтўбе вилоят судининг 18 январь куни чиқарган қарорига мувофиқ, яқин кунларда Ўзбекистонга экстрадиция қилиниши керак.
Меҳнат ҳақини талаб қилган ўзбекистонликни Остонада машина туртиб кетди
Ангрен шаҳридан келиб Остонадаги қурилишларда булдозер ҳайдаётган Аллоёр Султонбоевнинг иш ҳақини талаб қилиши уни машина уриб кетиши билан якунланди.
65 ёшли Аллоёр оға Остонадаги ободонлаштириш билан шуғулланувчи хусусий фирмада 3 йилдан бери ишлаб келади. Аммо фирма хўжайини бу йил унга ваъда қилинган пулнинг ҳаммасини бермади.
Қозоғистон яна бир ўзбек қочқинини Тошкентга бериб юбормоқчи
Ақтўбе вилоят суди ўзбекистонлик бошпана изловчи Хайрулло Турсуновни Ўзбекистонга бериб юбориш тўғрисида ҳукм чиқарди. Ўзбекистондан келган соқчилар уни шу кунларда Тошкентга олиб кетиши мумкин.
Тожик журналисти ҳуқуқ-тартибот идоралари таъқибига учради
Тожикистон мустақил оммавий ахборот воситалари миллий уюшмаси сайтида ёзилишича, мамлакат Ички ишлар вазирлигининг Уюшган жиноятчиликка қарши бошқармаси ходимлари “Нигоҳ” мустақил газетаси мухбири Амруллоҳи Низомни ноқонуний тутишга уринган.
Абдулазиз Маҳмудов: Ким айбдор? Нима қилмоқ керак?
Ким айбдор? Нима қилмоқ керак? Бу саволлар устида рус мутафаккирларининг бир неча авлоди бош қотирган. Чаадаев, Герцен, Чернишевский, Достоевский, Кропоткин ва бошқа кўплаб кишилар.
